الف مبروك وربنا يباركلك فيها
عرض للطباعة
الف مبروك وربنا يباركلك فيها
الحمد الله
وبعديها
الف مبروك يا ابوليلي
اعتقد ان ربنا اداللك على قد نيتك الطيبه
بصراحه الموضوع شدنى ومجهود الناس فى المركز وخارجه كلله الله بالنجاح
يا لا اركب عربييتك واتبسط ومتنساش تعمل حاجه لله
اعتقد موضوع الضمان للخليجى بقى مهم
مبروك يا باشا و ربنا يحافظلك عليها
و خليها بلاش تهزر الهزار التقيل ده تاني
ربنا يستر طريقك
ألف مبروك يا باشا
بس هو حضرتك كنت بتقول شعر في سحب العربيه وكل ده وكانت مشيه على نقله واحده هههههه
الف الحمد لله على السلامة
ومبروك الاصلاح وربنا مايعودهاش
واكيد الصدقات لها مردود خاص عند الله
ولصالح العبد - ربنا يجعلك ويجعلنا
من المتصدقين
اخوك - Sam_Y
ألف مبروك ! حمدلله عل سلامة يا رجل.. ربنا كريم الحمد لله و إن شاء الله متتكررش تاني
إن الله لا يضيع أجر من أحسن عملا ... الف مبروك يا ابو ليلي .. انتو تعبتو وربنا اكيد ماحبش يضيع تعبكو .. ربنا يباركلك فيها
الف الف مبروك على التصليح العجيب دة
ألف مبروك وربنا يكفيك شرها
الف مبروك ولازم تطلع حاجه لله عشان ربنا يستر طريقك هههههههه ان شاء الله
الله يبارك فيكم يا احلى ناس فى اكبر منتدى وروحو ربنا يستر طريقكم وانا عملت اللى يقدرنى عليه ربنا .:vctry:
بس لسه محتاج اعرف رأيكم فى مركز الصيانة واللى عاملة معايا ؟؟؟؟؟؟؟
الف مبروك و الله فرحتلك جدا
ربنا يباركلك فيها
طبعامركز محترم جدا وقف معهاك نزل الناس يوم اجازتهم
مركز ممتاز + وبجواره ورش خراطة + وعنده قطع غيار اصلية + شغلة في الهيونداى بنت عم كيا + جنبه مهندسين في الكنترول ....... يبقي ميه ميه + ال عملوه معاك ده لا التوكيل ولا غيره كانوا حيعمله ده معاك + السماح بخرط طنابير ال د. احمد سامي ......واعادة التركيب ده حاجة ممتازة .
المركز من حكاوى الناس ماشاء الله ممتاز
طمنا على العربية لحد دلوقتى ماشية تمام ولا ايه الاخبار
ربنا يباركلك فيها ويستر طريقنا جميعا
الحمد لله على كل شيء
والله يا ابو ليلى قطعت قلبى وانفعلت وقشعرت ودمعت كمان عشان طريقة سردك للقصة مؤثرة جدا لكن ف النهاية نقول الحمد لله بس ف سؤال بعد الملحمة المؤثرة دى والموقف الصعب ال ربنا اختبرك فيه
لو رجع بيك الزمن هجيب خليجى بردو ولا كنت هتفكر ف الوكيل؟
حضرتك مش بتفكر تكتب قصص ؟؟ صدقنى أنت موهوووووب جدا وشديت الناس كلها بأسلوبك ده :Ta_clap[1]:
فكرتنى بأيام الأفيو 2009 أيلى كانت معايا كنت حاسس زيك كده بالضبط
دوخت من كتر اللف على التوكيلات
منصور الصحراوى ومدينة نصر و العوض ومقار ومحدش عارف يحل مشكلة الأر بى ام !!!!
لدرجة أنى شكيت فى نفسى !! عربية زيرو ودوخت عشان أجيبها كورى وفى الأخر عيب صناعة !!!
حسيت أن فلوسى حرااااام ونفسيتى كانت تعبانه جدا
المهم حمد لله على سلامة العربية :satelite:
انا كنت حقع عللى الارض من الضحك لما قولت انا السيراتو بس كنت بهزر معاك الحمدلله على كل حاجه وربنا يستر طريقك ان شاء الله
المركز اتعامل مع الموضوع بكل امانة مع العلم انه من البداية كان عارف اصل المشكلة بس ماشى زىما بيقول الكتاب بالظبط ( على فكرة فى كتاب ضخم جدا كان مع المهندس احمد وكان واصف المشكلة وطريقه حلها بالظبط وجميع خطوتها )
الحمد لله العربية لحد دلوقتى ماشية تمام وفى فرق كبير عن الاول
ربنا يخليك يا استاذ / تامر والحمد لله ان الموضوع افاد ناس كتير
سؤال سالته لنفسى كتير وقت المشكلة وكانت الاجابة كالاتى :
منذ اللحظة الاولى لفكرة شراء العربية اتجهت للتوكيل لمدة اسبوعين وذهبت لاكتر من موزع ( القصراوى - ياسين ) ولكن للاسف الموجود الوان غريبة (ازرق - نحاسى ) مع الانتظار لفترة حوالى 3اسابيع او شهر بنفس سعر الوكيل الرسمى ولايوجد زيادة .
