الرشاوى المطلوبة لتجديد الرخصة المضروبة

**kasten** · 26-05-2010 04:29 PM

المشاركة الأصلية كتبت بواسطة human12

اطالب بتقنين الرشاوى

**HolyShift** · 26-05-2010 04:47 PM

طالما انت عمال تدفع , كنت شوف حد مخلصاتى زى Mshamy ما قال ومش شرط يكون شخص عادى , ممكن يكون ظابط و خليه يروح معاك و ادفع مره واحده بدل ما انت ممشيها بالقسط .

انا عارف ان كان عندك مشكله ملخبطه بس كل حاجه فى اى مرور بتخلص كده , رشوه او واسطه + رشوه .

بس انا شفت اكتر من مرور , زى مرور فيصل الحبيب مشفتش , اول ما تدخل جوه تحس ان الدنيا غيمت وهتمطر

, كنت عايز اصور وافضحهم .

**khaled_rafea** · 26-05-2010 09:51 PM

للأسف يا باشا معرفش حد من النوع المخلصاتى , او يمكن فى حالتى مكانش ينفع حد يلف اللفة دى كلها, بس عموما انا كنت مستعد ادفع اى فلوس قصاد انى اخلص, ولعلمك ده مش بمزاجى او مزاج حد, لو مدفعتش بجد مش حتخلص حاجة, المهم قربنا نخلص اهوه, نيجى بقى لما رجعت للمهندس
11- خلصت يا باشا كل حاجة, وادى الورق و ادى 20 جنيه كمان علشان نخلص بقى, بص فى الورق و قالى تمام, بس انت معاك طفاية, قولتلة معايا, قالى طب و المثلث, مرديتش اكذب و قلتلة معييش و قمت مطلع كمان 10 جنبة, راح الراجل ختملى و مضالى و قالى فك النمر و اطلع بقى سلم,
12 - سلمت النمر و اشتريت النمر الجديدة وسلمت الورق للمراجع و فوقيه 10 جنيه لما قالى فيه ختم ناقص , فا طبعا ال10 جنيه تغنى عن الختم , بس فقالى روح اققعد فى الاستراحة
13- الرخصة جت و معاها البطاقة و إذن صرف اللوحات الجديدة و المفاجئة بقى (رقم الشاسية غلط تانى), اظاهر انى منحوس, او هما بهايم (سوررى للبهايم), قلت للعسكرى قام فاكك التغليف و شال الرقم بالموس مش عارف ازاى و رجعها تانى و خد 5 جنيه بس
14- رحت بإذن استلام النمر للمندوب و سلمتهولة و نزلت استنى العسكرى يجيب النمر, و لأنه كان واخد قبل كده, مديتوش حاجة
15- الراجل اللى بيركب النمر بديله 5 جنيه قالى متنفعش با بيه, هات 5 كمان, و لما سألته هى دى اكرامية و لا دى حاجة مجبور عليها, قالى لا طبعا مش مجبور ولا حاجة و خلى عنك خالص, بس هات ال 10 جنيه, اديتله طبعا, هى حتيجى عليه
بس و خدت العربية و روحت نمت فى البانيو لأنى كنت فى حاله ميئوس منها
السوأل بقى بالرشاوى دى كلها يا ترى كمية الذنوب اللى اخدتها قد ايه, و يا ترى لو انتم مكانى(اكيد كنتم مكانى ) بتعملوا ايه؟
على فكرة معنديش مانع اتحاسب على اللى عملتة بس بشرط كل اللى اتعاملت معاهم هما كمان يتحاسبوا, ده لو حتفرق مع البلد و لو حيصلح من حالها... لو بقى

**yoko** · 26-05-2010 10:05 PM

أنا بروح وفي إيدي أمين شرطة متقاعد بيخلصلي أي حاجة وبديله ١٠٠ جنيه في إيده وكبيرة لما بيرش على كل الناس ١٠٠ جنيه كمان
والحمد لله رخصت العربيه في ٤٠ دقيقة من ساعت ما ركنت قدام المرور لحد ما مشيت بالعربيه والنمر راكبه عليها (مرور النزهة -أنضف مرور في مصر-)

