أخيرا الستاير الكبس بتاعة الجين 2 لقيتها بعد لف وبحث كتيييير ..... جبتها من المحل اللي قال عليه أ/ مدحت سكيك في الموضوع ده
http://www.nilemotors.net/Nile/147099-2.html

وده نص مشاركته

اقتباس المشاركة الأصلية كتبت بواسطة medhat_skaik مشاهدة المشاركة
معلش يا جماعة على التأخير في الرد

أنا فعلاً زي ماقال الأستاذ محمود صديق عملت الستاير الكبس لعربيتي ال جين 2

هو طقم كامل 7 قطع (الإزاز الخلفي + 2 للشراعتين + 2 للشباكين الخلفي + 2 للشباكين الأمامي)

المحل في شارع مصطفى النحاس بعد مطعم أبو مازن وانت جاي من شارع الطيران إسمه SPIDER التكلفة كانت 160 جنيه

والموضوع سهل إنت يس تقوله نوع العربية وتدفع عربون وبعدها ب 3 أو 4 ايام تيجي تستلمهم (هو عنده 3 أنواع للستاير تقيلة أعتقد 3 طبقات والمتوسطة طبقتين والخفيفة طبقة) فرق السعر بينهم مش كتير يعني تقريباً من 20 ل 30 جنيه للطقم كله)
ومش لازم تجيب الطقم كله ممكن أي جزء أنت محتاجه

أنا اللي جيبتاها النوع المتوسط بس للأسف ما بستخدمش الستارة الخلفية لأني مش بشوف منها خاصة بالليل بس بستعمل بتوع الشبابيك الخلفية وبرضوه ما إستعملتش بتوع الشبابيك اللي قدام

هما عمليين لسهولة الفك والتركيب ومش محتاج أي مشبك أو مسند ليهم يعني مش حتلعب في العربية أبداً

بالنسبة للمرور أنا عشان مش بركبهم غير في طرق السفر في مفيش غير مرة واحدة لجنة في طريق القاهرة دهب قالولي إبقى إثبت الستاير في الرخصة عشان ماتخدش مخالفة بس أداني الرخص وماأخدش فلوس ولا حاجة (إحتمال عشان كانت العائلة معايا )

وأرجو أن أكون قد أفدتكم
تحياتي

المهم رحت المحل وحجزتهم وإستلمتها بعد 5 أيام ......


أنا طلبت منه يعملها خفيفة طبقة واحدة فقط بس الراجل قالي ما ينفعش لازم على الأقل تبقى طبقتين علشان تبقى مشدودة كويس (( كلام هجص ... مافيش حاجة إسمها ما تنفعش والصنايعي اللي يقولك ما ينفعش تتعمل معناها ( ما أعرفش أعملها) علشان عمرك ما تلاقي صنايعي يقول ما أعرفش لكن حيقول ما ينفعش))

قولتله خلاص إعملها طبقتين .....
ولما ركبتها وهي طبقتين لقيتني مش شايف حاجة خالص و الدنيا بقت ضلمه ( مين اللي طفى النور )...

روحت البيت وفكيت الستاير و شيلت منها طبقة من الطبقتين ( النور رجع يا جدعااااااان)

الستاير خلت شكل الإزاز زي ما تكون مفيم أفتح درجة ..... يعني كاسر الشمس من غير ما يحجب الرؤية علشان حبايبنا بتوع المرور ( اللهم إبعد مقتك وغضبك عنا يا رب )

الراجل عنده :

  1. طقم كامل ( 4 أبواب + المثلثين الخلفيين + البرابريز الخلفي ) = 140 جنيه
  2. طقم خلفي ( 2 باب خلفي + المثلثين الخلفيين + البرابريز الخلفي ) = 90 جنيه ..... وده اللي أنا إشتريته ....
  3. البرابريز الخلفي فقط = 50 جنيه


نيجي بقى للمهم .... أنا وصلت مع الراجل لإتفاق إني آخد منه ستائر بالسعر التجاري مش بسعر المستهلك بشرط عمل طلبية لا تقل عن 20 ستارة .....


اللي عايز ستارة يقوللي ولما نجمع عشرين ستارة أروح أعمل الطلبية


برجاء من اللي عايز ستارة يملأ الإستمارة دي


[gdwl]
  • الإسم .................................................. ......:
  • رقم التليفون.................................. .................:
  • نوع السيارة.................................... ...............:
  • نوع الطقم المطلوب ( طقم كامل - طقم خلفي - برابريز خلفي )....:
  • درجة شفافية الطقم ( طبقة واحدة - طبقتين - 3 طبقات ).........:
  • عدد الأطقم المطلوبة.................................. .........: .

[/gdwl]



أسيبكم مع صور الستاير :
============================


============================


============================


============================


============================


تحياتي ...... عبدالرحمن