متابع باهتمام
عرض للطباعة
متابع باهتمام
إزيكو يا شباب....أنا مأمن مع اليانز مصر، بنسبة ٢٫٦٪ و د كان خاص بالشركة ألي أنا شغال فيها، و فيها نسبة اهلاك ١٠٪ لو صلحت فالتوكيل و أنا جربت ٣ مرت :)أنا عربتي تويوتا ياريس
١- زجاج مشروخ، كل ألي عملتو رحت التأمين طلعت لمطالبة السيارات و قلتلهم و عملت إخطار و نزل معاين معايا عاين و صور و ألي اطلع عل توكيل، صلحت و ودت الفتورة تاني يوم كان يوم أحد واستلمت الشيك يوم الخميس.
٢- رفرف و إكصدام ، نفس ألي فات مع فرق إن المعاين منزلش معايا لكن ودت العربية و تاني يوم المعاين راح عين و ووديت الفتورة و أخدت الشيك بعدها ب-٤ أيام.
كل ألي اتخاصم كان ١٥٠ جنيه مصارف إختر ، ١٠٪ نسبة اهلاك.
بصارحة أنا مستريح معهم جداً
كونتاكت ، أليانز ، مصر للتأمين ، قناة السويس للتأمين ، المجموعة العربية المصرية للتأمين ، بيت التأمين المصري السعودي ، وثاق
أنا عايز اعمل تأمين عالعربية و محتار يا جماعة عالآخر، حد يقدر يفيدني إيه الشركات الأحسن في وقتنا الحالي؟ أنا جبت العربية و مش راضي ارخصها و واقف على موضوع التأمين، شكرا
نسيت أقول، رمضان كريم :))
http://www.nilemotors.net/Nile/74440-a.html
انت ممكن ترخص بس كدة مش مامن لسه لو حصل حاجة بتكون مسئول عنها وتصلحها قبل معاينة التامين
الفرق فى التامين قبل وبعد الترخيص
ان لو امنت بعد الترخيص بتعمل معاينة على العربية وانت بتقدم الورق لشركة التامين
لو لسه مرخصتش
بيكتفوا انهم يشوفوا اصل الورق اللى هترخص بيه
المناقشة طويلة
ومفيش مميزات محددة
أو شروط إختيار واضحة
انت حدد انت عايز ايه
حد يحاسب ولا انت اللى ممكن تحاسب
اسلامى ولا تجارى
أنا سألت في أليانز و مصر للتأمين، أليانز مريحين أكتر، مصر للتامين تحسهم كده فيهم روتين رخم.
و سألت كمان النهاردة في غبور عشان عربيتي أكسنت، لقيت عندهم تأمين نسبته 4.5، و بيعملوا خصم في الصيانات 5% على قطع الغيار و 10 % عالمصنعية، و مفيش تكلفة إخطار، و تحمل مفيش، و أي عدد مطالبات خلال السنة، و مفيش محضر لحد 4000 ، بس ماهمش دعوة بالمسؤلية المدنية ، و ونش داخل القاهرة مجانا و خارج القاهرة عالعميل، قريبين من كونتاكت و أليانز بس الفرق قيمة المحضر في غبور أقل من أليانز، و كونتاكت مفيش محضر غير في السطو و الحريق و الهلاك الكلي، و التحمل موجود في أليانز و كونتاكت و مفيش في غبور، و في تكلفة للإخطار في أليانز ، و مش فاكر في تكلفة في كونتاكت و لا لأ، غبور مفيش تكلفة للإخطار، و الميزة الزيادة في غبور موضوع الخصم في الصيانات ،،، غالبا إ ن شاء الله حأمن في غبور
و شكرا يا باشا على إهتمامك :) رمضان كريم
يا جماعه انا قريت ال 18 صفحه ومحتار جدا
المهم انا عاوز اعمل تامين اسلامى فمش لاقى كده غير بيت التامين المصرى السعودى
اعمل معاه واتكل على الله ولا فى حد عندو راى تانى
ورمضان كريم
ممكن تشوف المقارنه دى
http://www.nilemotors.net/Nile/177433-a.html
