(داستر) جيب جديدة من رينو فقط ب 108 الف جنيه

**hanyelrakhawy** · 29-05-2010 10:28 PM

المشاركة الأصلية كتبت بواسطة scuderia.m

أنا شايف إنها هتبقى منافس قوي للتيجو و التريوس. .

+9999999999999999999999999999999999999999999999999 999999999999999

**heromiro** · 29-05-2010 10:55 PM

الناس مش عاجبها interior يروحوا يتفرجوا على wrangler الجديده 250000 ألف جنيه وأسوء من دي بكتير

**ahmedbasto** · 02-06-2010 02:38 PM

لان الجيب متعودين منها على كدة

**Hossam_Zaky** · 03-06-2010 02:24 PM

السلام عليكم
ارجو ان الناس تفرق بين شكل صالون العربية و نوعية المواد المستخدمة فيه و السبب في شكل الصالون التقليدي أن العربية دي مصنعة تبع مشروع نيسان رينو لإنتاج سيارات ثمنها رخيص للبلاد النامية و تتباع في أوروبا كمان بنفس جودة رينو لكن تجهيزات و اسلوب إنتاج يوفر التكاليف في المقام الأول ( ده سبب تصنيعها في مصنع داشيا المملوك لرينو و المصروف عليه مئات الملايين لتطويره بخلاف ) لكن المشكلة اللي طرحها أحد الزملاء في المنتدي أن المصريين بيدورو علي الشكل الأول و محدش بيسأل عن الجودة ( ياريت اللي قارن صالون الرينو بالسبيرانزا يقارن بين المواد المستخدمة في صناعته مش شكله )
ياريت برده نشوف تابلوه الهيونداي الأكسيل و الأكسنت القديمة بعد 10 سنوات استخدام و حرق في الشمس لما تيجي تتباع التاجر يقولك أن الشروخ و الكسر اللي في التابلوه يعني انه فابريقة لم يتغير بينما البيجو 505 بتاعة والدي بعتها عمرها 27 سنة فابريقة فعلا التابلوه مفهوش خدش
العربيات الأوروبي سعرها أصلا غالي و لما رينو تنزل العربية دي بالسعر ده أعتقد أن المفروض الناس تشتريها مش تشتري الصيني المتجمع في مصر بسعر أغلي من كده بكتير زي الكومودو ( حتي لو الموتور 2000 cc ) لأن جودة المكونا اكيد تتفوق و عمر العربية اكيد أطول و العفشة أكيد متجربة لأن العربية نازلة و متصممة عشان تتباع في أوروبا مش عربية نص نقل متقفلة كأنها 4*4 و لما شركة زي رينو تنزل عربية تقول انها 4*4 يبقي اكيد عفشتها مجهزة عشان تستحمل الطرق الوعرة أصلا ( لأنها حتتباع في اسواق الناس حتستعملها في الطرق الوعرة أصلا و حتقيم جودة العربية مش زي مصر تقييم للشكل ) يبقي أكيد العربية حتستحمل طرقنا الجميلة
في النهاية انا حمايا معاه العربية اللوجان الجديدة الأوروبي قبل ما تنزل المغربي و طاير بيها في السما ( ما شاء الله ) و بيستعملها بكثافة الكماليات مش زي الصيني لكن صلابة العربية و العملانية بتاعتها عالية جدا و بتمن الفيرنا أو اللانوس

انا مش حابب شكل الداستر لكن انا بأحترم جودتها
أنا معايا صني 2009 أتوماتيك EX و لو فكرت أغيرها أكيد حفكر في الرينو بس لو نزلت أتوماتيك

و أنا متفق مع الزميل اللي علق علي السعر أحنا زعلانين أن تمنها فوق ال100 ألف و مانيوال بينما الناس بتشتري الكومودو و الماهيندرا و الهوفر و الأسبيرانزا بالتمن دة و أكثر بس دون الجودة بتاعة الأوروبي

**Sharky** · 03-06-2010 03:24 PM

المشاركة الأصلية كتبت بواسطة ahmed_nubira

شكلها كده صناعه فى البطيخ

بناءا على ايه قلت انها بطيخ

و لا علشان انت كاره لرينو :)

