صباح الفل اية الحل مع الانوس الاتوماتيك
مفيش طريقة حلوة لتحسين تسارع العربية الانوس الاتوماتيك لانها طبعا اقل في التسارع من العادة بكثير
؟
؟
؟
ولكم كل التحيات
عرض للطباعة
صباح الفل اية الحل مع الانوس الاتوماتيك
مفيش طريقة حلوة لتحسين تسارع العربية الانوس الاتوماتيك لانها طبعا اقل في التسارع من العادة بكثير
؟
؟
؟
ولكم كل التحيات
مفيش أمامك غير متابعة برامج الصيانه المعروفه
للحفاظ على نفس مستوى الآداء المصمم عليه السياره
__________________________
ولو حدث أخفاق فى متابعة برامج الصيانه الوقائيه
بالطبع سينخفض آداء السياره بشكل عام
صباح الفل يا سمير باشا طيب معلش اعذرني اية هي برامج الوقاية ؟؟ معلش أسف والله على الازعاج
برامج الصيانه هو الصيانه العاديه اللى تحافظلك على آداء مكونات سيارتك
1- تغيير الفلاتر والزيوت والبوجيهات فى مواعيدها
2- الأعتناء كل فتره بعمل مشوار طويل لكنس أى بواقى كربونيه فى الشكمان
3- الحرق المعتدل على محرك السياره لتفتيح المكنه كل فتره زمنيه من القياده المعتدله
4- الكشف الدورى على دورة الفرامل وتغيير التيل وزيت الفرامل فى مواعدها ( حسب الأحساس بالأخفاق فى الآداء الفرملى )
5- العنايه بضغط نفخ الأطارات وزوايا السياره وعمليات الترصيص
والله يا سمير باشا انا مش عارف من غير نصايحك كنت هعمل اية ربنا يبارك لك وسعد ايامك بكل الخير
عندي سؤال بسيط كده المتور لما ينقط زيت ومش عارف امنعه وودائما ازودة لما ينقص علاطول هل في خطورة ولا لازم ازالة سبب التنقيط فورا ؟؟؟
الله يخليك يا أستاذ : رامى
طيب عرفنا التنقيط منين
وطبعا العلاج مطلوب
وعلى حسب وضع التنقيط ومكانه بنقول لازم فورا
ولا ممكن نتصرف بهدوء
والله يا باشا مهندس / سمير التنقيط من مكان غير معلوم بالنسبة لي وانا خايف اروح للمكانيي يفتحلي فيها فتحة كبيرة بس بالنظر المبدئ كدة بتنقط بين كارتيرة المتور وكارتيرة الفتيس بس المشكلة مش في الكرتيرة عشان انا فكيت الكرتيرة وعلمت لها جوانات وسيليكون تمام ومفيش منها اي تسريب التسريب من اعلى بس المكان مزنوق جداا مش باين اى حاجة
للأسف يا أستاذ : رامىاقتباس:
بس بالنظر المبدئ كدة بتنقط بين كارتيرة المتور وكارتيرة الفتيس بس المشكلة مش في الكرتيرة عشان انا فكيت الكرتيرة وعلمت لها جوانات وسيليكون تمام
التسريب من وصفك جاى فى مكان وحش شويه
ودى منطة أويل سيل الكرنك الخلفيه بين المكنه والفتيس
وعلاجها رخم شويه
وبيتطلب تسقيط الفتيس للوصول للأويل سيل بتاع المكنه بعد حل الفلام ( الحدافه ) من على عمود الكرنك
المحترم جداجداااا سمير بك كلامك رائع واكثر من رائع وصحيح مليون % هذا ما قاله لي واحد ميكانيكي ايضا ان والله ياباشا خبيررررررر
طيب معلش ياريس هل لازم يتعمل العيب ده في اقرب فرصة ولا ممكن استني لما ربنا يفرجها ؟؟؟ يعني هل التنقيط هيزيد أكتر وأكتر ؟؟
الله يخليك
أخى الفاضل
أهم شىء يكون المعدل بسيط ومش مؤثر أوى على مقاس زيت المكنه
لو كان بالشكل ده ممكن تأجل شويه مع المتابعه لمقاس الزيت طبعا
حسيت أن المعدل بدأ يزيد من خلال متابعة مقاس الزيت
يبقى لازم من التدخل الفورى
'طيب معلش سؤال بسيط يا استاذي هو الزيت بينزل من فين هو المفروض الزيت والعربية مبطلة بيكون في الكرتيرة كله ؟؟ هي الكرتيرة بيكون فيها كام لتر وهي واقفه
المكنه بتاخد 3.75 لتر زيت بالفلتر
ولما بتبقى مجرش العربيه
كل الزيت بيبقى راكد فى الكرتير
بس التسريب عندك بيحصل والمكنه شغاله مش واقفه
وبيتجمع فى بيت الفتيس من قدام وبيظهر فى صورة رشح أو تنقيط على
الداير بين الفتيس والمكنه
العربية كانت معايا هي سحبها مش وحش شغال يعني
والله يا سمير باشا مش عارف اقولك اية انبارح رحت عملت الموضوع ده عند واحد ميكيانيكي يقال انه كويس طبعا رحت من الساعة 8 صباحا فكو الماتور كلة برة العربية وعمل الاويسل بتاع الكرنك وركب كل حاجة وحط الماتور وللاسف التنقيط جاب تاني من نفس المكان ولا حول ولا قوة الا بالله فك الماتور تاني مرة وخلص الساعة 2 بالليل ولكن صباحا وجدا الزيت ثالث مرة تحت العربية بس تنيط خفيف جداامش عارف اعمل اية انا كرهت العربية .....
لاحول ولا قوة إلا بالله
والحمد لله ولعله خير
وفداء لشىء آخر
_______________
وكون أنك وقعت فى ميكانيكى شوربه
مش سبب أنك تكره العربيه
كله حيتعدل بإذن الله
بس أبقى شوف زبون بيفهم غير ده
والله مشكور اخي الكريم مهندس / سمير بك على مرورك الدائم ومتابعتك المستمرة لكل الموضوعات
جزاك الله عنا كل خير
أتمنى لك دوم التقدم والرقى في حياتك
الله يخليك
خللى بالك السوق مليان اويل سيلات مضروبة بالعبيط خللى الميكانيكى يركب الاويل سيل و يدور الموتور قبل ما يركب الفتيس عشان يتطمن ان مفيش زيت بيسرب
MMamdouh
الله ينور عليك يأبو يوسف
وخللى بالك من التجربه دى يا أخى : رامى
والتجربه دى متصدرش إلا من الناس اللى فاهمه
التشييك الصح على الشغل قبل تجميع الفتيس على المكنه
وبالنسبة للأويل سيل
هات الأيطالى وأبعد عن الصينى أو التايوانى
لأن سوستة السيل مبتتحملش الضغوط فى السيلات الصينى بالذات مع لف عمود الكرنك أو أى عمود
بشكل عام
وطالما سوستة السيل فتحت شويه
باظ حبك السيل على العمود وبدأ التسريب للخارج
والله انا خايف اطلع المتور لـ ثالث مرة حسبي الله ونعم الوكيل في الناس اللي تتاجر في المغشوش