للاهلويه

**Moh.Abdelbaset** · 27-05-2010 09:00 PM

يا جماعة محدش عنده
حلقة القاهرة اليوم بتاعت امبارح
بحب أشوف عمرو أديب بعد الزمالك ما يتغلب

**mazharsafwat** · 28-05-2010 01:32 AM

المشاركة الأصلية كتبت بواسطة kimo-nubira

والبدري كمان حط حسام حسن في مكانه الطبيعي ... خدووو ديه هديه مني ليكم ههههههههههههه

هههههههههههها

**Cell_k** · 28-05-2010 02:05 AM

بصراحة يا أستاذ كيمو من غير زعل صورة مستفزه جدا !
الكارثة ان احنا قومنا الدنيا و كنا هنروح نحتل الجزائر علشان نشروا صور لاعبيتنا على شكل ستات !
نيجى احنا نعمل كده زى ما عملوا فينا و فى مين ؟ فى رموز الكورة ! و فى مين ( حسام حسن ) !

انا عارف ان الموضوع للأهلوية بس لكن يا جماعه انا ....

اسف لدخولى و لو المشاركة مش فى مكانها ممكن تتحذفوها مفيش مشكلة

تقبلوا مرور اخى ليكم زملكاوى .

**FunnyMickey** · 28-05-2010 02:15 AM

عندك حق ياباشا
والموضوع ميستاهلش ومش عاوزين نديله اكبر من حجمه
احنا متفقين منزعلش حد

**mazharsafwat** · 28-05-2010 03:25 PM

المشاركة الأصلية كتبت بواسطة kimo-nubira

والله هى الصوره جاتلي علي الفيس بوك وقولت احطها هنا من روح الدعابه ليس اكثر ولا اقل

وبصراحه اكتر انا لما شوفتها فطست من الضحك وعلشان كده نقلتها علشان نضحك شويه مقصدش اضايق حد بلعكس انا قولت نضحك ونفرفش شويه

وبصراحه اكتر واكتر هو حسام حسن يستحقها بدام مطلعش راجل وقد كلمته بعد تصريحاته الاستفذاذيه لجمهور النادي الاهلي اللي هو اصلا اتمرمغ في خيره

علي العموم مش عايز حد يتضايق الموضوع كله هزار بين اخوات الكوره مش هاتخسرهم بعض

سؤال بسيط::: لنفرض ان الزمالك هو اللى فاز 1/3 على الاهلى..... ماذا كان سيفعل حسام وابراهيم بكل تاريخهم المجيد فى الادب والاحترام؟؟؟؟؟ وماذا _بكل صراحة_ كانت ستفعل جماهير الزمالك المحرومة من الفوز على الاهلى منذ سنوات وسنوات؟؟؟؟؟ الفرق واضح بين ذلك وبين ردة فعل لاعبى الاهلى ومدربهم بعد المباراة:: عادى جدا بل صافحوا لاعبى الزمالك واكثر من لاعب توجه لمصافحة حسام خاصة بركات اللى هاجموا ابراهيم وبهدله وطالب بعقابه وده حتى حسام لما بركات اثناء اللعب عمل فاول مع احمد غانم قام حسام وقعد يزعق على بركات لدرجة ان الحكم توجه ليه وههدوا بالطرد من الملعب؟؟؟؟ المهم تحية للاهلى وجماهير الاهلى الاسطورة فى كل شئ

**kimo-nubira** · 28-05-2010 04:31 PM

المشاركة الأصلية كتبت بواسطة mazharsafwat

سؤال بسيط::: لنفرض ان الزمالك هو اللى فاز 1/3 على الاهلى..... ماذا كان سيفعل حسام وابراهيم بكل تاريخهم المجيد فى الادب والاحترام؟؟؟؟؟

يا ا\ مظهر الموضوع كله تهريج في تهريج واسف لو كنت زعلتك بس عندي تعقيب عن النقطه ديه بالزات

عمر حسام وابراهيم حسن ما عرفو معني الاحترام ولو كان حسام يعرف يعني ايه احترام مكانش

