الموضوع: الى خبراء الفيتار - فتيس الفيتار بيعض ولما تسخن بيقفش

حد يفيدنى يا جماعه
اشتريت فيتارا 2001 بابين مانيوال - ولقيت الفتيس بتاعها بيعض شويه (وبيعض شويتين فى التالت والمارشدير)
رحت للميكانيكى بتاعى قالى عادى نعلى الدبرياج شويه - على فكره الدبرياج بتاعها تقيل شوية (ومش عارف ده طبيعى ولا لأ) ولما علاه شويه بقى تقيل جدا - بس العضه راحت
يومين ولقيته بيعض تانى لما سخنت شويه وانا فى الزحمه - وبعدين قفش خالص واضطريت اطفى العربية واغير وبعدين ادور تانى علشان اطلع من المطب دهز
بعدها بقى عندى دبرياج تقيل حديد والفتيس رجع يعض
رحت للميكانيكى تانى قاللى الديسك لازم يتغير - قولتله العربيه سحبها بسم الله ماشاء الله رائع و فى المطالع مفيش اى مشاكل - ده حتى المكنه لسه بتعرق
قاللى اصل ده الديسك كده مبيفصلش - قولت وماله - اشتريت طقم كامل ب (500 جنيه) ماركة valeo
صحيح الدبرياج بقى اخف - بس لسه تقيل بطريقه تغيظ (لاهوه تقيل ولا خفيف ومش مريحنى) - وبرضة الفتيس بيعض - الميكانيكى قعد يعلى فى الدبرياج على تلات اربع مرات وكل مره الفتيس يبعض لحد ما راحت العضه.
وبعدين الحاله تدهورت - التعريقه راحت - وبقيت بشم ريحة حرق (عادم) وحشة - السحب بقى هباب على الاول والتانى والخامس - والمصيبه ان اول مالعربيه سخنت شويه الفتيش قفش تانى.
اعمل ايه الموضوع ده جننى. اروح لمين يكون بيفهم لأن شكل الميكانيكى بتاعى ملوش فى الفيتارا.

كان معايا قبل الساجا حبيبتي فيتارا اتوماتيك 98 ودي بقى غيرتلها مكنه كامله فتقريبا عرفت كل الي شغالين فيها من اللف على قطع غيارها .... فيه و احد قريب بجانب حديقة الفسطاط شغال في الفيتارا فقط و عنده كله حاجتها استيراد وجديد وفنين تركيب ... رحله ولو معجبكش سعره انزل دور في الحرفيين و ان شاء الله هتلاقي الي انت عايزه ... اظن سعر الفتيس هيتراوح بين 1000 الى 1500 بالكتير ان شاء الله ... لو عايز رقمه ابعتلي على الخاص و انا في الخدمه