ايه هي المصايب و الكوارث اللي حصلت لك من عربيتك النيسان صني المصري

السلام عليكم
انا بقالي مدة بأفكر اكتب الموضوع ده
علشان بصراحة الواحد بيسمع كلام ينرفز
قال ايه " عيوب العربية" و مش عارف "التقفيل المصري" ماله
و ياترى اشتريها برغم عيوبها
و ياترى انا اللي اشتريتها انضحك علي
اصل العربية ضيقة شوية
اصل صوت الموتور عالي حبتين
مش عارف ايه بيزيق
الريموت وقع مني و باظ اصل ده عيب خطير في العربية
حكّيت (من الاحتكاك مش الحكايات) حكيت في ميكروباص النهاردة و انا مش واخد بالي الظاهر العربية دي وحشة
باقول لمراتي الصبح صباح الخير قالتلي #$%%$$#@@#$$ اتاري السبب من التقفيل المصري(بتاع مراتي؟؟ قصدي بتاع العربية)
و حاجات من هذا القبيل
فأنا نفسي اللي العربية عملت فيه مقلب بجد ولا مصيبة بسبب عيب جوهري فيها يقول
خلينا نتعلم
انا عن نفسي هاحكي علي مصايب العربية دي معايا
اولا عربية ياباني: مصري و لا مش مصري بس ليها اب و ام معروفين يعني بنت عيلة
ثانيا موتورها شديد زيادة عن اللازم و بتجري و تشد و الواحد مشغل التكييف و مركب العيلة و مالي الشنطة و بصراحة دي حاجة تضايق منها, هو فيه كده ,مش مفروض تتعب زي باقي العربيات
كمان ثابتة زيادة عن اللازم
عفشتها جامدة يعني متينة و فعلا زي ما بيقولوا خدمة شاقة
و اخيرا و اللي مزعلني منها جدا ان عمرها ما عملت في فصولات بايخة
عمرها ما عطلت على طريق زراعي و لا صحراوي
على طول من البيت للتوكيل و من التوكيل للبيت
دور المفتاح و اجري- دوس فرامل تقف
شيءممل جدا
الواحد نفسه كده يتعمل فيه اللي بنقرا عنه في منتديات "ك$$" و لا "ش@@@@@@@" و لا حتى العربيات "الص....*" و لا بلاش احسن فيه ناس بتتضايق لو حد جاب سيرة الكهربا اللي بتقطع و لا السخونة اللي عالتابلوه و لا ملاعيب العفشة و لا مداعبات التوكيل للعربيات الوكيل و الخليجي. مع ان الحاجات دي شكلها مسلية جدا
الخلاصة
هنا في منتدى "نيسان حكاوي" عملنا سعر الدقيقة "ببلاش" علشان اللي عنده قصة يعرف يحكيها
مع تحياتي
د.عيد

فعلا فية ناس كتير اوى مبالغ فيهم وفى ارائهم

العربية الصنى دة اكتر عربية محترمة شفتها فى حياتى نا كتير هتقولك عيوب وكلام فاضى والعربية ماشاء الله ماشية فى هدوء وكأنها ولا سامعة لكلام الناس .......العربية مع واحد صاحبى وانا اللى رشحتهالو مع انى معايا نيو اكسنت
والعربية عجبتو جدا ........وكمان والله اختو بعدها ب 6 شهور جابت واحدة تانية بس طبعا لون تانى

بس عيوبها بالنسبالى حاجة واحدة (الكنبة اللى ورا ضيقة شوية يعنى على الأد بس دة لانى طويل اوى
ولى 191 ماشاء الله فاكيد لما بظبط كرسية اللى ور ا مش بيعرف يقعد بس على رأى صاحبى مش دايما 5 راكبين فى العربية ولو 5 يستحملو بعض شوية قصاد التركيبة الفريدة العجيبة من نوعها يابانى وعفشة ناعمة وولا بتهبط وولا بتتنطط ولا الكلام دة وعربية برستيج كدة وشياكة واستهلاك البنزين عادى يعنى عندو زى عندى مش فارقة كتير مع انو هوة اوتو وانا مانيوال والمفروض ان موتورى سى فى تى وتكنولوجيا جديدة وحركات

وردا على كلام مرة قريتة بالصدفة هنا واحد كان بيقول اشترى عربية ب 87 الف اوتو بتكنولوجية من 10 سنين فاتو