تطاول علي النادي اللي رباه وعمله ..ولعلم حضرتك حسام مش بيعمل اللي بيعمله ده من حبه وعشقه لزمالك

بلعكس ده بس لانه عايز يهزم الاهلى مش اكتر علشان ياقولهم انا حسام حسن اللي انتو سبتوه .. وعايز اقولك حاجه

اخيره اللي مالوش خير في اهله مالوش خير في حد .. يعني بالمختصر حسام حسن ممكن يبيع نادي الزمالك في اي وقت علشان خاطر مصلحته

واسف مره تانيه لو كنت زعلت وزي ما قولتلك الموضوع كله تهريج في تهريج وانا ماحبش ازعل حد مني وليك الف تحيه وتقدير مني لانك واضح انك شخصيه محترمه

**mazharsafwat** · 28-05-2010 04:41 PM

[QUOTE=kimo-nubira;3872705541][center][size=3][b][color=navy]يا ا\ مظهر الموضوع كله تهريج في تهريج واسف لو كنت زعلتك بس عندي تعقيب عن النقطه ديه بالزات

اخى العزيز كيمو انا مش زعلان انا بأيدك وبتساءل بسخرية عن اللى كان هايعملوا الاخين التوأم اللى هما السبب فى الهزيمة المذلة للزمالك,,,,, انا اهلاوى جدا ومبسووووووووووط جدا من الصورة بتاعتك وعايزين كمان صور تانى نضحك عليها لان للاسف حسام وابراهيم دول واخدين الزمالك ركوبة لاغراضهم ومنفعتهم الشخصية ,, ولى مداخلة سابقة بعنوان الزمالك وحسام والحمار هاعيدها تانى:الزمالك وحسام والحمار: يذكرنى ما فعله حسام حسن بالزمالك بقصة جحا والحمار: فيحكى ان جحا راهن اهل البلد على انه يستطيع ان يعلم حماره الكلام فى خلال سنة لكن بشرط ان يتولى اهل البلد الانفاق عليه فى خلال هذه السنة, ووافق اهل البلد... ولما سأله صديقه كيف سيوفى بوعده قال له: يا سيدى دى سنة ممكن الحمار يموت ,انا اموت,او اهل البلد يموتوا!!!!! هو ده بالضبط ما يفعله حسام وابراهيم بالنادى (العريق), لا الحمار اتعلم الكلام ولا اهل البلد اتعلموا حاجة,,,,,, وسلامى لكل الح......بدون زعل.... .....................................حسام وابراهيم دول فقاعات هواء

**Cell_k** · 28-05-2010 06:33 PM

استاذ مظهر الصح صح و الغلط غلط حتى لو كان على سبيل المزاح او فى فرحة ماتش و فوز !

برضو هفكركم بحادثة الصحف الجزائرية مع منتخب مصر فى الصورة الشهيره هل منتخبنا او اى لاعب من مصر كان اهان او داس على طرف واحد جزائرى ؟ لا طبعا لكن هما اتصرفوا من نفسهم بالتالى احنا اتجننا و كان رد فعلنا كان رهيب .

حط نفسك مكان اى واحد زملكاوى و شوف لو الصورة ديه كانت لحسام البدرى كان رد فعلك اول لما تشوفها ايه ؟

طبعا و كانت برضو تهريج و ضحك و و و و الى اخره ...

استاذ كيمو شكرا ليك على تفهمك موقف اى زملكاوى و علطول كده ادينا حاجات حلوه تضحك بس من غير ما نزعل بعض

**akramlail** · 31-05-2010 04:09 AM

اظن ياجماعة فعلا الصورة مهينة جدا ومعروف المقصود من وراها اية
اظن مفيش حاجة تستاهل اننا نهين انسان بالطريقة دى
ممكن نتخانق او نهزر او نتريق فى الموضوع نفسة مش على باهانة انسان ايا كان

-

الموضوع: للاهلويه

LinkBack

أدوات الموضوع

عرض

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة