طريقة تحسين اداء الانوس الاتوماتيك

**ramyraby** · 27-05-2010 01:57 PM

صباح الفل اية الحل مع الانوس الاتوماتيك
مفيش طريقة حلوة لتحسين تسارع العربية الانوس الاتوماتيك لانها طبعا اقل في التسارع من العادة بكثير
؟
؟
؟
ولكم كل التحيات

**samirayad** · 27-05-2010 02:04 PM

مفيش أمامك غير متابعة برامج الصيانه المعروفه

للحفاظ على نفس مستوى الآداء المصمم عليه السياره

__________________________

ولو حدث أخفاق فى متابعة برامج الصيانه الوقائيه

بالطبع سينخفض آداء السياره بشكل عام

**wlelw2003** · 28-05-2010 12:59 PM

المشاركة الأصلية كتبت بواسطة samirayad

مفيش أمامك غير متابعة برامج الصيانه المعروفه

للحفاظ على نفس مستوى الآداء المصمم عليه السياره

__________________________

ولو حدث أخفاق فى متابعة برامج الصيانه الوقائيه

بالطبع سينخفض آداء السياره بشكل عام

+111111111111

**ramyraby** · 29-05-2010 09:23 AM

صباح الفل يا سمير باشا طيب معلش اعذرني اية هي برامج الوقاية ؟؟ معلش أسف والله على الازعاج

**samirayad** · 29-05-2010 02:35 PM

برامج الصيانه هو الصيانه العاديه اللى تحافظلك على آداء مكونات سيارتك

1- تغيير الفلاتر والزيوت والبوجيهات فى مواعيدها

2- الأعتناء كل فتره بعمل مشوار طويل لكنس أى بواقى كربونيه فى الشكمان

3- الحرق المعتدل على محرك السياره لتفتيح المكنه كل فتره زمنيه من القياده المعتدله

4- الكشف الدورى على دورة الفرامل وتغيير التيل وزيت الفرامل فى مواعدها ( حسب الأحساس بالأخفاق فى الآداء الفرملى )

5- العنايه بضغط نفخ الأطارات وزوايا السياره وعمليات الترصيص

**ramyraby** · 29-05-2010 02:40 PM

والله يا سمير باشا انا مش عارف من غير نصايحك كنت هعمل اية ربنا يبارك لك وسعد ايامك بكل الخير

عندي سؤال بسيط كده المتور لما ينقط زيت ومش عارف امنعه وودائما ازودة لما ينقص علاطول هل في خطورة ولا لازم ازالة سبب التنقيط فورا ؟؟؟

**samirayad** · 29-05-2010 04:06 PM

الله يخليك يا أستاذ : رامى

طيب عرفنا التنقيط منين

وطبعا العلاج مطلوب

وعلى حسب وضع التنقيط ومكانه بنقول لازم فورا

ولا ممكن نتصرف بهدوء

**ramyraby** · 30-05-2010 09:47 AM

والله يا باشا مهندس / سمير التنقيط من مكان غير معلوم بالنسبة لي وانا خايف اروح للمكانيي يفتحلي فيها فتحة كبيرة بس بالنظر المبدئ كدة بتنقط بين كارتيرة المتور وكارتيرة الفتيس بس المشكلة مش في الكرتيرة عشان انا فكيت الكرتيرة وعلمت لها جوانات وسيليكون تمام ومفيش منها اي تسريب التسريب من اعلى بس المكان مزنوق جداا مش باين اى حاجة

**samirayad** · 30-05-2010 02:33 PM

بس بالنظر المبدئ كدة بتنقط بين كارتيرة المتور وكارتيرة الفتيس بس المشكلة مش في الكرتيرة عشان انا فكيت الكرتيرة وعلمت لها جوانات وسيليكون تمام

للأسف يا أستاذ : رامى

التسريب من وصفك جاى فى مكان وحش شويه

ودى منطة أويل سيل الكرنك الخلفيه بين المكنه والفتيس

وعلاجها رخم شويه

وبيتطلب تسقيط الفتيس للوصول للأويل سيل بتاع المكنه بعد حل الفلام ( الحدافه ) من على عمود الكرنك

**ramyraby** · 31-05-2010 09:11 AM

المحترم جداجداااا سمير بك كلامك رائع واكثر من رائع وصحيح مليون % هذا ما قاله لي واحد ميكانيكي ايضا ان والله ياباشا خبيررررررر
طيب معلش ياريس هل لازم يتعمل العيب ده في اقرب فرصة ولا ممكن استني لما ربنا يفرجها ؟؟؟ يعني هل التنقيط هيزيد أكتر وأكتر ؟؟

الموضوع: طريقة تحسين اداء الانوس الاتوماتيك

LinkBack

أدوات الموضوع

عرض

طريقة تحسين اداء الانوس الاتوماتيك - انشر الموضوع فى :

-

-

-

-

المواضيع المتشابهه

تحسين اداء التكييف

تحسين اداء الفرامل

تحسين اداء العفشه و المساعدين

استفسارات:تحسين اداء 128 ؟

تحسين اداء عفشة النوبيرا

الكلمات الدلالية لهذا الموضوع

المفضلات

المفضلات

ضوابط المشاركة