اقولو بس ما تفرحش بعربية منفوخة على الفاضى وشوية بلاستيك ويقولك التكنولوجيا الاحدث فى عالم المحركات طب انا موتورى من الجيل الخامس على رأى غبور قولى انت بقى اة الفرق بينو وبين موتور الصنى ...وماتردش وتقولى فرق حصنة والكلام اللى لا يودى ولا يجيب الاهم...عمر الموتور بدون اعطال واستهلاك البنزين واظن دة فى صالح اليابانى ...واخيرا ارجع واقول كلمة سبعاوى ايام لما كانت الصنى الاوتو ب 94 انها صفقة رابحة بجميع المقاييس
سيارة منتشرة ....سهلة الصيانة....استهلاك بنزين مقبول وحتى لو ازيد فهيبقى ازيد ب 20 كيلو للصفيحة يعنى لو ركب عربيتك 60 الف كيلو وبعتها هتلاقى فرق فلوس البنزين بالكتير الف ونص ......شكل شيك....ثابتة ....موتور قوى ....امان معقول....صاج ناشف عن الورق الجديد الكورى.....عفشتها حلوة اوى ناعمة وفى نفس الوقت مش بتهبط مش زى الكورى لا ما يعملك واحدة بتحك فى الارض لاما واحدة تتنطط وترزع......قطع غيارها رخيصة ومنتشرة جدا برة التوكيل........بتفكرنى بالانوس بس ببرستيج اعلى شوية

ودلوقتى كمان رخصت بقت 83 87 100 مانيوال اوتو سوبر صالون

احسن عربية فى فئتها بلا منازع

انا حصل فيا موقف من العربية كنت مسافر وكنت قرأت فى المنتدى هنا قبلها على طول عن احد الزملاء الريموت بتاعه حدث فيه عطل المهم وصلت بعد السفر وجيت اقفل السيارة بالريموت اكتشفت ان الريموت لايعمل على طول جيه فى دماغى الموضوع اللى قرأته عن عطل الريموت وقررت اخاطب كاتب الموضوع وحجز صيانة عشان الريموت المهم طلعت البيت اريح ونزلت بعد نصف ساعة وكانت المفاجأة - اكتشفت ان الباب الخلفى كان مفتوح كشان كدة الريموت مكانش شغال

مع انى ماعنديش نيسان
بس العربيه دى بحترمها كل ما اشوفها
فعلا صنع فى نيسان
وانسب عربيه فى سعرها

بس فيه ملحوظه يا ترى هاعرف انام و امدد رجلى على الكنبه اللى ورا واتقلب واناملى ساعتين انا والعيال ولا الكنبه ضيقه
ويا ترى الكرسى الشمال بيزيق ولا بيصوصو

اقتباس:

---

المشاركة الأصلية كتبت بواسطة ahmed76

بس فيه ملحوظه يا ترى هاعرف انام و امدد رجلى على الكنبه اللى ورا واتقلب واناملى ساعتين انا والعيال ولا الكنبه ضيقه

---

ويا ترى إيه هى العربية اللى ممكن تنام فيها بالشكل ده

بالمناسبة صالون الكورولا الجديدة سيىء ولا يختلف كثيرا عن صالون النيسان

وعموما رغم تسليمى إن العربية ضيقة من ورا فعلا لكن ده مش عيب تقفيل

اقتباس:

---

المشاركة الأصلية كتبت بواسطة ahmed76

ويا ترى الكرسى الشمال بيزيق ولا بيصوصو

---

هههههههههههههههه

بيهوهو

عندك حق
فى ناس كتير اوى بتحب تهول من الامور وتكبرها اوى
وانا شخصياًً قرأت فى المنتدى هنا كلام يغيظ زى الموضوع بتاع الريموت اللى باظ وصاحب العربيه قال انه حاسس انه شرب العربيه دى والعربية دى بايظه من االاول بصراحه ده اكتر موضوع غاظنى .. ريموت ايه اللى لما يبوظ تبقى العربيه بايظه واخد مقلب فيها !!!!!!!
كلام يغيظ اوى
وغيره وغيره

اى نعم التقفيل المصرى فيه شوية هفوات بس عمرها ما أثرت على اداء العربية وده اللى حصل معايا
لغاية دلوقتى نشكر الله عمرها مخذلتنى بل بالعكس دايماً بتنقذنى

ياريت يا جماعه منتلككش للتقفيل المصرى بالشكل ده وكأنه تقفيل الكفار او ناس مبتفهمش فى العربيات وبيركبوها آى كلام ولا كأن العربية دى تبع شركة نيسان اليابان المعروف عنها العراقه والجوده