**M.Radwan** · 03-06-2010 03:24 PM

المشاركة الأصلية كتبت بواسطة hossam_zaky

السلام عليكم
ارجو ان الناس تفرق بين شكل صالون العربية و نوعية المواد المستخدمة فيه و السبب في شكل الصالون التقليدي أن العربية دي مصنعة تبع مشروع نيسان رينو لإنتاج سيارات ثمنها رخيص للبلاد النامية و تتباع في أوروبا كمان بنفس جودة رينو لكن تجهيزات و اسلوب إنتاج يوفر التكاليف في المقام الأول ( ده سبب تصنيعها في مصنع داشيا المملوك لرينو و المصروف عليه مئات الملايين لتطويره بخلاف ) لكن المشكلة اللي طرحها أحد الزملاء في المنتدي أن المصريين بيدورو علي الشكل الأول و محدش بيسأل عن الجودة ( ياريت اللي قارن صالون الرينو بالسبيرانزا يقارن بين المواد المستخدمة في صناعته مش شكله )
ياريت برده نشوف تابلوه الهيونداي الأكسيل و الأكسنت القديمة بعد 10 سنوات استخدام و حرق في الشمس لما تيجي تتباع التاجر يقولك أن الشروخ و الكسر اللي في التابلوه يعني انه فابريقة لم يتغير بينما البيجو 505 بتاعة والدي بعتها عمرها 27 سنة فابريقة فعلا التابلوه مفهوش خدش
العربيات الأوروبي سعرها أصلا غالي و لما رينو تنزل العربية دي بالسعر ده أعتقد أن المفروض الناس تشتريها مش تشتري الصيني المتجمع في مصر بسعر أغلي من كده بكتير زي الكومودو ( حتي لو الموتور 2000 cc ) لأن جودة المكونا اكيد تتفوق و عمر العربية اكيد أطول و العفشة أكيد متجربة لأن العربية نازلة و متصممة عشان تتباع في أوروبا مش عربية نص نقل متقفلة كأنها 4*4 و لما شركة زي رينو تنزل عربية تقول انها 4*4 يبقي اكيد عفشتها مجهزة عشان تستحمل الطرق الوعرة أصلا ( لأنها حتتباع في اسواق الناس حتستعملها في الطرق الوعرة أصلا و حتقيم جودة العربية مش زي مصر تقييم للشكل ) يبقي أكيد العربية حتستحمل طرقنا الجميلة
في النهاية انا حمايا معاه العربية اللوجان الجديدة الأوروبي قبل ما تنزل المغربي و طاير بيها في السما ( ما شاء الله ) و بيستعملها بكثافة الكماليات مش زي الصيني لكن صلابة العربية و العملانية بتاعتها عالية جدا و بتمن الفيرنا أو اللانوس

انا مش حابب شكل الداستر لكن انا بأحترم جودتها
أنا معايا صني 2009 أتوماتيك ex و لو فكرت أغيرها أكيد حفكر في الرينو بس لو نزلت أتوماتيك

و أنا متفق مع الزميل اللي علق علي السعر أحنا زعلانين أن تمنها فوق ال100 ألف و مانيوال بينما الناس بتشتري الكومودو و الماهيندرا و الهوفر و الأسبيرانزا بالتمن دة و أكثر بس دون الجودة بتاعة الأوروبي

بجد قولت كل الكلام اللى في نفسي..
تسلم ايدك،

**a7madramadan** · 04-06-2010 02:23 AM

يا جماعة في الاسكندرية توكيل رينو على شريط الترام نزلت حاطينها و موش قايلين سعرها قالو لسه هيتحدد السعر و العربية علامتها رينو و شكلها بالعلامة احلى من الداتشيا الي باشوفها من سنة في الفيديوهات و الريفيوهات....عموما بجد لو معايا المبلغ بتاعها والله ما استخسره فيها بجد بجد تستاهل يا جماعة و متقفلة برة موش الهبل الي بنعملو هنا ..... و حقيقي موش لاقي مبرر للناس المعترضه على السعر ان كانت اساسا معمولة علشان سعرها يبقى رخيص بالظبط زي اللوجان بعد ما الناس الي مش فاهمة فضلت تقول اخييييييييه و ايييييه العربيه المقرفة دي اتفرجو دالوقتي عليهم ...عربية محترمة على قد سعرها و لا تقارن ابدا بفئة سعرها و متقفلة 10/10...... و الناس الي بتتكلم على الصالون .... انا ما ركبتهاش بس لمعلوماتكم عالميا افضل صالونات للعربيات بتبقى اوروبي و خصوصا فرنسا رينو و بيجو و سيتروين ... اسالو اصحاب الفرنسي و هم هيقولولكم و اسالو اصحاب اللوجان كمان ......... و مرة كمان علشان الي ما اخدش باله العربية نازلة رينو بعلامة رينو منورة المقدمة و الظهر و الدريكسيون ههههههههه

**M.Osman** · 04-06-2010 02:44 AM

المشاركة الأصلية كتبت بواسطة Sharky

بناءا على ايه قلت انها بطيخ

و لا علشان انت كاره لرينو :)

هي دي رينو ؟

انا اعرف انها dacia بس في ناس متخلفة (في رأيي) بوظوا ماركة رينو بأنهم حطوها عالتصاميم شبيهة اللوجان اللي تفرس دي ....

طب بذمتك يا راجل ...انت مش زعلان على براند رينو اللي بقى شكله وحش ؟

المشاركة الأصلية كتبت بواسطة heromiro

الناس مش عاجبها interior يروحوا يتفرجوا على wrangler الجديده 250000 ألف جنيه وأسوء من دي بكتير

الـwrangler تحفة جبلية يا سيدي ! اية اللي جاب دي لدي بس ؟؟

**bebo_abdeldayem** · 04-06-2010 08:56 AM

شكرا علي الخبر .. العربيه شفتها في المعرض بصراحه حاسس ان رينو مبتحترمش الا الميجان و الفلوانس في الخامات ... بس عامة العربيه شكلها جامد و حتعمل شغل في البيع
ملحوظه لصاحب الموضوع ممكن تكون سخيفه شوية بس استحملني ماقدرتش اسكت
عنوان الموضوع المفروض يتغير , لان جيب دي ماركه تانيه خالص و ده الي الناس مش مقتنعه بيه مش عارف ليه ,, يعني بنعتبر الفيتارا جيب و التيريوس جيب و اي عربيه كبيره جيب ..