آسف على التأخير لكن الكومبيوتر عطلان اليومين دول و مش فاضى أصلحه ، فدخولى قليل على المنتديات ، و النت كلها اصلا
أولا آسف لأنى مغير المساعدين من زمان فمش فاكر أسعارهم و لكن أسأل و قول لنا و حنعرف اذا كان السعر كويس ولا لأ
ملحوظة : ممكن تسمع فتاوى من ناس آخر فتاكة علشان تعلى العربية شوية و يقول لك هات المونرو الطويل أو ركب وصلة تعلية ، المونرو الطويل ممكن يأثر على المقصات أو الكبالن لأنه بيغير الزاوية بتاعتهم مع العجل و العربية (وإلا كانوا اليايانيين نزلوا الأختيار ده فى كتالوج قطع الغيار فيقولوا ركب مساعدين كذا أو كذا) ، و وصلة التعلية بتخلى العربية تخبط و تدب جامد مع المطبات و تقصر لك عمر المساعدين ، لو كان ولابد تركب حاجة فيه طقم كاوتشات تعلية ممكن تركبه (بس مش حيعمل المعجزات ، يا دوب تبطل تحك و انت لوحدك او مع حد وزنه معقول).
بالنسبة لطقم الدبرياج فممكن تجيب الكورى و ده ممتاز من السرساوى أو على زيدان فى ميدان الدقى و سعره مناسب و متقارب عند الأثنين ، المهم غير الطقم كله (اسطوانة و ديسك و بلية) علشان تحافظ عليها فى حالة ممتازة ، العشرة مع العربية خلتنى اكتشف ان اليابانيين عاملين الحاجات اللى مع بعضها بعمر افتراضى واحد ، فلما تغير الطقم على بعضه تاخد العمر الجديد له بالكامل بدل ما تعمل ناصح زى بعض الميكانيكية و تغير كل شوية حاجة (ديسك فى اسطوانة فى بلية) و تلاقى نفسك كل شوية داخل خارج للورشة تعمل حاجة.
و ربنا يوفقك