تحيه زملكاويه لكل الاهلاويه

**mando_07** · 27-05-2010 09:17 AM

فعلا كنتوا تستحقوا الفوز و احنا بعد أول جول نمنا و الأداء بتاعنا كان زفت كالعادة :)

**M.Hosni** · 27-05-2010 09:31 AM

مبروك للأهلي الفوز في الماتش
الزمالك فعلا كانت حالته سيئة إمبارح , منتهى الفردية في اللعب و لعيبة كتير بعيد جدا عن مستواها
نتمنى السنة الجاية تكون أحسن للزمالك إن شاء الله

**mido777** · 27-05-2010 09:43 AM

مبروك للأهلى الفوز ...

الأهلى لعب أفضل علشان كده استحق الفوز ....

هاردلك للزمالك وان شاء الله الفترة اللى جاية نتلافى الأخطاء وحسام حسن يبطل عناد مع لعيبة معينة

**aelhossan** · 27-05-2010 03:05 PM

طب والله انا كنت زعلان علي الزمالك لاني كنت مستني انه يلعب احسن من كده
بس نرجع نقول الزمالك كان فين وبقي فين
حتي مع الهزيمه الواحد حاسس ان الزمالك راجع برده
مره تانيه مبروك لكل الاهلاويه

**AshTurbo** · 27-05-2010 04:28 PM

هارد لك لكل أخواننا الزمالكاوية مش عارف ليه حاسس أني داخل عزاء ولكن حابب أقولكم أن من الأفضل تفكروا في مدرب تاني غير حسام حسن لأن حسام بق على الفاضي من غير أفعال يعني يمسك الفرقة يحمسهم ويرفع معنوياتهم بس بالغلط يعني مرة بالخناق مرة بالضرب وأكبر دليل شوفوا عمل اية مع فرقة المصري البورسعيدي في الأول دخل عمل الشويتين بتوعه اللاعيبة معنوياتهم زادت ولكن في الأتجاه الخاطيء نفس اللي حصل في ماتش أمبارح لاعيبة الزمالك أتشحنوا ونزلوا فاكرين أنهم سوبر مين وهيكسبوا الأهلي وجابوا الجون في أول دقيقة قالوا خلاص يلا بيننا نروح على كدة ودة غلط الأهلي لعب بواقعية اللعيبة ذهنهم كان حاضر = كسبوا الماتش .