الموضوع: علاج نعومة فرامل اليد

السلام عليكم

عند معظمنا مشكلة نعومة فرامل اليد بمعنى أنك لما بترفعها وأول ما تسيبها بتقوم سقطة تاني(بيكون صوت التكتكة بتاعت الفرامل نعم زيادة عن الازم أو أختفى تماما)ا

تعالوا الأول نتعرف على منظومة فرامل اليد هي عبارة عن سلكين كل واحد جاي من عند عجلة خلفية يمين وشمال والسلك دا شادد الدشمة اللي عليها الفرامل الخلفية يمين وشمال

الويرين دول متجمعين على حتة حديد ذي لقمة كدا( مكانها أودام الكنبة الخافية تحت أخر الكونسول اللي بين الكرسيين الأمامين) اللقمة دي مجمعة من الخلف الويرين اللي جايين من ورا ومن منتصفها أودام طالع وير واحد لذراع الفرامل اللي جانب السواق

ذراع الفرامل عبارة عن الأتي هي ذراع مستقل بذاته على شاسية منثبت بمسمارين في عصب العربية(الحتة اللي عالية بين الكرسين الأمامين ومعدي تحت الكنبة الخلفية) الذراع بيكون من اليد اللي في يد السواق هوا نفسوا اللي مربوط في حتة وير واصلة من اللقمة اللي كلمنا عليها لليد بتاعت الفرامل (الوير دا رابط بين اللقمة اللي ورا معدة على بكرة مجوفة كدا فاليد ومربوط بعد كدا فاليد نفسها بتيش وصامولة أمان) في نفس الذراع في الزرار الي بندوس عليها لما بنيجي نزل فرامل اليد دا لو شغالة وموجود في أساس الشاسية بتاع فرامل اليد ربع دائرة مسننة دي الجزء التاني من التكتكتة بتاعت شد الفرامل

نتعرف أخيرا على الزرار (عبارة عن الزرار اللي فاليد متصل ببار وسوستة وظيفة البار دا في أخرة حتة بنز صغير على شكل مثلث وهوا دا اللي واجع قلبنا أما وظيفة السوستة هي عدم رجوع البنز من مكانة)

الهدف من القصة كله هوا تظبيط الفرامل أنها متنزلش تاني أما تتشد ودا هيحصل لما نسن اللقمة (البنز المثلث) بحيث أنوا أما يتشد و نسيبوا يزنق في أول سنة يقابلها من الربع دايرة المسننة(محدش يلعب فسنون الربع دائرة لأنها متضصنعة من حديد درجة صلابتة عالية بحيث أنوا صعب التأكل مش ذي البنز المثلث من مادة درجة صلابتها أقل تتأكل أسرع)

نبتدي الشغل اللي بجد بقا

العدة اللي مطلوبة مفك صليبة وذراع بيبة أو سيستيم 12 ومفك عدل

الخطوات

نشيل جراب فرامل اليد والفتيس ورأس الفتيس

الأول بمفك رفيع عدل نيجي جنب مجموعة كنترول الأزاز(موديلات 2006/2007/2008)ونحاول نطلعها واحدة واحدة علشان بيكون في ذي ضفرين ذانقيين الوحدة فالكونسول لما تتطلع معاك فك السوكت بتاعها من وراها وداخلوا تاني مكانوا ونفس الخطوات اللي أعملت فكنترول الأزاز تتعمل في ذرار المريات كدا خلص القلق الكبير منهم هنلاقي مسمار صليبة فالبيت بتاع ذرار المريات دا واحد من أربع مسامي رابطين الكونسول

هنطلع الكرسين لقدام على أد ما نقدر ونكفي الضهر عل أودام باردوا لأن الشغل اللي جاي من الكنبة اللي ورا

هتلاقي مسمارين صليبة يمين وشمال الكونسول جنب مجرى الكرسين الأمامين فكهم وهتلاقي رابع وأخر مسمار ماسك الكونسول جوا مخزن مخدع اليد وكدا خلاص الكونسول أتفك أرفعوا من ورا ومن أودام سنة بسيطة وتعالى عند مخرج الباور من اليمين هتلاقي سوكتين بيغذوا المخرج شيلهم(شدهم لتحت) وكدا خلص شيل الكونسول خالص (طبعا قلبك هيوجعك من المنظر ضفيرة كهربا وسلك الفرامل وكنترول الوسائد الهوائية وكنترول الأزاز الدنيا معجونة)

هنجيب المفتاح البيبة الـ 12 ونلاقي يمين فرامل اليد تحت الفرش أودام وشمال الفرامل ورا المسمارين الـ 12 المسدسين اللي مسكين شاسية الفرامل فالعربية هنفكهم وهتلاقي الفرامل طلعت في أيدك بس ممسوكة بالوير

نركز شوية لان كدا هنفك السلك اللي راجل بيقعد يرجلش منوا الفرامل فأودامك حل من أتنين

الأول:- بمسطرة ونقيس طول البنز اللي ظاهر أد أية من أي دليل تاخدوا فوق الصامولة تحت الصامولة براحتك وتكتبوا على جنب

التاني:- يأما الصامولة اللي ماسكة التيش اليي في أخر الوير في اليد تعدها لفت كام لفة علشان تتفك (أنا عملت الأول)

وبعد كدا نبدا نفك الصاموالة اللي أتكلمنا عليها هنلاحظ أنها بتتفك بمفتاح 8 لكن ربطها ممكن بأيدك لأن ليهل ذي بيت ذنق كدا على ضلوع الصامولة ذنقها (عنصر أمان علشان متتفكش من ذنة العربية أو لوحدها لازم عدة تفكها) المهم أما تفكها أركنها على جنب هي و بيت الذنق بتاعها وهتالق الوير لسا جوا اليد معدي على بكرة

البكرة دي في فنصها ضفر كدا قافل على مجرى السلك جواها علشان ميفقدش دليل المسار جوا البكرة هنفكوا بمفك عدل تقيلل و تسحب الوير من جوا اليد هيطلع معاك

ناخد الفرامل ونروح لاي سمكري متخلهوش يفك أي حاجة من اليد (اليد أي نعم فيها وصلات كتير كتركيب لكن كلها برشام ميطيرش منهم أي برشام لأن كدا غلط) هتلاقي البنز المثلث وربع الدايرة المسننة هتخلية يذودلك البنز المثلث لحام و يجلخوا بالصاروخ علشان يرج تاني ذي الأول يذنق في ألأول سنة يقابلها وممكن تجربها وهي في أيدك

هناخدها وترجع للعربية ونجيب الخطوات اللي عملنها فالفك بالعكس تماما مع مراعة طول البنز اللي كنا سجلنا قبل كدا علشان شدة

الفرامل ودي شوية صور يمكن تفيدكوا

على فكرة وقت تنفيذ الموضوع أقل بكتير من الوقت اللي كتبتوا فية والتكلفة الأجمالية 10 جنية مع مراضة صبي السمكري بدل ما كنت كل أما أروح لحد يقولي غيرها وسألت عليها لقيتها بـ 600 جنية أنا عارف أنها تقعدلها سنة ونص سنتين وأعيد الموضوع تاني بس حتى لو وفرت 600 جنية