تجارب السيلاريو.....................!!!!

**fawzyyyy** · 25-05-2010 07:16 PM

يا ريت اي حد اشتري او شاف او جرب العربية دي يقولنا ايه نظامها يا جماعة......ده محدش عارف حاجة عنها..........و طبعا في التوكيل بيقولولك العربية دي حتفجر الدنيا

يا ريت بس اللي عنده معلومات عنها و تكون من واحد جرب العربية و يقولنا و شكرا

**walidhosnykhater** · 26-05-2010 12:30 AM

العربية انا استلمتها من اسبوع وجامدة جدا بالنسبة لى عشان دى اول بختى فى العربيات وبتسحب جامد وعفشتها مريحة والرفارف صاج مش فيبر وثابتة وجامدة فى المناورات وتقفيلها ممتاز وهى اول عربية من نوعها اللى فيها abs & esp & srs airbags ودة احد الاسباب الرئيسية اللى خلانى اجيبها وكما ببقى مشغل التكييف وطالع مطلعاية وشغالة مية مية والتكييف ممتاز والشكل ممتازوفراملها جامدة جدا بصراحة أنقذتنى من كذا تخييشة

**walidhosnykhater** · 26-05-2010 12:41 AM

على فكرة انا طولى 175 سم وبسوق وورايا واحد قاعد براحته بس لو طوله معدى ال185 مش عارف بقى ينفع يقعد ورا والا لا وهى بتنزل 3 فئات الاولى مانيوال فيها تكييف و2 ايرباج وباور الفئة التانية بيزيد على الاولى جنوط سبور و سى دى بلاير وabs , esp و2 زجاج كهرباء وسنتر لوك لكن مفيش تحكم فى 2 زجاج من عند السائق

**walidhosnykhater** · 26-05-2010 12:43 AM

والفئة التالتة زى التانية بس اضف اوتوماتيك والاسعار الحالية قبل ماتنزل الدفعة اللى جاية هى 54900 و 59900 و 69900 ولما تنزل الدفعة اللى جاية سعرها حايغلى

**fawzyyyy** · 26-05-2010 12:57 AM

المشاركة الأصلية كتبت بواسطة walidhosnykhater

العربية انا استلمتها من اسبوع وجامدة جدا بالنسبة لى عشان دى اول بختى فى العربيات وبتسحب جامد وعفشتها مريحة والرفارف صاج مش فيبر وثابتة وجامدة فى المناورات وتقفيلها ممتاز وهى اول عربية من نوعها اللى فيها abs & esp & srs airbags ودة احد الاسباب الرئيسية اللى خلانى اجيبها وكما ببقى مشغل التكييف وطالع مطلعاية وشغالة مية مية والتكييف ممتاز والشكل ممتازوفراملها جامدة جدا بصراحة أنقذتنى من كذا تخييشة

مش عارف اقوللك ايه بجد معلومات هايلة يا استاذ وليد
بس انا عندي سؤال تاني بلنسبة للماتور في ناس بتقول انه ضعيف اوي يا تري انت حسيت بكدة و انت مشغل التكييف
و ايه اخبار قطع غيارها ؟
و ايه رايك اتوكل علي الله و اجيبها

و متشكر جدا جدا جدا

**mmffor** · 26-05-2010 08:15 PM

الماتور القدره بتاعته اعلى من البيكانتو مع ان البيكانتو 4 حصان و السيلاريو 3 حصان و ده معناه سرعه افضل بس حتحس بالفرق لما تحمل العربيه و تركبها مع 3 صحابك على الكنبه اللي ورا و تيجي تطلع مطلع حتتمنى تختفي

**Altoman** · 26-05-2010 11:33 PM

المشاركة الأصلية كتبت بواسطة mmffor

الماتور القدره بتاعته اعلى من البيكانتو مع ان البيكانتو 4 حصان و السيلاريو 3 حصان و ده معناه سرعه افضل بس حتحس بالفرق لما تحمل العربيه و تركبها مع 3 صحابك على الكنبه اللي ورا و تيجي تطلع مطلع حتتمنى تختفي

قصد حضرتك 4 سلندر و 3 سلندر

**mmffor** · 27-05-2010 12:22 AM

المشاركة الأصلية كتبت بواسطة altoman

قصد حضرتك 4 سلندر و 3 سلندر

فعلا. اسف على الخطآ و شكرا للتصحيح

**darkangel007** · 27-05-2010 01:00 AM

صراحة مستغرب من موضوع ال3 سلندر!
محدش يا جماعة يصورهالنا من برة و من جوة؟

**eng_ahmedryad** · 27-05-2010 01:10 AM

عادي جدا موضوع 3 سلندر

العربية 1000 سي سي يعني معنى كده أن حجم السلندر الواحد كبير

وده يدي قدرة حصانية أعلى مع أستهلاك في البنزين أقل

وبعدين فيه عربيات 3 سلندر نزلت قبل كده في مصر يعني مش اول عربية

وهي دي العربية الوحيدة اللي تحت 60 ألف وفيها عوامل أمان (بعيدا عن الصيني)