عايزه نصيحه بس تكون عن تجربه

**haneen83** · 01-06-2010 10:43 AM

المشاركة الأصلية كتبت بواسطة eng_mido9

انصح حضرتك بعدم التفكير فى ال F0 لأن التوكيل سئ جدا وقطع الغيار غير متوفرة وان وجدت يجب ان يضاف لها بند مصنعية وتركيب حتى لو لم يتم تركيبها داخل التوكيل وللعلم انا مالك BYD Flyer 2006 وحبيت اشترى 2 فانوس امامى من التوكيل كان السعر كالتالى 275 جنيه سعر الفانوس الواحد بالاضافة الى 75 جنية مصنعية + 10% يعنى الفانوس الواحد وقف عليا ب 385 بس !!!!!!!!!!!!!!!!!!!! يا بلاش طبعا بالرغم انى مركب الفوانيس بره وقالولى لو حبيت تركبها هنا فى التوكيل هاستنى 6 شهور عشان العربية كانت عاملة حادثه(اكصدام+فوانيس) والحمد لله صلحتها بره فى 3 ايام - وللعلم ما ينفعش نقارن بين ال F0 & flyer وبين ال F3 فنصيحة لوجة الله بلااااااااااااااااااااااا ااااااااااااااااااااااااا ش

حيرتونى والله

... هى الفلاير لسه معاك و الا بعتها

.. بصراحه المبالغ اللى حضرتك قولت عليها دى صعبه اوى

... بس انت ايه رايك فى اداء الفلاير و هل اسعار قطع الغيار بتقل و الا زى ما هى من ساعت ما اشتريت الفلاير ؟؟

و جزاك الله كل خير على ردك و مشاركتك

**ehabpopo** · 01-06-2010 03:39 PM

المشاركة الأصلية كتبت بواسطة haneen83

حيرتونى والله

... هى الفلاير لسه معاك و الا بعتها

.. بصراحه المبالغ اللى حضرتك قولت عليها دى صعبه اوى

... بس انت ايه رايك فى اداء الفلاير و هل اسعار قطع الغيار بتقل و الا زى ما هى من ساعت ما اشتريت الفلاير ؟؟

و جزاك الله كل خير على ردك و مشاركتك

فية اقتراح تانى ... معرض اتوماك ها يبدأ يوم الخميس القادم 4/6/2010 ... روحى المعرض واتفرجى وشوفى الاسعار يمكن ربنا يوفقك وتلاقى حاجة تعجبك وعلى قد فلوسك ... لانك بالوضع ده

ها تقضيها مترو انفاق كتيييييييييييييييييييير ... وربنا يوفقك

**eng_mido9** · 01-06-2010 10:36 PM

الفلاير لسه معايا ومش ناوى ابيعها لأنى لو بعتها هاخسر فيها كتير حوالى تلت تمنها والأداء للعربية كويس بالنسبة لحجمها(العربيه صغيرة وخفيفه فى المطبات بس ده مش عيب جامد) موتورها كويس والتكييف برضه تمام لغاية 100كم بس هى المشكله فى قطع الغيار اللى هى اصلا مشكله توكيل وننسى سيادتك ان قطع الغيار ترخص بل بالعكس بتغلى وانا من اسبوعين بالظبط رحت عشان اشترى العلامة الاماميه اللى بتتحط على الشبكة الاماميه لانها وقعت لاقيت الموظف بيقولى ب 33 جنيه !!!!!!!!!!!!!!!!!!!!! بالعلم انها مصنوعه من بلاستيك وبتتلزق بدبل فيس يعنى مالهاش مسامير او شغلانه قولتله انا لاقيت علامة التويوتا(فى ناس كتير شوفتهم حاطين علامة التويوتا على ال f3 زى ما نا عملت) ب 7 جنية فى السوق وهاحطها على العربية لان دى كده سرقه عينى عينك تقريبا كده هما مقتنعين ان العلامة دى مصنوعة من دهب مش بلاستيك وقطع الغيار لل byd مش موجود خاااااااااااااااااااااااا ااااااالص فى السوق ماعد f3 انما برضه المصريين ما بيتغلبوش يعنى العفشه بتاعة الفلاير يركب عليها الماروتى واسطوانة الدبرياج والبلى والديسك (فى التوكيل 850جنية شامل التركيب) بيركب بدلها بتاعة السوزوكى سويفت(500 جنية شامل التركيب خارج التوكيل ويابانى) ويعنى بنحاول نوفق لها اى حاجة بعيده عن اسعار وخيالات التوكيل. وربنا يكرم ,ويوفق الجميع.

