ازاي يا استاذ وليد متقولش انك اتخميت ......عشان انا متهيألي العربية صغيرة و مش محتاجة esp ولا غيره
انت عربيتك زي الفل................و مفيش عربية بالحجم ده فيها ABS ولا AIR BAG اصلا.....فاقول الحمد لله:S_thum1[1]:
عرض للطباعة
ياباشا روق خالص ولا يهمك كلنا كده :satelite:
حضرتك بس اللي كنت واثق زياده في التوكيل وانه مش هيشيل حاجه من العربيه
لكن للاسف كلهم هنا في مصر لازم يقلب العبيه قبل مايبعهالك :majd(4):
وطبعاا زي الاستاذ فوزري ماقالك احمد ربنا ان عندك ايربجاز وفرامل ABS+EBD
ده العربيات الكوري الكبيره زي اللنترا والسيراتو بينزلوا من غيرهم
ولانسر البومه ال 1300 كمان مفهاش اي حاجه
ده انا صحبي شاري سيراتو 2008 كان شاريها زيرو كامله اتوماتيك وفتحه سقف ب 107000 ومفهاش حتى ايرباج واحد :majd(4): تخيل
فانت احمد ربنا والله وبعدين صدقني دي ميزه جمده واي حد لو فكر شويه ميجيبش البيكانتو والi10 والسبارك والحاجات اللي خساره فيها الفلوس دي
ربنا يباركلك فيها :verygood:
الحمد لله على كل شئ :120146b وتحيا مصر والفيلم اللى اتعمل من 25 سنة اللى اسمه ياعزيزى كلنا لصوص مطبق من زمان بس انا اللى مخدتش بالى وعلى فكرة الكاتالوج مكتوب فى حاجات كتيييييير موجودة فى العربية ومش ابوشن بس انا متهيألى مش موجودة برضه انا حادور واكتشف وحاقولكوا بس انا اول مرة اعرف ان كل حاجة فى العربية ليها لمبة فى التابلوة برضه انا حاتأكد من الكاتالوج وارد عليكم
يا وليد باشا
ما تعتمدش على الكتالوج فقط لان الكتالوج بيكت جميع الكماليات والاوبشن الي ممكن تنزل في العربيه
لكن مش طبعا كل بلد بتنزل بقه الاوبشن اللي يعجب الوكيل بتعها
فانت شوف اللي في الكتالوج ودور عليه في العربيه لقيته يبقى تمام ملقتوش في العربيه بس مكتوب في الكتالوج
يبقى صدق العربيه وكدب الكتالوج
يا جماعه انا عايزه اجيب سلاريو مانوال فول اوبشن .. سألت عنها امبارح لقيتها ب 61000, و المانوال تاكيف (هاف اوبشن) لقيتها ب 56000
مش عارفه اتوكل على الله و اجيبها و الا افكر فى ال i10 , انا لغيت السبارك من دماغى عشان صاجها ضعيف اوى دايما اشوفها فى الشارع مفعصه رغم ان سعرها مناسب ليا جدا" , و مش هجيب بيكانتو لان الفول ابشن بتاعتها بتوصل 68000 و احتمال اكتر.
ايه رأيكم ؟ و ممكن الاقيها فين فى محافظه 6اكتوبر او الدقى عشان اتفرج عليها؟
متيألي حضرتك ممكن تشوفيها في المصرية فرع المعادي .......بس حضرتك كلميهم الأول اتأكدي ان هي موجودة عندهم في المعرض
و هي لحد دلوقتي محدش قال عليها حاجة بس هي مش منتشرة بصراحة يعني مفيش غير 2 او 3 هنا في المنتدي اللي عندهم العربية و محدش فيهم اشتكي ...............بس لو حضرتك تستني شوية لحد ما تنتشر يبقي احسن
بالنسبة لل i10 و البيكانتو هما ناجحين باكتساح بس عيبهم ان هما غاليين
بالنسبة للسبارك ...الصاج بتاعها نفس صاج ال i10 و البيكانتو مفيش اي فرق...و العربية معايا و هي اكثر من ممتازة بصراحة
لكن من حيث الانتشار فالبيكانتو هي الأكثر انتشارا و بعديها السبارك و بعديها i10 و بعديها السيلاريو
و اي استفسار انا تحت امرك
شكرا جزيلا لأهتمامك
بس كنت عايزه استفسر بالنسبه للسبارك .. هل هى فعلا عربيه تستحق ان الواحد يشتريها و هتستحملنى و انا جديده فى السواقه والا الاحسن اخلينى فى السيلاريو او ال i10 ؟؟ علما بأن السبارك مناسبه من نحيه السعر لكن انا عاجبانى السلاريو اوى و ممكن اقدر على سعرها فى حين ان ال i10 غاليه شويه عليا و كمان شكلها مش عاجبنى اوى يعنى.
لو قارنا بين السبارك و السوزوكى سلاريو ايهما افضل؟؟
شكرا جزيل و فى انتظار الرد
يافندم العربية دي بتتميز عن باقي منافسينها بأنها:
1- ياباني ( مجمعة في الهند بمصنع ماروتي التابع لشركة سوزوكي اليابانية ) ، وجميع مكوناتها يابانية الصنع.
2- جميع عوامل الأمان ( ABS + EBD + Airbags ) ، وأخدت 3 نجوم في أختبار الأمان الأوروبي .
3- محرك أقوى من المنافسين وصديق للبيئة .
4- استهلاك قليل للوقود .
5- حاصلة على أكتر من 4 جوائز منذ ظهورها .
عيبها الوحيد من وجهة نظري هو الشنطة أصغرهم في المساحة
وأنا طبعا مش بعيب في الباقي إطلاقا