كنت عاوز حضرتك مشكورا تقولى ايه الحاجات اللى لازم اغيرها كل فترة معينة او عند كيلوات معين فياريت حضرتك تكتبهالى على شكل قايمة و مواعيد تغييرها بعدد الشهور او الكيلوات و انا معايا لانوس 2 2008
عرض للطباعة
كنت عاوز حضرتك مشكورا تقولى ايه الحاجات اللى لازم اغيرها كل فترة معينة او عند كيلوات معين فياريت حضرتك تكتبهالى على شكل قايمة و مواعيد تغييرها بعدد الشهور او الكيلوات و انا معايا لانوس 2 2008
السيور كل اربعين الف يعنى 40 و 80 و 120 طبعا بالالف
الفلاتر جميعها بصفه دوريه زيت وبنزين وهواء
واهم شئ تغيير الزيت فى ميعاده والكشف على ديل الفرامل بصفه دوريه
بس العربيه عامله كام كيلو وتقريبا ان شاريها مستعمله صح ولا غلط
ال 5 الاف وال 15 وال 25 وال 35 وال 45 و.... وتكرارتها :
تنضيف فلتر هوا + تربيط عفشة + زيت 5 الاف لو مش هتحط زيت 10 الاف + فلتر زيت لو هتغير الزيت + الكشف على السوائل وتزويدها
ال 10 الاف وال 30 وال 50 وال 70 وال 90 و ....تكرارتها:
تغيير فلتر هوا (يستحسن) + تربيط عفشة + تغيير زيت سواء ميعاد ال 5 أو ال 10 + فلتر زيت + الكشف على السوائل وتزويدها
ال 20 الف وال 60 الف و ال 100 الف و ...:
جميع صيانات ال 10 الاف + الكشف على تيل الفرامل وغالباً تغيير الأمامى + رجلاش الفرامل الخلفية + تغيير فلتر البنزين + تغيير البوجيهات (لو بتاعت الفابريقة)
ال 40 الف وال 80 الف وال 120 الف ...:
جميع صيانات ال 10 وال 20 الف + تغيير سير الكاتينة + البلية + الشداد + سير الدينامو + تغيير المياه الخضرا وليس تزويدها
أجزاء لها علاقة بطبيعة السواقة ومكان السكن وحسب إستعمالك:
تيل الفرامل ، العفشة ، الكاوتش ، إسطوانة الدبرياج
أجزاء لها علاقة بالنوعية المستخدمة :
البوجيهات (فيه منها يتغير على 20 وفيه بيتغير على 100) ، التيل فيه بيعيش بتاع 7 الاف وفيه يعيش 20 (وحسب سواقتك) ، فلتر الهواء الرياضى يتنضف مايتغيرش ، والبطارية حسب الحالة
الف شكر لكل الردود و الاستفادة
شكرا على المعلومات القيمة دي
برافو عليك معلومات مهمه جدا