الموضوع: اول تقرير عن jac b-class

إمبارح روحت عملت صيانة ال20000 ألف وصلت الساعة 11 كان فى عربيات كتير جدا
حوالى 17 قبلى خلصت الساعة 4 بصراحة تهريج مفيش حد مشغل العمال كل واحد بيعمل اللى على مزاجة لو فى شوية نظام على اقصى تقدير 40 دقيقة و تكون العربية تمام الواحد بيغير زيت و فلتر يعنى مش بفك حاجة كبيرة و تركبها . تخيلوا العربية بتعتى فضلت مرفوعة حوالى نصف ساعة بعد تفريغ الزيت و محدش جية نحيتها غير لما روحت و كلمت المنهدس المسئول .
المهم دفعت 451 جنية تغير زيت 10000 و فلتر زيت و بوجيهات حسب تعلميات كتيب الصيانة لا أكثر و لا أقل و معملوش أى حاجة تانى فى العربية .
كنت انا العربية الوحيدة بى كلاس كان فى كذا عربية إية كلاس و الله حلوة الناس بتشكر فيها .
العربية الحمد الله كويسة مافيش مشاكل فيها بعد الصيانة حسيت إنها بقت ناعمة جداً عن الاول مجرد إحساس .
نفسى يفصلوا الجاك عن الجيلى . الجيلى مبيعاتة أكثر و اللى بيعملوا صيانة كتير يعنى يكون فى فريق خاص بالجاك و اخر بالجيلى .
حسب كلام بتعوا الصيانة نسبة الجاك الجديد أكتر من الجيلى نسبة 10: 1 يعنى كل 10 عربيات جاك جديدة قصدها عربية جيلى .
يمكن يكون صح لان دلوتى بدأت أشوف البى كلاس فى الشوارع كتير .
على فكرة دلوتى انا عامل 22000 الف كيلو و لله الحمد .