الموضوع: هل من حل للخدوش

استاذ احمد ازيك ،

اولا بالنسبة لطبقة البوية (اللون) اللي بتتخلف من اي حكة او خبطة فديه حلها اما ( بولش ) او (كومباوند)
البولش سائل لونة بني فاتح وده مذيب لاي لون دخيل علي اللون الاصلي
الكومباوند ديه مادة لونها ابيض قوامها زي الكريمة وتحس انها مرمله والرمله الصغيرة اللي فيها ديه بتقوم بدور السنفرة الخفيفة للدهان وده بيأكد لك انك بعد ما تستعملة هترجع طبقة الدهان نظيفة تماما وخاليه من اي رواسب فوقيها

بالنسبة للشمع فده ببساطة جدا طبقة شمعية تضاف علي طلاء السيارة وديه بتمسك فيه علي الاقل اسبوع وبتدي مظهر لامع ومميز للدهان
ده بالاضافة انها بتبقي طبقة عازلة بتحمي الدهان من الاحتكاكات البسيطة واثر الاتربة والمياه

نصائح لحفاظ علي دهان السيارة

1- استخدم البولش او الكومبوند علي فترات متباعده شهرين الي 3
2- استخدم الشمع ( افضل نوع تيرتيل واكس ) مره شهريا
3- استخدم غطاء السيارة ويفضل النوع المبطن
4- ابتعد عن ترك السيارة في الشمس لفترة طويلة
5- لاتقوم بغسل السيارة وهي ساخنة او وهي تحت حرارة الشمس ( لان ده بيخلي البوية تطقطق من اختلاف درجات الحرارة )

بالنسبة للخرابيش فاقصي شيء في المتناول تقدر تعملة هو استخدام الكومباوند فيه منتجات تانية بتعالج الخرابيش بس للاسف مجربتش اي حاجة منها عشان كده مقدرش افيدك فيها

انا شخصيا الخرابيش اللي في عربيتي بحاول اتجاهلها عشان انسي وجودها لان الخرابيش مش بتأثر في مظهر العربية علي قد ما بتأثر في نفسية صاحبها

اخيرا ممكن ترجع للمشاركة ديه هتلاقي فيها تفاصيل استخدام الشمع

http://www.nilemotors.net/Forum/view...?p=14703#14703