ربنا يبارك للنيسانوية كلهم

بصراحه الموضوع عجبنى وشدنى فعلا العربيه جميله وممتازه ومن فتره سمعت صوت اسفل السياره شركه نيسان اتصلت بى وارسلتنى الى مركز خدمه وقالت لى بالنص لو عندك مشكله فى علبه الدريكسون هانغيرها كلها لكن بعد ماكشفوا على العربيه طلع الصوت سببه سوسته الدبرياج وشحموها ومفيش صوت خالص
شركه محترمه - مراكز خدمه محترمه ومعامله زى الفل وعربيه فعلا موتور وتكييف وعفشه وثبات زى الفل
موضوع التقفيل مصرى مش يعيب العربيه انا منكرش انى الموكيت سى والكراسى خامتها سيئه لكن مش يهمنى اكتر من العربيه نفسها
واكيد سمعنا ان عربيات جايه من الكامل من كوريا ونلاقى الصاج مصدى لعدم معالجته من الصدا
انا اختيار السياره دى كان سببها ان لى ناس من حمايه المستهلك جوا الجهاز ( سالتهم ايه هى شكاوى نيسان واتعالجت ولا لا)
ردوا على ان المشاكل بتنحصر فى العفشه احيانا وصوت خبط ودى كانت علبه الدريكسون فى الموديلات القديمه
ومازلت اقول العربيه ممتازه فى كل شى فى فئتها واعلى من فئتها .

اقتباس:

---

المشاركة الأصلية كتبت بواسطة ahm128

جيت اقفل السيارة بالريموت اكتشفت ان الريموت لايعمل على طول جيه فى دماغى الموضوع اللى قرأته عن عطل الريموت وقررت اخاطب كاتب الموضوع وحجز صيانة عشان الريموت المهم طلعت البيت اريح ونزلت بعد نصف ساعة وكانت المفاجأة - اكتشفت ان الباب الخلفى كان مفتوح كشان كدة الريموت مكانش شغال

---

حصلت معايا مره .... و قلت عيوب التقفيل المصرى ظهرت .... خصوصاً إن المفتاح وقع منى أول م نزلت من العربيه
بس فى خلال دقائق إكتشفت فعلاً إن فيه باب مفتوح

اقتباس:

---

المشاركة الأصلية كتبت بواسطة fady_anis

عندك حق
فى ناس كتير اوى بتحب تهول من الامور وتكبرها اوى
وانا شخصياًً قرأت فى المنتدى هنا كلام يغيظ زى الموضوع بتاع الريموت اللى باظ وصاحب العربيه قال انه حاسس انه شرب العربيه دى والعربية دى بايظه من االاول بصراحه ده اكتر موضوع غاظنى .. ريموت ايه اللى لما يبوظ تبقى العربيه بايظه واخد مقلب فيها !!!!!!!
كلام يغيظ اوى
وغيره وغيره

اى نعم التقفيل المصرى فيه شوية هفوات بس عمرها ما أثرت على اداء العربية وده اللى حصل معايا
لغاية دلوقتى نشكر الله عمرها مخذلتنى بل بالعكس دايماً بتنقذنى

ياريت يا جماعه منتلككش للتقفيل المصرى بالشكل ده وكأنه تقفيل الكفار او ناس مبتفهمش فى العربيات وبيركبوها آى كلام ولا كأن العربية دى تبع شركة نيسان اليابان المعروف عنها العراقه والجوده

---

:POINTIy2[2]::F_eyeb1[1]::POINTIy2[2]:

اقتباس:

---

المشاركة الأصلية كتبت بواسطة mido90

احسن عربية فى فئتها بلا منازع

---

+9999999999999999999999999999999999

مره سبت الأولاد فى العربيه و نزلت أشترى حاجه و رجعت و بعدين فجأه لقيت زجاج الأبواب مش شغال .... قلت التقفيل المصرى ظهر ... و قلت أول م أرجع البيت هعمل موضوع هنا عن الحكايه دى .... و على م وصلنا البيت خدت بالى إن فيه مفتاح جنب السنترال-لوك ... قلت يمكن يكون بيعمل لوك لزجاج العربيه ... و فعلاً لما ضغطت عليه لقيت الزجاج بيطلع و ينزل تانى .... و كانت أول مره أشوف الزرار ده ... و طبعاً الزرار ده ميزه كبيره جداً علشان لما الأولاد بيبقوا قاعدين ورا بيلعبو فى زراير الإزاز .... ف مبقيتش أزعق و لا أقولهم حاجه ببساطه شديده بقيت أعمل لوك للإزاز من الزرار ده و خلاص

افضل عربية فى فئاتها وشيك

اقتباس:

---

المشاركة الأصلية كتبت بواسطة hanyelrakhawy

حصلت معايا مره .... و قلت عيوب التقفيل المصرى ظهرت .... خصوصاً إن المفتاح وقع منى أول م نزلت من العربيه
بس فى خلال دقائق إكتشفت فعلاً إن فيه باب مفتوح



:POINTIy2[2]::F_eyeb1[1]::POINTIy2[2]:



+9999999999999999999999999999999999

مره سبت الأولاد فى العربيه و نزلت أشترى حاجه و رجعت و بعدين فجأه لقيت زجاج الأبواب مش شغال .... قلت التقفيل المصرى ظهر ... و قلت أول م أرجع البيت هعمل موضوع هنا عن الحكايه دى .... و على م وصلنا البيت خدت بالى إن فيه مفتاح جنب السنترال-لوك ... قلت يمكن يكون بيعمل لوك لزجاج العربيه ... و فعلاً لما ضغطت عليه لقيت الزجاج بيطلع و ينزل تانى .... و كانت أول مره أشوف الزرار ده ... و طبعاً الزرار ده ميزه كبيره جداً علشان لما الأولاد بيبقوا قاعدين ورا بيلعبو فى زراير الإزاز .... ف مبقيتش أزعق و لا أقولهم حاجه ببساطه شديده بقيت أعمل لوك للإزاز من الزرار ده و خلاص

---

موافق حضرتك
الواد ابني بيطلع عيني لما بيركب العربية
يلعب في زرار الزجاج
وينور نور الصالون
بس المفروض يكون في السوبر صالون
1 وحرات رفع
2 حساسات ركن
3 نفسي فيييييييي فتحت سقف
من يومين كنت جايب طلبية ادوية في النيسان وخرجت انا والمدام
لمل روحت هما طلعو البيت وانا قات انقل الطلبية في العربية القديمة
بس انا كنت بتلكع علشان افضل اطول وقت في العربية و اتفرج عليها كويس
اعت بناع ساعة لدرجة ان المدام اتصلت علي الموبيل انت فيييييييييييييييييييييننن ننننننننننننن:dontudear::U_thin1[1]:

بحييك يا دكتور على الموضوع فى البداية وعندك حق فى اللى قولته

فعلا نيسان شركة محترمة جدااا , وحتى انا بوجه شكر للفرع اللى فى مصر واللى بيتنج وبيقفل نيسان هنا عندنا
التقفيل يعتبر جيد جدا وخامات محترمة ويمكن تكون احسن من عربيات اخرى كتيرررر فى نفس فئتها
بس اتمنى انهم يشوفوا حل فى تظبيط استهلاك البنزين فقط
وربنا يباركلكم فيها

الموضوع جميل جدا جدا على فكرة انا معيا العربية من 2008 و لغاية دلوقتى و الحمد اللة مافيش شكوى منها عربية محترمة جدا جدا تقفيل مصرى ما البى ام و المرسيدس بيتقفلو فى مصر المهم مين الى ضامن العربية نيسان اليابان و دة المهم و هى كمان احسن سعر فى الفئه بتاعتها و الامكنيات الموجودة فيها بجد عربية محترمة جدا انا بجد بشكر الاستاذ الى اكتب الموضوع دة فعلا الموضوع جميل جدا جدا

علي فكرة العربية زي الفل

انا كان معايا صنى 2006 وبصراحه مش شايف فيها عيب غير ضيق الكنبه الخلفيه جامد ولانى دايما بركب 5 افراد فكانت مشكله ما باقى المشاكل فلا وجود لها.
الان انا غيرت وبرده نيسان بس تيدا علشان الوسع الداخلى وبرده يابانى

عربيه...تستحق كل قرش و ميليم و سحتوت إندفع فيها..
الحمد لله..انا لسه مكتشف حاجه فيها مكنتش عارفها...و مش عارف بتعم إيه..
الابواب الخلفيه لما تفتحها تلاقي عليها من ناحية الكالون زرار يعمل لوك...
ياترى ده وظيفته إيه؟
الأ

اقتباس:

---

المشاركة الأصلية كتبت بواسطة ahmed76

بس فيه ملحوظه يا ترى هاعرف انام و امدد رجلى على الكنبه اللى ورا واتقلب واناملى ساعتين انا والعيال ولا الكنبه ضيقه
ويا ترى الكرسى الشمال بيزيق ولا بيصوصو

---

الحقيقة ياباشا هو بينونو :S_thum1[1]:
اما من ناحية وسع الكنبة الخلفية ما اقولكش
ملعب كورة :N_no[1]: :dontudear:
مع تحياتي
د.عيد

بصراحة ابوخ حاجة في العربية دي شكلها .. بحس انها تصميم التمانينات

يكفيني الخدمة مابعد البيع
توكيل اكتر من محترم
و أراهن لو اي حد عنده مشكله في العربية و متحلتش ... ده لو في مشكلة اصلا ً

اقتباس:

---

المشاركة الأصلية كتبت بواسطة Eng:mohamed

الابواب الخلفيه لما تفتحها تلاقي عليها من ناحية الكالون زرار يعمل لوك...
ياترى ده وظيفته إيه؟

---

ده يا افندم علشان منع الأطفال من فتح الباب من الداخل لو راكبين ورا للأمان
تقريبا اسمه Child Lock او حاجة زي كده . لو حركته الباب الخلفي لا يفتح الا من الخارج