**driver805** · 02-06-2010 05:08 PM

انا اشتريت الf1 هى على فكرة بقى اسمها f0 المهم انا برد على كلام حضرتك انا العربية بقالها معايا شهر وحلوة اوى هى على فكرة موتور السيريون ولو عايزة حضرتك تشوفيها ممكن تشوفيها وتجربيها لو حبيتى بس هى ممتازة من جوة وبرة

انا اشتريتها واعربية حلوة جدا اى استفسار عنها دة رقمى0102372139 ولو عايزة حضرتك تتفرجى عليها

**seba** · 09-06-2010 07:40 PM

ولكن الجميل في الأمر أنها إنتاج صيني حاليا ولسة مادخاتش تجميع محلي يعني جودة في كل حاجة بدون مبالغة لأن مصنع byd الصيني مبني علي نظم إدارة دقيقة جدا وعلي أحدث مستويات الجودة والدقة في كل شيء من الإبرة للصاروخ والمصنع له إشتراطات جودة عالية جدا مش متوفرة في كثير من المصانع الصينية الأخري وطبعا ده سبب تفوق byd علي جميع الشركات الصينية الأخري وفي عدة مجالات غير السيارت كمان ممكن توضيح قصدك اية من ان الانتاج صينى او الانتاج محلى

**sv065** · 09-06-2010 10:50 PM

المشاركة الأصلية كتبت بواسطة seba

ممكن توضيح قصدك اية من ان الانتاج صينى او الانتاج محلى

أقصد إن الإنتاج الصيني بيمر بمراحل مراقبة للجودة أكثر من المحلي

**muslem** · 19-06-2010 07:16 PM

العربية كويسة بس اهم حاجة تشوفى هل فى قطع غيار متشابة مع العربية اللى انتى عايزاها
يعني مثلا ال byd f3 نقدر نجيب لها قطع غيار مستريح على اساس اننا ممكن نغيرها بتويوتا كرولا و ميتسوبيشي
انا اعرف ان الf1 او ال f0 لها ايضا نسخة من تويوتا لكن هل هى بتتباع فى مصر ولة لا علشان توالفي بينها و بين البي واى دى فى قطع الغيار و متكنش مشكلة فى ايجادها

**sv065** · 21-06-2010 09:11 PM

المشاركة الأصلية كتبت بواسطة haneen83

ما ده فعلا اللى مخلينى مستغربه يا استاذ شعبان:o_stupid[1]: ..ان مثلا عربيه زى الاسبرانزا a113 .. تعتبر اغلى من ال f0 و انتشرت بسرعه جدا .. فلو كانت الاسبرانزا انتشرت علشان سعرها ليه الاف زيرو ما انتشرت برضه لنفس السبب

.. حتى على الاقل لو هى وحشه بنلاقى دفعه جابتها جربتها و اكتشفت انها اى كلام بس اكيد كنا هنشوفهم فى الشارع .. لكن اختفاء خالص كده مش طبيعى .. هل ده بسبب قله الدعايه؟؟:u_thin1[1]:

على فكره كان نازل لها اعلان مع الاف 3 امبارح فى جرنان الاخبار ملحق السيارات

علي فكرة السيارة f0 ماينفعش نحكم عليها النهاردة ولا كمان سنة إنها منتشرة أو مش منتشرة أنها لسة أول نزول ليها في السوق والإعلان ده أول إطلاق ليها في مصر

وكذلك كل عربية جديدة زي الإسبرانزا أول ما نزلت قعدت مدة كبير الناس كلها خايفة منها ومش مقتنعة

بس أبو الفتوح لعبها صح وعرف قيمة الدعاية

وعلي فكرة إسالي أي حد راكب F3 حيقولك دي مظلومة في الدعاية جدا وده عنصر رئيسي في تأخرها في الإنتشار لأنها من قبل إسبرانزا والمفروض تكون في إنتشارها الـ 128 الجديدة عربية الشعب المصري

أنا نفسي من المهتمين بالسيارات جدا من زمان وغيرت عربيات كتيرة كنت أول مرة أشوف الBYD من أساسه بالصدفة في معرض وأنا رايح أتفرج علي الإسبرانزا وإشتريتها علي طول بدون تفكير والحمد لله كان الله موفق لي في هذا الإختيار