الرواس ينجح بالاحتفاظ بوكاله ميتسوبيشي في مصر

**magomago** · 27-05-2010 02:34 AM

فى إطار سعى الشركة المصرية صاحبة توكيل شركة متسيوبيشى كورب اليابانية لصناعة السيارات فى مصر لإنهاء الخلافات الواقعة بينها والشركة الأم، اجتمع يوم، الأربعاء، الماضى فرج الرواس، رئيس مجلس إدارة الشركة، مع نائب رئيس مجلس إدارة شركة متسوبيشى اليابانية، وممثل منطقة الشرق الأوسط بمكتب الشركة بدبى، للنظر فى حل كل المشاكل والصعوبات، وذلك تمهيدا للتوقيع على مد عقد الوكالة للرواس لمدة خمس سنوات أخرى، وذلك فى حالة قيام الرواس بتجديد محطة الخدمة، وكذلك فى حالة ضخ مبلغ ما يعادل 300 مليون جنية مصرى للتعاقد على سيارات متسوبيشى موديل 2011.

من جهتة بدأ الرواس فى تجهيز محطة الخدمة المملوكة له شخصيا والكائنة بمدينة العبور، التى يبلغ حجم الاستثمارات فيها من إنشاءات وأجهزة ومعدات ما يزيد على 65 مليون جنيه، كما بدأ الرواس فى التجهيز لضخ الاعتماد المطلوب، وبالفعل تم يوم الخميس الماضى اعتماد قطع غيار السيارات وبعض السيارات التى سترد فى خلال 15 يوما من اليابان.

وسيتم إنهاء كافة الطلبات الخاصة لإزالة الخلافات مع شركة متسوبيشى بحد أقصى يوم الاثنين الماضى، وسيعود الرواس بعدها إلى القاهرة.

**Tayer** · 27-05-2010 02:03 PM

تفتكرو الرواس ممكن ينزل السعر شويه
عشان ينافس و يبيع كتير ؟

**مواطن مصرى** · 27-05-2010 02:10 PM

هيدفع 300 مليون جنيه للشركه الام علشان يحتفظ بالتوكيل و طبعاً هيطلعهم من دم الناس اللى بتشترى عربياته
انا كان نفسى يتسحب منه التوكيل و يروح لاى حد تانى على الأقل كان الثانى اول حاجه عملها انه رخص السعر شويه او سعر قطع الغيار (الرواس بيبيع فانوس اللانسر بألف جنيه و تيل الفرامل بـ 385 جنيه) او على الاقل نزل العربيات بالأوبشنز اللى بتيجى فيها مش الزباله اللى بيستوردها الرواس (تخيلوا عربيه موديل 2010 اوتوماتيك بـأكثر من 100 الف جنيه و بدون كاسيت او جنوط سبور او فرامل abs )
حسبى الله و نعم الوكيل فى كل الوكلاء فى مصر المحروسه ...

**elassar2010** · 27-05-2010 02:33 PM

كدة افضل من ان منصور ياخد التوكيل
واعتقد ان الرواس هيظبط نفسة لانة اتقرص قرصة جامدة

**د.محمود صلاح** · 27-05-2010 05:03 PM

خبر جيد في وجهة نظري ..

**HeRo_LaNCeR** · 29-05-2010 08:12 AM

ليه كده يارتهم كانوا خدوا منوا التوكيل وريحونا منوا
بس انما دفع 300 ميلون يبقي سعر العربية هيكون غالي وبردوا وكالعاده هتنزل العربية فاضيه من غير ولا كاسيت ولا جنوط ولا فرامل abs
ربنا يستر