اقتباس:

---

المشاركة الأصلية كتبت بواسطة Eng.Sameh

بصراحة ابوخ حاجة في العربية دي شكلها .. بحس انها تصميم التمانينات

---

و الله ياباشا انا شكلها عاجبني و لولا كده ما كنتش اشتريتها
و بعدين الواحد بيشتري العربية علشان اولوياته و انا الشكل في ترتيب اولوياتي مش رقم واحد و لا اتنين
ثم انت مين قدك راكب ال زوم زوم و لك حق تتكلم
احنا ناس غلابة على قد حالنا ربنا ابتلانا بعربية شكلها وحش
فبلاش تقلب علينا المواجع:dzey:

اقتباس:

---

المشاركة الأصلية كتبت بواسطة largeman

و أراهن لو اي حد عنده مشكله في العربية و متحلتش ... ده لو في مشكلة اصلا ً

---

لا خلينا واقعيين, مافيش عربية مالهاش مشاكل
احنا مش راكبين طيارة
بس برضة مش راكبين حمارة عرجاء. و لو ان حمارتك العرجاء تغنيك عن سؤال اللئيم
اللي عايز اقوله انك لو وزنت عيوب العربية دي بمميزاتها بسعرها هتلاقي ان المميزات اللي في الأساسيات اكتر بكتيييييييييييير
مع تحياتي
د.عيد

مشكووووووووووووووووور على الموضوع الرائع ، بصراحة كل لما أقرأ تعليق من الاخوة أرفع رأسي لفوق لحد لما وصلت السقف:wink:ربنا يبارك لنا جميعا فيها

اخويا جاب العربية ديه مانيوال 2009 وبعديها ب4 شهر عمل حادثة دمرت العربية كلها. العربية ثبات فوق الممتاز وفي الجري شديدة وفراملها رائعة أحلى من الانترا وقتها والطابلوه شيك والعربية واسعة. الفصل الوحيد اللي بايخ, بافتح مرة الديج اللي قدام وقع في ايدي رقبته تاني مكانه وعمره ماطلع من مكانه تاني قلت معلش ماهو ديه الحاجات اللي تغيظ من التقفيل المصري . ياخد بالله من كل حاجة ويجي في الهيفه ويتصدر. التوكيل عمره متأخر وكان ممتاز.
اخويا عرضت قدامة استرا عالمحور وقف قبلها وفرامله ساعدته و مسمارته في الأرض. جه وراه عربية نقل سايقها واحد الله يسامحه. ومش معاه فرامل خالص مرضاش يقسم الاسترا ودخَل في عربية اخويا من ورا. دمر العربية لانه مافرملش ده خلِّي الصني هي اللي توقفه. طلع عالشنطة ولحد الكنبة اللي ورا.

Picasa Web Albums - John - Accident

اللي عجبني إن العفشه سليمة والقويم فضلت ماسكة نفسها. العربية نص قدام سليم واتباع ب30 ألف. الاير باجز ماتفتحتش عشان خبطة من ورا. واهم شيء بفضل ربنا اخويا طلع بدون خدش. أنا فعلا عمري ماهنسى الموضوع ده. الفضل لربنا ثم ل متانت العربية إن اخويا طلع سليم. التوكيل بعد كده كان محترم بس شركة التأمين هي اللي كانت نص كم (الجمعية المصرية) بس أهم بيحاولوا يصلحوا وضعهم دلوقتي (منه لله الموزع هو اللي شار علينا بالشركة ديه)
عربية ممتازة وربنا يبارك لملاكها.

اقتباس:

---

المشاركة الأصلية كتبت بواسطة atefadel

بس المفروض يكون في السوبر صالون
1 وحرات رفع


يبدو اني مش فاهم كويس:U_thin1[1]:
هي مش وحدات الرفع دي بتاعة الزجاج الكهربا
هم ادو لسيادتك العربية بزجاج أكر و لا ايه......... اكيد دي تبقى Special Edition

2 حساسات ركن

لو سيادتك نفسك فيهم قوي ممكن تركبهم جوة او برة التوكيل


3 نفسي فيييييييي فتحت سقف

سهلة جدا... عند اي ورشة سمكري خليه يعملهالك بالصاروخ و لمبة اللحام و لا تخلي في نفسك حاجة:S_thum1[1]:

من يومين كنت جايب طلبية ادوية في النيسان وخرجت انا والمدام
لمل روحت هما طلعو البيت وانا قات انقل الطلبية في العربية القديمة
بس انا كنت بتلكع علشان افضل اطول وقت في العربية و اتفرج عليها كويس
اعت بناع ساعة لدرجة ان المدام اتصلت علي الموبيل انت فيييييييييييييييييييييننن ننننننننننننن:dontudear::U_thin1[1]:

