الاستعداد لارتفاع اسعار البنزين 90 و 92 بالاتجاة الى 80

**Ahmed Mubarak** · 25-05-2010 02:48 PM

السلام عليكم
طبعا يا جماعة بعد الاشاعات والكلام الكتير عن ارتفاع اسعار البنزين 92 و 90 كنت عايز اعرف هل ممكن احط بنزين 80 للموتور الانجيكشن بصراحة انا خايف احط خصوصا انا لسة مسقط المكنة مفيش من اسبوع والحمد لله ذى الفل فهل حد جرب ال 80 مع الانجيكشن وهل فى مشاكل ولا اية النظام
واذا مكنش فى مشاكل اية المفروض يتعمل عشان تعلية كهربة العربية عشان متسقفش
العربية ابيزا 94 مكنة 1600 انجيكشن بتاعة البولو 75 حصان

**hobaz** · 25-05-2010 02:54 PM

متابع...........

**John_Samy_1** · 25-05-2010 03:32 PM

حتى لو ينفع مستعد تقف في الطابور لبكرة الصبح

**د.محمود صلاح** · 25-05-2010 04:04 PM

في الأقاليم مافيش طوابير عليه ..

**banky** · 25-05-2010 05:53 PM

يا راجل حرام عليك ....

هو ينفع .. بس هتلاقى السحب بتاع العربية بقى زفت و غير كدة على المدى البعيد عمر الموتور هيقصر اوى

**ainshouka** · 25-05-2010 05:59 PM

المشاركة الأصلية كتبت بواسطة د.محمود صلاح

في الأقاليم مافيش طوابير عليه ..

للأسف حتى الاقاليم بقت طوابير

بس المشكلة انه ساعة الازمات ممكن يتغش بالمية ويسبب بارومة للتنك ويقلل كفاءة السيارة
ودا بسبب محطات اصحابها معدومى الضمير

**John_Samy_1** · 25-05-2010 11:07 PM

المشاركة الأصلية كتبت بواسطة M_O_B_I

اقف ساعة واعتبرها اوفر تايم وشوف الفرق

تصدق إن كلامك صح وحسسني قد إيه احنا مرتباتنا أي كلام

.
بس أنا مش بحب الطريقة الغير ادمية اللي الناس بتتعامل بيها مع بعض في الازمات والطوابير (كنت بركب مكروباص هرم دائري من رمسيس وشفت حاجات تخلي الواحد يعيط عالأخلاق والذوق).

**mesho_kimi** · 26-05-2010 02:21 AM

للآسف أحنا صحيح عربياتنا موديلاتها قديمه ولكن تخيلوا أنى فى عربيات كوري أحدث موديل وممكن تشتغل ببنزين 80 بدون اى مشاكل وأعلي كفائه ليها ببنزين 92 ، انما انا مثلاً معايا البولو البنزين الموصي بيه 95 وأقل رقم أوكتان 91 يعني لو البنزين غلي الواحد حيخرب عربيته ويجيب أجلها أنا مره حطيط بنزين 80 بعد عشر دقائق كنت مفول العربيه 92 الله يخربيتهم مش كفايه عمالين ياخدوا مننا فلوس بقوانين المرور الغربيه دية

**Ahmed Mubarak** · 26-05-2010 10:50 AM

المشاركة الأصلية كتبت بواسطة mesho_kimi

للآسف أحنا صحيح عربياتنا موديلاتها قديمه ولكن تخيلوا أنى فى عربيات كوري أحدث موديل وممكن تشتغل ببنزين 80 بدون اى مشاكل

تمام يا باشا الدايو اللانوس فيها جامبر لتغير الاوكتين من 87 الى 90 او حاجة ذى كدة

الله يخربيتهم مش كفايه عمالين ياخدوا مننا فلوس بقوانين المرور الغربيه دية

انت عارف بيتهيقلى ان ابليس نفسة ميعرفش يعمل قوانين ونظام ذى الناس دى