الموضوع: الأفيو المفترى عليها

المشاركة الأصلية كتبت بواسطة أبـو آســـــر

يا باشا ما الاوبل الي بـ 195000 من عند منصور كانت عندنا و بعناها لعيوب الصناعة عاملة 40000 كم بخسارة 75000 جنيه
ما هي الماني بردو
منصور لما بيمسك عربية بيموتها

على فكرة اعلانها في قسم البيع لو عايز تتأكد

و بعدين انت شايف ان علشان نفيد بعض لازم نهلل و نصقف و نغطي العيوب و تسميها افدة ازاي يعني
ياريت تراجع معنى الافادة في اي قاموس
علشان نفيد بعض نقول الواقع و التجارب الفعلية بكل حيادية ده الي يفيد
لكن مش نهلل على الفاضي و ندبس اعضاء في عربيات ما تستهلش فلوسها و نقول بنفيدهم
طيب ايه وجه الافادة لما انا انكر ان العربية فيها مشاكل عامة و غير فردية ( الي عربيته سليمة هو الي حالة فردية )
يبقى انا فدت الاعضاء بأيه لما اخبي الحقيقة
ياريت نركز في الكلام قبل ما نرد
محدش هيروح يدفع 73000 جنيه او 195000 جنيه في عربية علشان يقعد يشتم فيها معتقدش ان في عقل يقول كدة
بلاش بقى نتهم بعض بأتهامات مالهاش لازمة
و اقتراحك ببيع العربية و اروح اشتري باسات ازاي يعني لو قدامك باسات لـ 73000 انا شاري او ممكن ازود شوية لحد 80000 و اجيب مرسيدس لو قدامك بردو مش عارف انت وجهة نظرك ايه من الاقتراح ده واضح انك مش عارف اسعار الباسات و الجيتا و المرسيدس
و بعدين هو انت بتتكلم عن موبايل دي مهما كانت افيو بيطلق عليها لقب عربية للأسف

+99999999999999

المشاركة الأصلية كتبت بواسطة mmtronic

بص يا استاذ باسم

مع احترامى ليك و لاسلوبك - بس خلينا نتكلم بالعقل

1- الناس دى كلها مش معقول تكون كلها بتلفق كلام و تتبلى على العربية دى و توكيلها كدة و خلاص و انا منهم و على فكرة اعرف يوكو و اعرف ابو اسر من المنتدى

2- مش عيب ان الواحد ينبة غيرة على مشكلة وقع فيها علشان غيرة ميتخمش و يلبس و يعانى من نفس المشكلة - دا حتى يا اخى علشان ربنا يكرمك و يوقفلك ولاد الحلال دايما فى طريقك - طالما بتراعى اخوانك و تخاف عليهم

3- مش معنى ان سيارتك سليمة - الله يباركلك فيها - انك تكدب كل الناس دى وتفتكر انك اللى صح

4- لو راجعت مشاركاتى الاولى حتلاقينى كنت زيك كدة بتدايق كل ما اقراء كلام الناس عن الافيو لانى كنت ليسة جايبها جديد و فرحان بيها و لكن بعد حوالى 10000 ابتدى المستخبى يطلع و مع العلم انى بحسس على عربيتى و بعاملها باحترام زائد كانها فرد من الاسرة كمان

5- حديك مثال صغير - قد اية بيدخنو سجاير - كتير صح ؟
قد اية بيموت منها - كتير صح ؟
قد اية بيعيش سليم لحد ما يموت موتة ربة - عدد لا باس بية
يبقى نقول اهه السجاير مبتقتلش كل الناس - يبقى السجاير حلوة و احنا بنفترى عليها ؟

على فكرة انا مدخن ؟ :e_braces[1] :

شكرا يا باشا على ردك الهادئ العقلانى .. ولكن سارد على النقطة 1& 3& 5 فقط

1- انا ما قلتش ان الناس دى بتلفق كلام وتتبلى على العربية، وبالنسبة للتوكيل هو خسارة يتقال عليه توكيل وانا قلت قبل كده انى خرجت العربية من الضمان بعد صيانة 25000 بسبب المدعو توكيل منصور

3- انا ما كدبتش حد ولكن لدى حالة استعملها يوميا وعامل بيها 51000 كيلو ولكن الاستاذ ابو اسر لم يقتنع بهذا وبدأ فى اسلوب سخرية غير جيد على الاطلاق

5- الافيو غير السجاير والا نسميها افيوبورو هههههههههههه.. وشكرا مرة اخرى وادعو كل من يريد ان يرى سيارتى التى من الواضح ان مفيش زيها ان نتقابل فى اقرب فرصة اى يوم جمعة

المشاركة الأصلية كتبت بواسطة yoko

نصيحة أخوية بلاش!!!

ليه بس يا عم كريم

المشاركة الأصلية كتبت بواسطة yoko

وكمان كريم أنا كده هزعل
وبقولك كده عشان لو عايز عربيتك تفضل سليمة وميظهرش فيها عيوب


أحمد النكلاوي

يا عم ربنا ما يجيب زعل وبعدين مين قالك انى هخلى حد يركبها اخره يركب جنبى.. ههههههههههههه

المشاركة الأصلية كتبت بواسطة yoko

مش قصدي كده أنا بتكلم متضمنش العين أصلي إتلسعت كتير بس كلهم من بره المنتدى الحمد لله

والله عندك حق