الموضوع: هل من حل ؟؟؟

ازيك يابشمهندس سمير وكيف أخبارك؟

المشاركة الأصلية كتبت بواسطة samirayad

ياريت برضه (قبل أى حاجه ) تغير بيكات الكربوراتير وعمل شوية نظافه للكربوراتير

على أساس أن البيكات لو أتسعت

حتعملك ظاهرة الرجرجه بعد فصل الكونتاكت

وستولد حريق خلفى زى اللى حصل معاك بالشكمان

حروح للميكانيكى يوم الاتنين القادم واخليه يشوفلى البيكات
لكن بالنسبة لنظافة الكربراتير هو عملها من سنة تقريبا وغير بك السرعة

هو حضرتك تقصد بالحريق الخلفى هو back fire ولو كان كده مش دا بيطلع من طرف الشكمان مش من عند الفرن

حتى الان ياجماعة العربية انا لسه مسافر بيها امبارح والبطارية شحنها كويس ومفيهاش مشاكل ( حتى الان )

بس للأسف

طلعتلى مشكلة جديدة

الميكانيكى لاحظ ان الهوا اللى طالع من الشكمان مش متناسب مع المكنة وكان لما يكبس بنزين بيلاحظ انه مفيش تناسب مابين المكنة والشكمان وبيقوللى ان الشكمان دا صغير على عربية 2000 والعادم بيطلع مقطع منها وزى مايكون مكتوم
رحت لبتاع الشكمانات بصلى عليها لقاه مفيهوش مشاكل قلتله على حكاية الكتمة قاللى لا وسألنى على تغيير سير الكاتينة قريب فممكن تكون التقسيمة مش مظبوطة ( لكن لما رحت للميكانيكى راجع على التقسيمة ومفيهاش حاجة)
المهم بتاع الشكمان لقى خرمين لما جه يلحمهم لقاهم بيوسعوا اكتر ( يعنى علبة الشكمان جابت اخرها وبقت متهالكة )
غير علبة الشكمان بواحدة جديدة بس نفس خروج العادم بصورة متقطعة هى هى متغيرتش والميكانيكى مرتحش برضه لعلبة الشكمان دى

فى عندى علبتين واحدة قبل العجلة الخلفية والتانية بعدها اللى بتبان فى طرف العربية ودى اللى غيرهالى

سافرت بيها امبارح بالليل لاحظت ان امبير الحرارة مش طبيعى
الطبيعى عندى ان لما يوصل عند تسعين المراوح بتشتغل والحرارة تقل الى سبعين ومع الهواء البارد ليلا بتقل عن سبعين كمان
بس امبارح المؤشر كان بين التسعين والسبعين بالرغم من انى ماشى فى طريق اسكندرية الزراعى وبسرعة بس الحرارة مبتقلش عن سبعين فتحت كبوت العربية لقيت الفرن محمر احمرار خفيف باين لما يبقى الدنيا ظلام
واغلب الوقت الحرارة مقربة من التسعين يعنى المراو شغالة باستمرار وكل دا بالليل مش فى عز الظهر مثلا
ولاحظت ان سحب العربية بعد 60 على الرابع بتبقى بطيئة جدا عشان توصل لل80 ومبتوصلش الا لما اكبس بنزين جامد ودا مكنش الطبيعى عندى لانها كانت بتجيب ال 100 بسهولة ومن غير قرص على الموتور
والموضوع كمل فى الاخر بان المراوح وقفت عن الدوران والامبير عدى 110 فاضطيت اقف والحمد لله لقيت واحد حداد خدت منه اسلاك وعملت وصلة المراوح بالبطارية الساعة 2 بالليل على الدايرى امبارح

ووصلت البيت الساعة 4 الفجر وروحت الشغل متأخر
وعملوا معايا احلى واجب وخصموا من مرتبى كمان

بصراحة انا فى منتهى السعادة
قريبا جدا ابقوا زورونى فى مستشفى الجانين
المهم دلوقتى انا عاوز اودى العربية عند حد بتاع شكمانات لانى كل دا محصلش الا من ساعة مغيرت للشكمان الجديد

ويكون بيفهم ياريت عشان انا تعبت من العالم اللى بتصم وخلاص

وياسلام لو يكون قريب من المعادى

وشكرا ليكم

كدة العربيه عندك عندها القولون وانت قلت الحل بنفسك شوف اخر مره كانت كويسة وعملت ايه بعدها سبب التوعك اللي بتمر بيه العربية (الشكمان)

انا لقيت واحد بتاع شكمانات وحيغيرلى من اول الماسورة من اول الماسورة اللى خارجة من بعد الفرن لحد قبل العلبة اللى فى الطرف يعنى التغيير حيشمل العلبة اللى الاولانية اللى قبل العجلة اللى فيها الفلتر وطالب 200 جنيه شاملة المصنعية هل دا كده مبلغ كبير ولا لأ

دلوقتى انا ركبت ماسورة شكمان جديدة وغيرت العلبة الخلفية والسحب بقى تمام وفعلا العربية قبل كده كانت مكتومة لكن دلوقتى سحبها زاد عن الاول

بس مشكلة السخونية مش لاقيلها حل حتى الان

كشفت على الرادياتير مفيهوش مشاكل وتقليب المياه فيه كويس غير انى كنت عملت غسيل للردياتير فى محطة قبل الصيف ميخش وكله كان تمام

ومفيش اى تسريب للمياه من الردياتير كمان

بس فيه حاجة لاحظتها مش عارف ان كان دا طبيعى ولا لأ

العربية على السلانسيه الحرارة بتعلى تدريجيا لغاية قبل التسعين والمراوح بتشتغل وبتبرد لحد 70 والمراوح تقف كل دا طبيعى

جربت مرة تانية مع تزويد البنزين على الواقف -rpm على 20 او 25 - الحرارة بتفضل على تسعين ومبتنزلش خالص والمراوح بتبقى شغالة لكن الحرارة مبتقلش تماما

وهو دا نفس الحال اللى ببقى عليه وانا ماشى الار بى ام على 25 والحرارة عند 90 وبالرغم من ان الهوا الساقع بيقابلها باستمرار وانا ماشى لكن مفيش فايدة
وساعات كتير الاقى المراوح واقفة والحرارة بتعدى 90 بشوية ولما اقف بالعربية شوية الاقيها تشتغل

اغلب مشى بالعربية بيبقى سفر وكله بالليل علشان نستبعد حرارة الجو اللى بنمر بيها الايام دى

هل المشى بالعربية له تأثير على المراوح

كان م.سمير له مداخلة فى موضوع قبل كده بالكشف على خرطوم المياه اللى خارج من المكنة لاقيته ساخن

ياترى المشكلة فين

غير البوجيهات

طيب ايه علاقة البوجيهات بإني الاقي المراوح واقفة

وطالما العربية دايرة وواقفة مفيش مشاكل لكن أول متحرك بيها تسخن وتثبت عند التسعين