طيب يا جماعه انا معايا لانسر 2007 و مش متأمن عليها و انا لسا شاريها مستعملة فا لو عايز أأمن عليها فأى شركة تأمين هيتحسب قيمة التأمين على أساس ايه هل هما اللى هيتمنوا العربية ولا على اساس السعر اللى انا شارى بيه و بعدين ياريت حد يفيدنى بأفضل شرك’ تأمين ممكن اتعامل معاها و ايه شروطها الحالية لأن الشروط اللى موجوده فأول صفحة من سنتين و ياريت حد يفيدنى عن تجربته مع شركة محترمه
السلام عليكم يا ريت يا جماعه يتوشو موضوعي بشي من الجديه وارجو الرد
انا احمد جلال اشتريت عربيه كيا كارينز 2011 كامله اوتوماتيك وبعد ما اشتريت وامنت من مصر للتامين تامين شامل ودفعت 3750 جنيه قسط تامين لمده سنه روحت بالعربيه مشوار طويل وحصل ان الفريون هرب من العربيه مره واحده فروحت التامين فقالي روح صلح في التوكيل وهات فاتوره روحت صلحت فلقي فيه ثقب في السربنتينه وخدت القديمه وروحت التامين صور وسلمت الفاتوره وكله تمام اكتشفت ان خبير التامين محمد شعبان المعيان كاتب في التقرير ان فيه ثقب وده نتيجه عيب صناعه ويلزم الضمان وغير مغطاه تامينيا لحد وجود اي اثر لزلط او طوبه او كسر في الاكصدام الامامي وانا بقالي 3 شهور معاه في جدال ومصرفتش فلوسي لحد ديالواقتي بصراحه اسوء شركة تامين بجد وتعنت وكل واحد هناك يحدفك للتاني اذا كان مجدي الرفاعي مدير تامينات السيارات ولا ابراهيم خبير التامين ولا عصام مدير القطاع لا انصح حد يامن في مصر للتامين اطلاقا اسوء شركه تامين في مصر
معلش يا أستاذى، هل حضرتك عارف الفارق بيت التأمين و الضمان؟
الضمان: ضمان السلعة- السيارة و مكوناتها فى هذه الحالة- ضد عيوم الصناعة و المواد المصنع منها السيارة، أى defects in materials and workmanship
التأمين: التأمين ضد حدوث خطر من الاخطار كالحريق و المصادمة و السرقة.
السؤال دلوقتى، هل حضرتك خبطت فى رصيف أو ما شابه ذلك، فى الحالة دى التأمين يغطى. أما اذا كانت المشكلة هروب مفاجىء للفريون بسبب ثقب لم يحدث بسبب مصادمة مثلا فهذه يغطيها الضمان و ليس التأمين.
سؤال على الماشى، عربيتك ضمان ولا خليجى؟ تذكر، التأمين لا يغنى عن الضمان و العكس كذلك.
انا يا جماعه مأمن في شركة المصريه للتأمين التكافلي وبعد مشتريت العربيه حكيت م خبطت الجنب اليمين للعربيه في باب البيت :(
ده يغطيه التأمين ولا لأ ؟
السلام عليكم
انا محمد مصطفي انا يا اخوانا اشتريت نيو اكسنت شهر 6 /2010 وعملت بيها حادثة بعدها بخمس شهور العربية اتكهنت كلها والحمد لله اني طلعت منها اخدت هلاك كلي وانا مامن في شركة ما يعلم بيها الا ربنا شركة مصر للتامين وكانو واخدين مني حوالي 4% من قيمة العربية تقريبا المهم انا بقالي اكتر من خمس شهور ولسة لحد النهاردة ما عملوش خطاب لرفع حذر البيع دة غير بقة اني لسة بدفع الاقساط لحد النهاردة بسبب تاخيرهم والله شوفت معاهم اسوء معاملة وذل مفيش بعد كدة اسوء اسوء شركة تامين في مصر وتحس ان الموظفين فيها ماشية بروتين غريب عاملين شبة موظفين المصالح الحكومية (فوت علينا بكرة يا سيد)والله زهقوني في العيشة ومش عارف اتصرف معاهم ازاي وكل ما تيجي تكلم حد عن التاخير يقولك مش ذنبي . حاجة تطهق.
