إيه يخلي الباب مش راضي يفتح.

**رزق** · 27-05-2010 09:53 PM

كنت راجع من الجامعة وكله زي الفل وركنت..إني أعرف أنزل..معرفتش. الباب مصمم ميفتحش عن 10 سنتي.
نزلت من الباب التاني وبصيت عليه منظره سليم بس لما اجرب افتحه الايه بيزق في الرفرف لغاية ماعافرت معاه وقام مدخل الرفرف لجوة بس برده مش رادي يفتح.

المشكلة إني مفتكرش خالص إني خبط فحاجة وانا مروح.

حد عنده فكرة ده جه منين ولا إيه اللي ممكن يتعمل فيه بنفسي من غير موديه للسمكري؟

لو بصيت عليه من الجنب بلاقي الباب أعلى من الرفرف بحوالي 5 سنتي..بارز يعني.

**wlelw2003** · 27-05-2010 10:01 PM

السلام عليكم ورحمة الله وبركاته
الموضوع دة حصل معايا قبل كده المشكلة ان اكيد في حد ركن على العربية و هي واقفة فدخال الرفرف شوية و دة بيخلى الباب يحك في الرفرف و يمنع فتح الباب
الحل اما بمفك عاده تحاول بالراحة انك تردة شوية لبره
او من تفك الكارتيرة بتاه العجل و بقبضة ايدك تديها كام خبطه من جوه لبره لحد لما تتظبط

**samirayad** · 27-05-2010 10:04 PM

راجع على مسامير مفصلات تركيب الباب على القايم

جايز تكون محلوله ومهويه وناطره الباب لبره

طالما أنت متأكد أن مفيش حد

ريح على الرفرف

**dr.hany** · 28-05-2010 12:05 AM

المشاركة الأصلية كتبت بواسطة wlelw2003

السلام عليكم ورحمة الله وبركاته
الموضوع دة حصل معايا قبل كده المشكلة ان اكيد في حد ركن على العربية و هي واقفة فدخال الرفرف شوية و دة بيخلى الباب يحك في الرفرف و يمنع فتح الباب
الحل اما بمفك عاده تحاول بالراحة انك تردة شوية لبره
او من تفك الكارتيرة بتاه العجل و بقبضة ايدك تديها كام خبطه من جوه لبره لحد لما تتظبط

فعلا...ده اكيد بسبب تحميل جامد على الرفرف

**رزق** · 28-05-2010 03:45 AM

ألف شكر ل ردودكم.
تقريبا والله أعلم, أنا اللي عملت كده ,عشان نزلت ابوص عليها تاني افتكرت إني كنت بركن قبلها بشوية والرفرف خبط في عامود حديد من بتوع السلاسل دول بس أنا كنت فاكرها حكة بس, لغاية مربط الموضوعين ببعض.

يبقى كده الرفرف اضغط شوية قام قافل عالباب.

بما إني مليش في فك الكارتيرة الظاهر يبقى مفيش غير إني انخور في الباب بالمفك.
ادعولي

**kasten** · 28-05-2010 05:44 AM

ربنا معاك يا كبير وبإذن الله خفيفه

**batviser** · 28-05-2010 09:03 AM

مش هتنخور فى الباب ....
عارف المسافه الى بين الرفرف و الباب ؟؟
افتح الباب سنه و شوفه بيرد فين فى الرفرف ... و هتحط المفك فى الحته دى و تزق يد المفك ناحية الباب و بوزه ناحية الرفرف عشان ترفع الرفرف لبره شويه و اول متقدر تفتح الباب امسك شفة الرفرف الى بينه و بين الباب بيديك الاتنين و اتشعلق فيها لبره شويه عشان ترده لبره كمان متخفش اتشعلق جامد الرفرف ماسك جامد اوى و عضمه ناشف و حاول تقلل استخدام المفك على قد متقدر عشان بيبوظ البويه و بيقشرها ...