-
السلام عليكم انا برده اول مرة اسوق وجصل لي كل المواقف من رخامة واحباط المدرب للدخول ف الرصيف لأ وتاني يوم المدرب الله يسامحه صمم اني انزل في شارع خمسين اتجاه ف منطقة بيئة والنتيجة اني دخلت ف توكتوك وموتوسيكل وسوزكي ميكروباص والمدرب هاراني احباط وواحد قريبي يقولي ماتبيعي العربية ولما تيقي تتعلمي تبقي هاتي واحدة لكن انا قريت الموضوع ده وكمان موضوع الاستاذ حسين وصممت اني اكمل وفعلا تاني يوم نزلت الفجر انا واختي ومشيت ما شاء الله حلو وابتدت ثقتي ترجعلي بجد ربنا يكرمكم كلكم وييسر لكم كل امر وانا سعيدة جدا ان اتعرفت علي ناس محترمين وخدومين زييكم وعقبال مانبقي في مهارتكم
-
واضح يا جماعة إن معظم الناس اللي كاتبه تجاربها هنا من القاهرة أو من مدن زحمة......:U_thin1[1]:
لكن في المدن الهادية ، ومنها الحقيقة الإسماعيلية ، تعلم السواقة سهل جدا....
بصراحة الله يكون في عون اللي بيتعلم السواقة في القاهرة:ask::driving:
صعبة جدا وموترة للأعصاب خصوصا في المناطق الشعبية
أنا بنصح اللي عاوز يستمتع بتعلم السواقة ييجي عندنا:vctry::thumbsup:
ومحدش ينسى وهو راكب العربية بدعي الأدعية دي:
عن أنس قال: قال رسول الله : « من قال - يعني إذا خرج من بيته - بسم الله توكلت على الله، ولا حول ولا قوة إلا بالله، يقال له: هُديت ووُقيت، وكُفيت، وتنحى عنه الشيطان »
ودعاء الركوب: " بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون الحمد لله ، الحمد لله ، الحمد لله ، الله اكبر ، الله أكبر ، الله أكبر ، سبحانك اللهم إني ظلمت نفسي فاغفر لي ، فإنه لايغفر الذنوب إلا أنت "
Content Relevant URLs by
vBSEO 3.6.0 PL2