والرخصة في ساعة واحده وبدون إمتحان إشارات (مرور مدينه نصر)

**mshamy** · 26-05-2010 11:20 PM

المشاركة الأصلية كتبت بواسطة khaled_rafea

السوأل بقى بالرشاوى دى كلها يا ترى كمية الذنوب اللى اخدتها قد ايه, و يا ترى لو انتم مكانى(اكيد كنتم مكانى ) بتعملوا ايه؟
على فكرة معنديش مانع اتحاسب على اللى عملتة بس بشرط كل اللى اتعاملت معاهم هما كمان يتحاسبوا, ده لو حتفرق مع البلد و لو حيصلح من حالها... لو بقى

بالنسبة لموضوع الرشوة : هي انك تدفع مقابل الحصول على شئ ليس من حقك
لكن انت بتدفع إتاوه مش رشوة
والعلم عند الله

بالنسبة للباقي من الأستفسار فهو يشبه الآذان في مالطا يصديقي

**khaled_rafea** · 26-05-2010 11:33 PM

المشاركة الأصلية كتبت بواسطة mshamy

بالنسبة لموضوع الرشوة : هي انك تدفع مقابل الحصول على شئ ليس من حقك
لكن انت بتدفع إتاوه مش رشوة
والعلم عند الله

بالنسبة للباقي من الأستفسار فهو يشبه الآذان في مالطا يصديقي

ربنا يطمنك و يريح قلبك, و يبعد عنا الحرام, جزاك الله خيرا

**A7MED_PHARMA** · 26-05-2010 11:42 PM

فعلا
طالما إنك مضطر لها ..مش بكيفك ولا رغبة منك في إستباق دورك
وهما إلي يشيلوا ذنب الرشاوي دي قدام ربنا..علشان هوا كده سرقك بالإكراه
..والله أعلم..

**HolyShift** · 27-05-2010 04:32 AM

المشاركة الأصلية كتبت بواسطة mostafaismail

احمد ربنا على اد كدة ... الفبلم اللى انت عملتو دة لو كان مرور فيصل جزء منة كنت قتلت بتاع عشرين تلاتين موظف مرور بالميت.

الراجل ده بيتكلم صح .

أنا نفسى اعرف ليه اجهزه الأعلام ساكته عن الى بيحصل هناك , دا لو واحد راح وعمل تقرير حلو كده بالصور هيفضهم وساعتها وضع المرور هيتحسن شويه , مش مشكله الطوابير و طول الاجراءات بس يعاملوا الناس بشويه ادميه , والله العظيم انا الناس صعبت عليا بجد .

فى ناس فقدت اعصابها و صرخت وفقدت معاها كل الورق المختوم .

هناك بقا الرشاوى مش كفايه , لازم على الاقل ظابط يكون معاك خطوه فى خطوه يخلصلك كل حاجه , تقريبا ساعتين بالفحص بكله وتخرج من مقبره مرور فيصل بسلام , بالرشاوى والطوابير ممكن تدخل فى 7 او 8 ساعات بالاهانه طبعا وعدم الادميه , ربنا هيحاسب الناس دى حساب عسير اكيد .

-

-

الموضوع: الرشاوى المطلوبة لتجديد الرخصة المضروبة

LinkBack

أدوات الموضوع

عرض

-

-

-

-

-

المواضيع المتشابهه

ماهي الاوراق المطلوبة لتجديد جواز السفر

الحمد لله - مصر برة حكاية الرشاوى بتاعة شركة مرسيدس !!!

المعلومة الكاملة لتجديد الرخصة حسب الأوضاع الجديدة

المستندات المطلوبة لتجديد جواز السفر ...؟؟؟

الاوراق المطلوبة علشان اجدد الرخصة ؟؟

الكلمات الدلالية لهذا الموضوع

المفضلات

المفضلات

ضوابط المشاركة