حمدالله على سلامتك اولا
شركة مصر للتأمينن بتكون متقسمة مناطق وادارات
تشوف العامل بتاع البوفيه فى الفرع اللى انت فيه
وتسأله على مكتب المدير العام بتاعهم فين
وتدخل له
وتحكى
شد الموظفين واتلموا ........ ماشى
مفيش ,,,,,,,,,,,, يبقى الاذى ليهم طعام
وبحر الاذى واسع
تروح على الدقى وتشوف فين مكتب
رئيس مجلس الادارة
المراجعة الداخلية او التفتيش
وتقدم شكوى مكتوبة ومعاك صورة ليها يمضوا بالاستلام عليها
بس قبل كدة
ممكن الموظفين يقرفوك فى التعويض
تحاول تاخد منهم حسبة التعويض ودى ان شاء الله على ورقة نتيجة
علشان نبقى عارفين حساباتنا
انت مامن فى اى فرع
السلام عليكم
اخوكم محمد من اسكندرية
احب اشارك برايي بس في الاول عاوز اعرف مصر للتامين اخدت العشرة بوينت دول علي اي اساس هل اللي صوت لها جرب التعامل معاها في الحوادث لاقدر الله ولا اية
انا يا جماعة في اخر ذل مع الشركة اللي ينتقم منهم دول عملت حادثة من ستة اشهر ولسة دايخ معاهم لحد دلوقتي دي المفروض يسموها شركة عبدة روتين للتامين اللي من غير تامين والسلام عليكم
معق حق شكرا للتوضيح ورجاء الانتباه للحكم الشرعى قبل اتحاذ اى اجراء
يعنى الجمعية المصرية للتامين احسن حاجة
يا جماعة انا بشتغل فى مصر للتأمين و مستغربة جدا من الكلام اللى بيتقال عن سوء المعاملة
ممكن اللى عندة اى مشكلة فى الشركة يوضحها و ان شاء اللة اقدر اساعدة فى حلها
بس يا ريت اللى عندة اى مشكلة يكتب هو تبع فرع اية لان فى منطقتين و ان شاء اللة اقدر افيد الاشخاص اللى تبع منطقة ( القاهرة شمالية )
موضوع أكثر من رائع
السلام عليكم
كنت عايز اعرف شركة التامين بيت المصرى السعودى كويسة ولا مش كويسة
وايه مميزاتها و عيوبها
شكراااااااااااا
الشركة كويسة اوي في حدود تجربتي معاهم
انا مأمنة معاهم من السنة اللي فاتت و الحمد لله معاملتهم كويسة جدا و محترمين في التعامل و كمان انا شايفة ان النسبة معاهم معقولة جدا يعني السنة اللي فاتت كانت تقريبا 3.25% و السنة دي كنت سمعت ان النسبة زادت ولا قيتهم حاسبنهالي على 3.5% يعني مازدتش كتير زي شركات تانية
و ممكن تشوف تجربتي معاهم بالتفصيل السنة دي في الموضوع دا و قد ايه هما محترمين
http://www.nilemotors.net/Nile/264482-a.html
شكراااااااااااا
بسامع ان بتدفعى 500 جنيه على اى خبطة فى العربية + 10 % من القيمة الاجمالية
شكرااااااااا
السلام عليكم
انا كمان عملت حادثة و التكلفة الى قدرها التوكيل حوالى 15000 و الخبير تبع شركة التامين بيت المصرى السعودى
راح عاين العربية ووافق على قطع الغيار
بس كتب المعاينة بدون التزام لحين الرجوع لشركة التامين
فانا قلقان من دة فياريت حد يطمنى
شكرااااااااااااااااا
[QUOTE=fiatmomo;162880]السلام عليكم و رحمه الله وبركاتة
انا حبيت اعمل الموضوع دة علاشان كل واحد اجبرتة الظروف انة يتعامل مع شركات التأمين .. يقولنا تجربتة الفعلية مع شركة التأمين الى مأمن معاها , وياريت نبدأ كلامنا بالنقط المحدده دية الاول :-
1- اسم شركه التأمين الى مأمن معاها ؟
المصرية للتأمين التكافلى
2 - بتدفع نسبة قد اية من تمن العربية ؟
3.5%
3 - هل فى نسبة اهلاك ؟ وقد اية ؟
لما العربية أتخبطت من كلفت 4000 دفعولى 3700
4- فى حالة الخبطات والحوادث الشركة بتقولك ادفع وبعد كدة نديك الفلوس ؟ ولو حصل بيدوك الفلوس بعد قد اية ؟
دفعت وخدت الفلوس بعد شهر
5 - هل شركة التأمين بتصلح العربية خارج مركز الخدمه المعتمد ؟
التوكيل أو ورشة, زى ما أنا عايز
6 - هل قابلت مشكلة مع مندوب شركة التأمين ؟
لأ
7 - هل اتعرضت لحالة ابتزاز من احد مندوبىشركات التأمين ؟ يعنى لازم تظبطة فلوس ؟
لأ
8 - هل انتا راضى عن شركة التأمين الى انتا مأمن فيها ؟
نعم