---

لا ده انت اللي بتتلكك بقى. و طبعا فضلت قاعد في العربية هربا من التقفيل المصري
:colsmil:

مع تحياتي
د. عيد

اقتباس:

---

المشاركة الأصلية كتبت بواسطة fady_anis

وانا شخصياًً قرأت فى المنتدى هنا كلام يغيظ زى الموضوع بتاع الريموت اللى باظ وصاحب العربيه قال انه حاسس انه شرب العربيه دى والعربية دى بايظه من االاول بصراحه ده اكتر موضوع غاظنى .. ريموت ايه اللى لما يبوظ تبقى العربيه بايظه واخد مقلب فيها !!!!!!!
كلام يغيظ اوى

---

إية يا عم فادي هو الكلام ليكي يا جارة و لا إية :C_laugh[1]:
علي العموم انا قولت الكلام ده عشان كنت مضايق لأنه باظ بدون سبب مقنع مش أكتر
و من حقي أزعل ولا إية :U_thin1[1]:
علي العموم انا روحت التوكيل و حلو الموضوع و مخدش هناك اكتر من 5 دقائق و يمكن أقل كمان
و الحمدلله أشتغل و ربنا يستر و ميعلقش تاني

اه نسيت اقولك حاجة مهمه جدا جدا :8_8_13:

اقتباس:

---

المشاركة الأصلية كتبت بواسطة mok3336

إية يا عم فادي هو الكلام ليكي يا جارة و لا إية :c_laugh[1]:
علي العموم انا قولت الكلام ده عشان كنت مضايق لأنه باظ بدون سبب مقنع مش أكتر
و من حقي أزعل ولا إية :u_thin1[1]:
علي العموم انا روحت التوكيل و حلو الموضوع و مخدش هناك اكتر من 5 دقائق و يمكن أقل كمان
و الحمدلله أشتغل و ربنا يستر و ميعلقش تاني

اه نسيت اقولك حاجة مهمه جدا جدا :8_8_13:

---

من حق حضرتك تضايق طبعاً بس مش للدرجه الكبيره اللى فهمتها من كلامك


عامة كويس خالص ان المشكله اتحلت بسرعه وببساطه وربنا ميجيب اى مشاكل فى العربيه تانى

اخوك الصغير / فادى

هذه السيارة ليس بها عيوب تذكر سوى ضيق الكنبه الخلفيه و هى اكتر عربيه محترمه فى فئتها الآن و كمان أرخصهم بالنسبه للقيمه و الإمكانيات...

ممتازة وخصوصاً ال سوبر صالون وأيضاً بعد ما زودوا الفرامل ال abs...

اقتباس:

---

المشاركة الأصلية كتبت بواسطة emil6666

الموضوع جميل جدا جدا على فكرة انا معيا العربية من 2008 و لغاية دلوقتى و الحمد اللة مافيش شكوى منها عربية محترمة جدا جدا تقفيل مصرى ما البى ام و المرسيدس بيتقفلو فى مصر المهم مين الى ضامن العربية نيسان اليابان و دة المهم و هى كمان احسن سعر فى الفئه بتاعتها و الامكنيات الموجودة فيها بجد عربية محترمة جدا انا بجد بشكر الاستاذ الى اكتب الموضوع دة فعلا الموضوع جميل جدا جدا

---

والله يا جماعة انا معنديش نيسان لكن مش عارف ليه انا باحب العربية دي جدا ونفسي لو ربنا كرمني ووسع عليا اني اجيب العربية دي

وبعدين موضوع التقفيل المصري ده مش سبة يعني ولا شتيمة تعيب العربية
ثم ان النيسان بتتجمع او بتتقفل في مصر لان المصنع هنا مملوك لنيسان اليابان يعني تحت اشراف ياباني والمصنع ياباني بس علي ارض مصر
غير ما يكون المصنع مصري وواخد توكيل تجميع العربية في مصر تحت اشراف فنيين ومهندسين مصريين زي جي بي اوتو (غبور)

ربنا يبارك لكم يا اصحاب النيسان

امبارح كنت هموت فى صنى :) لوووووول
العربية دخلت فى الرصيف بس هوا عالى عامل زى سور كدا تقريبا كان 50cm والإيرباج مفتحش مع اننا كنا رابطين الحزام وكل حاجة
العربية المقص اتكسر والجنط والجنط اللى ورا اتنا ووش العربية طبعا اتبهدل دا غير ان الشاسيه من قدام فى عاوجة كدا من ناحية اليمين
الحادثة حصلت لما كنا دخلين ملف على 100 تقريبا و110 ولا حاجة على حسب اللى كان سايق عشان انا مكنتش مركز معاه بس مكناش ماشين بسرعة يعنى .. المهم العربية عامت وفقد السواق التحكم فى العربية تمام وطاخ فى الرصيف بعد محاولات للعدل العربية كتر من تلات مرات يمين وشمال .. الحمد لله على كل شئ والحمد لله ان احنا مجرلناش حاجة غير شوية كدمات كدا .. وربنا يعوض لصاحبى فى العربية دى تقريبا مكملتش شهر بس كانت ماشية حوالى 2300 كم.

اولا موضوع ممتاز
كله بيتكلم بصراحه و بوضوح
كده الواحد يعرف هو هيشتري اية من غير صوت عالي و كلام يضخم المشاكل ع الفاضي
من اللي قريته فهمت ان الكنبة اللي ورا ضيقه شوية و دي مش مشكلة
بس اية موضوع استهلاك البنزين ده؟؟؟؟
ممكن حد يكتبه بالارقام
يعني بتعمل كام في الصفيحه جوا و برا البلد
و هل ال abs موجوده في المانيوال؟؟؟؟؟؟؟؟؟؟؟؟؟؟؟
شكرا

ال abs
موجود في المانيوال و تقريبا عامله 66500 تقريبا
و في العادية ايلي هي من غير abs و عاملة 64000

لكن موضوع إستهلا البنزين ده علي حسب
دوستك للبنزين و علي حسب إذا كان جوه البلد أو سفر و برضة مع تكييف أو لا
يعني هي زيها زي اى عربية 1600 سي سي مش هتفرق حاجة جامده غير حجات بسيطة

اقتباس:

---

المشاركة الأصلية كتبت بواسطة mok3336

ال abs
موجود في المانيوال و تقريبا عامله 66500 تقريبا
و في العادية ايلي هي من غير abs و عاملة 64000

لكن موضوع إستهلا البنزين ده علي حسب
دوستك للبنزين و علي حسب إذا كان جوه البلد أو سفر و برضة مع تكييف أو لا
يعني هي زيها زي اى عربية 1600 سي سي مش هتفرق حاجة جامده غير حجات بسيطة

---

تقصد 86500؟
ياريتها ب 66 ماكنش حد جاب لوجان
ههههههههههههههههههههههههه هههههههههههههههههههههه
بس مثلا من خبرتك معاها بتعمل 250 كيلو في الصفيحه علي السريع من غير تكييف؟و لا اقل من كده؟؟؟؟؟؟؟
و شكرا علي ردك

اقتباس:

---

المشاركة الأصلية كتبت بواسطة drdreid

لا ده انت اللي بتتلكك بقى. و طبعا فضلت قاعد في العربية هربا من التقفيل المصري
:colsmil:

مع تحياتي
د. عيد

---

قصدي وحدات الرفع (يعني الزجاج يطلع لوحدة لما ادوس لوك في الريموت
لي المفروض انا شاري اعلي فئة في العربيية يبقي في دم و يركبوا الكماليلت كلها
بس تقفيل الصني احسن من التقفيل المصري المنزلي:dontudear:

اقتباس:

---

المشاركة الأصلية كتبت بواسطة drdreid

لا خلينا واقعيين, مافيش عربية مالهاش مشاكل
احنا مش راكبين طيارة
بس برضة مش راكبين حمارة عرجاء. و لو ان حمارتك العرجاء تغنيك عن سؤال اللئيم
اللي عايز اقوله انك لو وزنت عيوب العربية دي بمميزاتها بسعرها هتلاقي ان المميزات اللي في الأساسيات اكتر بكتيييييييييييير
مع تحياتي
د.عيد

---

لأ يا دكتور عيد انت كده اقتبست نص المشاركة بتاعتي ... في قبليها شوية حاجات كده و هي ان احسن حاجه هو الخدمة ما بعد البيع عشان كده لو في مشكلة هتتحل علطول ده لو اصلا في مشكلة .. مش احسن لما تجري ورا غبور ولا التوكيلات اللي تخنؤ ولا ايه رأيك

بس أعتقد بشوية أفكار ممكن العربيةتوسع حبتين

أبدأ بفكرة وهى تغيير الكراسى الأمامية بكراسى ريكاردو الضهر بتاعها رفيع جدا وأعتقد إن ده ممكن يخليها توسع حوالى 5 سم

اقتباس:

