الموضوع: انا معترض ( ظاهرة شراء الشوارع )

المشاركة الأصلية كتبت بواسطة hmatchy

المشكلة كلها فى اصحاب العمارات العالية و الابراج اللى بيحولو الدور الارضى و الجراج لمحلات ومخازن وطبعا السكان يخبطوا دماغهوم فى الحيط
عندك مثلا منطقة زى زهراء مدينة نصر فيها يجى 700 برج تقريبا ولا واحد فيهوم ليه جراج
تخيلو كدة برج 14 دور كل دور فيه 4 شقق لو السكان حتى كل دور فيه عربية هيركنوا فين؟؟؟؟؟؟؟؟؟؟
الموضوع مشكلة ادارة الاحياء من البداية لابد من وجود جراج لكل عمارة و الا الناس هتركن عربيتها فى الشارع وعلى الرصيف والناس موش هتلاقى مكان تمشى فيه

تم تدارك الموقف دا دلوقتى و تم فرض بناء جراج تحت كل برج و العمارات الى ما فيهاش جراج و إنما محلات بيبقى على الأقل محل منهم جراج ولا يتم ترخيصه نهائيا لأى حاجة تانية

المشاركة الأصلية كتبت بواسطة hmatchy

يعنى المحل دا هيكون مدخل لجراش تحت الارض ولا هوا المحل دا هيكون جراج؟؟

لا هيكون هو الجراج بس دا فى حالة عدم وجود جراج

المشاركة الأصلية كتبت بواسطة hmatchy

طب ما كدة يا لانسر هنحل مشكلة عربيتين او تلاتة بالكتير وهتفضل نفس المشكلة
المشكلة هى اننا بنعمل الحاجة ونرجع نعدل فيها الف مرة وبكرة يحفرو علشان الميه ويسفلتوا ويرجعوا يحفروا كهربة ويسفلتوا ويرجعوا يحفروا تلفونات ويسفلتوا
نفسى المسئولين فى مصر يبطلوا يبوصوا تحت رجليهم نفسى حد يفكر فى بكرة

أهو حل جزئ للمشكلة