الموضوع: سياره 126 بحاله ممتازه للبيع

المشاركة الأصلية كتبت بواسطة mahmoodallam

يا جماعه اهدو شوية
الراجل اللي يبيع ان شاء يطلب مليون اللي عاجيه يروح يعاين وبعدين يحكم على السعر انما انك تبخس تمن العربية من غير ما تشوفها بيتهيألي حرام اوي يعني ؟
وبعدين هما 6500 دول حاجة لو كانت العربية نظيفة فعلا ؟
انت عندك البوية لو مش كويسة هتدفع 2000 جنيه .
والكاوتشات لو مش كويسة هتدفع 1000 جنيه .
والماتور لو خفيف او عايز يعمر هتدفع 2000 جنيه
وصالون العربية علشان يتضبط أقل حاجة 700 جنيه ارضية وكراسي بس .
ولو مركب كاسيت وسماعات 1000 جنيه .
دي مصاريف بسيطة موجود في العربيات كلها
يعني لو عربية الخ ده مضبط فيها الحاجات دي يبقى حلال انه يطلب فيها 7000 و 8000 مع احتساب تعبه ووقته ولفه مع الصنايعية .
فيا ريت اللي ينتقد سعر يكون هدفه المصلحة العامة مش بخس السعر بالطريقة دي ولو مش عاجبك السعر يعني يا اما تقول خير يا اما تسكت .

انا متشكر جدا لردك ده وبالفعل كل كلام حضرتك مظبوط لس الحقيقه الاسعار اللي حضرتك بتقول عليها يمكن للعربيات الكبيره مش 126 لانها اتكلفت اقل من كده يعني علي قدها بقي

العربيه لسه رشه مابقالهاش شهر بره بس طبعا وسقفها فابريكه مش واخد معجون مرشوش نضافه يعني
الكاوتشات 4 فرد كاوتش تيوبلس جداد
الماتور معموله عامره جديده وماشاء الله تجيب بيها 100 كيلو في الساعه بس صوت الماتور بيعلي وممكن اكتر بس هي بتمشي 80 كويس جدا
صالون العربيه لسه عامله كسوه جديده ومتظبط
وسماعات وكاست

والعربيه بجد يا جماعه عاجباني اوي ولولا اني عايز اجيب عربيه كبيره لاننا في البيت 5 افراد مكنتش هافكر ابيعها

المشاركة الأصلية كتبت بواسطة ama

و من الحقيقة برضة أن حضرتك لسه مسجل عشان ترد الرد الجميل دة بأسم عجيب حلو زى حضرتك
أى عربيه فى السوق كل يوم بيقل أى عربية شوف بقالها كام سنه و أنزل السوق شوفها بكام السيات 133 بألفين و نص و لو مش مصدق ممكن أجيبلك أعلان ليها
صباحوا فل يا جماعة

محبش ان يكون في هجوم علي اي حد خصوصا انه عامل رد علي الموضوع بتاعي

ولو حد شايف ان مش من حق اي عضو انه يسجل علشان يقول رد علي موضوع واحد بس يكلم الاداره مش يكون في رد علي موضوعي

وانا بشكر كل اللي حطه رد علي موضوعي

والله يا جماعه العربيه دي دايما واخده حجم اكبر من حجمها بكتييييير وكل يوم بتكبر في نظري

ان سعيد ان الموضوع تشعب لنقطه اسعار السيارات المستعمله

وبالنسبه يا جماعه للعربيه انا شوفت واحد عارض عربيه 126 ايطالي فبريقه بره وجوه واظن كان طالب فيها 11 الف جنيه

ومن حق اي حد يطلب السعر اللي هو عايزه زي ما هو من حق اي حد يشتري بالسعر اللي هو عايزه

انا لما جبت العربيه دي ناس كتييير قاعدم يقولولي غاليه وكان فيه عربيه كذا وبسعر كذا وعربيه كذا وبسعر كذا والعربيات دي كلها ماظهرتش الا لما اشتريت العربيه دي وانا واثق اني لما ابيع بتاعتي هادوخ علشان الاقي حاجه كويسه وبالاسعار دي ومش هلاقي كمان ودي تجربه شخصيه حصلتلي بجد ياجماعه

الحقيقه يا جماعه ان سعر السيارات المستعمله ماينفعش يتحدد بسعر ثابت لان كل عربيه وليها ظروفها

اه وبالنسبه للي حط رد بيقول ان فيه سياره سيات 133 سعرها 2500 جنيه العربيه دي بالذات منصحش حد بانه يشتريها وانا الحقيقه بشكر منتدانا الغالي جدا ده لان قرات النصيحه دي فيه والعربيه دي كويسه جدا وعمي كان معاه عربيتين سيات 133 واحده كان مبسوط بيها جدا وممتازه جدا وبيعها وحب يجيب واحده تانيه زيها كرهته في العربيات تمام والحقيقه السيات 133 علشان تبقي عربيه كويسه بتحتاج يتعملها تعديلات كتير وقرات نصيحه هنا انك لو هاتجيب سيات هات واحده معمولها التعديلات بتاعتها لانك مهما صرفت عليها مش هاتعرف تظبطها


ياريت بجد لو حد قدامه فرصه لعربيه كويسه بسعر كويس يقول مش يبقي كلالالالالالالالام وبس

المشاركة الأصلية كتبت بواسطة miedoooo

سياره 126 نصر موديل 93 بحاله ممتازه

لا تحتاج لاي مصاريف

فابريقه دواخل
بطارية جديده
كاوتش جديد
فرش جديد

سياره بجد ممتازه ومش عايز اقولكم كل اسبوع بروح بيها بلد

مره دمياط ومره طنطا ومره جمصه والعربيه الحمد لله زي الفل

والسبب اني بفكر ابيعها هو اني عايز عربيه اكبر

فانا بعرضها للبيع بسعر نهائي 6500

او للبدل ب 127 او 128 يشتطرط حاله ممتازه ويفضل تكون مجدده بالكامل

للاتصال 0111233959

ولو عايزين صور ليها قولولي وانا احط

وبالمناسبه العربيه في المنصورة

السياره مازانت موجوده

وانهارده روحت بيها من المنصورة للقاهره وجيت وماشاء الله العربيه زي الفل وكنت ماشي بيها 90-80 وجبت بيها الميه كمان والحمد لله العربيه زي الفل

والعربيه معروضه للبيع او البدل مع دفع مقابل