---

المشاركة الأصلية كتبت بواسطة yasserelsayad

امبارح كنت هموت فى صنى :) لوووووول
العربية دخلت فى الرصيف بس هوا عالى عامل زى سور كدا تقريبا كان 50cm والإيرباج مفتحش مع اننا كنا رابطين الحزام وكل حاجة
العربية المقص اتكسر والجنط والجنط اللى ورا اتنا ووش العربية طبعا اتبهدل دا غير ان الشاسيه من قدام فى عاوجة كدا من ناحية اليمين
الحادثة حصلت لما كنا دخلين ملف على 100 تقريبا و110 ولا حاجة على حسب اللى كان سايق عشان انا مكنتش مركز معاه بس مكناش ماشين بسرعة يعنى .. المهم العربية عامت وفقد السواق التحكم فى العربية تمام وطاخ فى الرصيف بعد محاولات للعدل العربية كتر من تلات مرات يمين وشمال .. الحمد لله على كل شئ والحمد لله ان احنا مجرلناش حاجة غير شوية كدمات كدا .. وربنا يعوض لصاحبى فى العربية دى تقريبا مكملتش شهر بس كانت ماشية حوالى 2300 كم.

---

الف سلامة على حضرتك وربنا يعوض صاحبك خير ان شاء الله

اقتباس:

---

المشاركة الأصلية كتبت بواسطة hany_mohamed

الف سلامة على حضرتك وربنا يعوض صاحبك خير ان شاء الله

---

ربنا يخليك يا باشا :)

اقتباس:

---

المشاركة الأصلية كتبت بواسطة yasserelsayad

امبارح كنت هموت فى صنى :) لوووووول

الف حمد الله على سلامتك
العربية دخلت فى الرصيف...المقص اتكسر والجنط والجنط اللى ورا اتنا ووش العربية طبعا اتبهدل دا غير ان الشاسيه من قدام فى عاوجة كدا من ناحية اليمين
الحادثة حصلت لما كنا دخلين ملف على 100 تقريبا و110 ولا حاجة على حسب اللى كان سايق عشان انا مكنتش مركز معاه بس مكناش ماشين بسرعة يعنى .. المهم العربية عامت وفقد السواق التحكم فى العربية تمام وطاخ

ماهو ده اللي بنتكلم عنه. ادي عيوب التقفيل المصري. في اوروبا و الدول المتقدمة لما تدخل على ملف بسرعة عالية المفروض العربية ماتعومش...:O_stupid[1]: و لما تدخل في الرصيف برضه المفروض ما يحصلش حاجة .
على اي حال الحمد لله انكم طلعتم منها سلام

---

اقتباس:

---

المشاركة الأصلية كتبت بواسطة skoda1996

بس اية موضوع استهلاك البنزين ده؟؟؟؟
ممكن حد يكتبه بالارقام
يعني بتعمل كام في الصفيحه جوا و برا البلد

شوف يا سيدي
من خبرتي المتواضعة على الطوالي و انا ماشي 140-150 و بالتكييف بتعمل 230-240 في الصفيحة
على 120 بالتكييف تعمل حوالي 260 في الصفيحة
جوة البلد و بالتكييف حوالي 200 في الصفيحة
شكرا

---

اقتباس:

---

المشاركة الأصلية كتبت بواسطة atefadel

قصدي وحدات الرفع (يعني الزجاج يطلع لوحدة لما ادوس لوك في الريموت

المعلومة دي فعلا جديدة عليّ و فوق كل ذي علم عليم
و لكن على اي حال،واضح انها ما كانتش جديدة عليك
و انت لما كنت بتشتري ماحدش ضحك عليك و قال ان الحاجة دي موجودة و هي مش موجودة
يعني كنت عارف بتشتري ايه
كون انك بقى تقول بس المفروض بالسعر ده يكون فيها كذا و كذا. و الله كان قدامك اللي فيه و اكتر كمان
بس انت اللي اخترت التقفيل المصري
............تاني..........:F_eyeb1[1]:....

---

اقتباس:

---

المشاركة الأصلية كتبت بواسطة largeman

لأ يا دكتور عيد انت كده اقتبست نص المشاركة بتاعتي ... في قبليها شوية حاجات كده و هي ان احسن حاجه هو الخدمة ما بعد البيع عشان كده لو في مشكلة هتتحل علطول ده لو اصلا في مشكلة .. مش احسن لما تجري ورا غبور ولا التوكيلات اللي تخنؤ ولا ايه رأيك

---

معاك ياباشا

اقتباس:

---

المشاركة الأصلية كتبت بواسطة محمد ابراهيم 1

بس أعتقد بشوية أفكار ممكن العربيةتوسع حبتين

أبدأ بفكرة وهى تغيير الكراسى الأمامية بكراسى ريكاردو الضهر بتاعها رفيع جدا وأعتقد إن ده ممكن يخليها توسع حوالى 5 سم

---

الله على الافكار الجميلة.....و بكام دول ياترى؟:whtauwant:
مع تحياتي
د. عيد

فى رأيى السيارة أفضل إختيار حالياً فى فئتها السعرية و إمكانات عفشتها و دى أهم حاجة فى شوارع المحروسة