لك ان تتخيل انى كنت متوجه بالفعل بجميع اوراقى الى الفرع ولكن لتقصير من الموظف وعدم المتابعه والاحساس بعدم الاهتمام غيرو اتجاهى الى الخليجى . لا كان يفرق معى فرق السعر ولا الامكانيات ولكن السرعه هى التى كانت تفرق .
عندما اهاجم التوكيل فى مواضيعى فليس الا لسبب واحد فقط
انت من جعلتنى اتوجه الى الخليجى
الاجابة على السؤال : التوكيل .... التوكيل .... التوكيل
ياااااااااااااااااه :)))))))))))))
الف مبروووووووووووك يا أبو ليلى
الحمدلله ان المشكلة اتحلت والعربية بقت تمام التمام :))
وزى مقولتلك أكيد الحل جه بعد إعادة التكويد
المهم يابطل عيش واستمتع بالعربية وسمعنى أشعارك الحقيقية بقه مش أشعار النقلة الواحدة هههههههههههههههههههه
وبجد الموضوع جمييل وجداا وطريقتك روعة
وربنا يستر طريقك وطريقنا كلنا ويحميلك السيلاتو :)))
الف مبروك على (النيو)سيراتو
مبرووووووووووووووك
ربما يبارك لك في عربيتك
و يفظك و يحفظك من كل سوء
الف مبروك يا باشا, وربنا يعوض عليك التعب و البهدلة بالخير, بس على فكرة و عن تجربة بجد الصدقات لها مفعول السحر, صحيح المهندسين اللى مع حضرتك عملوا اللى عليهم , بس فضل الصدقة عظيم بجد
الف مبروك على حل المشكلة الله كان فى عونك وقفة الصنايعية والبحث عن حل لعطل غريب فى عربيتك يخلى الواحد على اعصابه وممكن ينهار
الف مبروك مرة تانيه
دخلت عليا وانا لوحدى ست كبيرة ومعاه بخور والمكان بقى كله دخان رحت خارج بره وهى خارجه حطيت ايدى فى جيبى واخدت اللى فى النصيب
هذا هو السبب الحسنة التى اخرجتها لوجه الله وليس دعاء من اخذت الحسنة وكما قال رسول الله صلى الله عليه وسلم
(وداوا مرضاكم بالصدقة )
الف مبروك والله يبعد عنك كل سوء
واضح أن normal اللون المفضل ليه الازرق حتى فى مشاركاتة مختار اللون الازرق وبعدين ملحوقة يا بشمهندس مكان السيارة (2) فى عنوانك فاضى ربنا يديك وتجيب الزرقاء انشاء الله
صديقى أبو ليلى كنت متوقع الرد لان معتقدش حد هيلاقى سيارة الوكيل متوفرة فى الوقت ال هو عاوزة وهيروح للخليجى (قليلون) وهو دا ال مقلقنى لانى ناوى اشترى انشاء الله ف شهر 7 فى معاد الاجازة وخايف انزل اتصدم بفيلم الوكيل واستغلال الموزعين بالرغم انى اتصلت باكتر من موزع عن طريق اصحابى ف مصر وطمنونى انه انشاء الله على معاد نزولى هتكون العربية متوفرة ............... نقول يا رب
ومرة تانية مبروك على سلامة العروسة وربنا يجعلها أخر الاعطال
ههههههههه
روح يابنى ربنا يسترك طريقك وطريقنا
حمداً لله على السلامه يا باشا ... وقدر ولطف
يلا مبروك عليك العربيه وربنا يكفيك أى شر مستخبى
انا فعلا فكرت فى كدا بس ناس خوفونى من إن وقتها التسليم ممكن يتأخر وساعتها هطلب فلوسى وبردوا ممكن يماطلوا اسبوع ف التانى على بال ما يرجعوها وانا الفلوس عل قد العربية يعنى ما ينفعش استغنى عن مبلغ الحجز ال سمعت انه 20000جند وبكدا الاجازة تروح عليا فى مشاكل
لكن انا وجهة نظرى ان فلوسى ف جيبى وساعت مانزل استلم فورى من الوكيل أو من معرض والخيار الاخير للخليجى خاصة بعد ما شباب المنتدى حلوا مشكله الضمان والصيانة
ولا رايك ايه يا هندسة منكم نستفيد
ألف مبرووك ... وربنا يحفظهالك
وتحية كبيرة لمركز تكنو وان والمهندسين اللي هناك على مجهودهم ووقفتهم جنبك
واللة مقدر شعورك وحطيت نفسى مكانك
قول الحمد للة و اكثر من الصدقة
روح يابنى ربنا يســـــــــــــــتر طريقك
أنا لو مكانك صراحة كان جالى إنهيار عصبى عضلى لولبى خزعبلى
شكرا لنقلك التجربة وشكرا لمركز تكنو وان والمهندس أحمد الشحات وشكرا لاعضاء المنتدى اللى وقفوا جنبك فكرتونى بفيلم الطريق الى ايلات ( يا ريتنى كنت معاهم يا ريتنى كنت معاهم) :C_laugh[1]: