انا معترض ( ظاهرة شراء الشوارع )

**ashouhdy** · 27-05-2010 04:58 PM

اوعى تنزل تضرب بأيدك هات حد مش من المنطقة يضرب بدالك لان اذا رفعت الايدى تساوت الرتب و حيبقى الدكتور هو هو السايس وحتفقد احترامك فى لمنطقة

**تامر.محمد** · 27-05-2010 05:06 PM

انا بقيت اضطر اركن قدام بيتي صف تاني

الأول كنت ضد فكرة الصف التاني تماما وبقيت اقول ايه المتخلفين اللي مكسلين يركنوا بعيد دول

لحد ما في مرة ركنت بعيد شوية , و نزلت لقيت حد قاطم لي بلف فردة كاوتش و العجلة على الأرض
بطلت اركن في الناحية دي , و بقيت لما ما الاقيش قدام بيتي اركن بعيد شوية في الاتجاه التاني
لحد ما في مرة نزلت , لقيت العربية قزاز باب السواق فيها مدشدش و كله جوة العربية على كرسي السواق و الدواسة و مافيهوش حتة سليمة

و في المرتين , ده حصل من ناس محتلين الرصيف و قالبينه جراج بالأجرة , و الاتنين على حس الحي

من ساعتها لما ما بقتش الاقي ركنة قدام البيت , بقيت اركن صف تاني

**cayman69300** · 27-05-2010 09:16 PM

المشاركة الأصلية كتبت بواسطة m.osman

هو اية علاقة الموضوع دا بقسم اوبل؟

شكرا على الرد الجميل
بس اللى عايز اقولة انى ببتدى باقرب الناس ليا و هما بتوع القسم بتاعى " قسم الاوبل " و كدة كدة الموضوع هيتحول للمنتدى العام
يعنى بالبلدى انا و عائلتى " الاوبلاوية " بناخد و ندى فى الكلام قبل ما الموضوع يوصل للمنتدى العام
و السلام عليكم و رحمه الله و بركاته

**abo_lamar** · 28-05-2010 01:05 AM

والله العظيم ناس متخلفة ومعندهاش زوق ولا احترام

**Mzeid** · 28-05-2010 03:50 AM

و الله و الله أنا بتخنقققققققققققققققق موت من الحركة دي جدا
قدام البيت عندنا في اسكندرية الشارع مترصص براميل ثابتة فيه اسمنت دة غير ان واحد من العمارة حط عامود حديد في الارض و ربطه بقفل لما يجي البواب بيشيله و يركن و لما يمشي يحطه تاني

هو صحيح ينفع نبلغ شرطة المرافق على اساس انها اشغال طريق

**crazylambada** · 28-05-2010 04:02 AM

على كده بقى انا اعمل تمثال للي ساكنين قدامي دا عندهم جراج خاص و متفقين بنيا و بين بعضينا
الحمد لله

**Amrrr** · 28-05-2010 12:34 PM

على كدة اللي بيركن تحت بيته او تحت الشغل من غير مشاكل ولا قلق عالعربية دي بقت حاجة نادرة ولا ايه ؟!؟!؟!؟

**HeRo_LaNCeR** · 28-05-2010 01:04 PM

وانا كمان كان في واحد جارنا في العمارة اللي في وشي مباشرتنا كل ما اجي اركن لقيه واقف وواخد مكان 3 عربيات اول مرة روحت جايب عربيتي القديمة من قدام وداخل بدهري لغاية ما زقتوا ورحت راكن الاقديم والجديدة وراه بعض
جيت بعدها باسبوع لقيتوا عامل نفس الحركة تاني بس المره دي كان حاطط طوب قدام الكوتش الامامي ومعشاء علي الاول روحت شايل الطوب ورجعت كررات نفس الحركة تاني المهم عدي بعدها 3 ايام وفي يوم كنت انا سهران في البيت سمعت صوت فوانيس بتدغدغ وكانت عربيتي القديمة لقيتوا هوا داخل باكتر عزم فيه وراح مدمري الفوانيس اللي وراه وانا واقف في الشباك راح هو نازل وباصص ليه وضحك كده ضحكه هبله وطلع عمارتوا
واللي تقريبا الراجل ملحقش يقلع جزمتوا كنت نازل الجراج وجيب عربية ابويه الجيب 95 ورحت مطلع العربيتن من مكانهم ودخلت بوشي في دهر عربيتوا جيبت له الفوانيس الخلفية بالاكصدام وانا محصليش حاجه عشان الشباكه الحديد اللي قدام ورحت راكن له عربية ابويه والعربية الاقديمة وسحبت عربيتي الجديدة ونزلتها الجراج
من بعدها مشوفتش وشوا تاني في الشارع كل ما ادخل الشارع القيه راكن في علي اول الناصيه

-

الموضوع: انا معترض ( ظاهرة شراء الشوارع )

LinkBack

أدوات الموضوع

عرض

-

-

-

-

المواضيع المتشابهه

ظاهرة انتشار المختلين عقلياً ....... ظاهرة يجب الوقوف عليها .

لكل معترض

أنا معترض على سجود حسام حسن لفانلة الزمالك

عاوز اسيب البيت ؟؟؟؟؟ .....هل من معترض

ظاهرة تسليع السيارات ..... (لمن يبحثون عن شراء سيارة مٌعمرة)

الكلمات الدلالية لهذا الموضوع

المفضلات

المفضلات

ضوابط المشاركة