الموضوع: الأفيو المفترى عليها

المشاركة الأصلية كتبت بواسطة khaled ayman

فعلا لم يعجبنى ..
لان لما الاقى مفيش غير حضرتك بتشكر فى العربيه !!
و اكتر من 80% من الى معاهم بيشتكو منها ..
يبقى نقدر نقول على العربيات السليمه ..حالات فرديه
و العربيات "الخربانه" حالات عاديه و عامه ..
و لما الاقى حد عاوز يجيب افيو ..
احذره مره و اتنين و تلاته و عشره ..
حتى لا يقع فى "الفخ"

مين اللى قال ان مفيش غيرى بيشكر فى العربيه ؟؟!! واضح انك بتقرا اللى على مزاجك بس، لان فيه كتير غيرى قالوا انها بدون مشاكل تقريبا .. كما انه واضح انك تهاجم وخلاص لان الموضوع اللى انت عامله بتاع الاستطلاع 50% ممن شاركوا وقالوا ان بها مشاكل كانت مشكلتهم تزييق بالعفشة ودى حلها بسيط "اما تربيط او جلب مقص او ميزان" ودى حاجة معرض انها تحصل لاى عربية والعيب ده عيب توكيل وطبعا للاسف اعتبر ان مفيش توكيل ده نصاب.. وافضل حل للتعامل معه البعد عنه وعن صياناته وبابا غنوجه وسلاطاته، لانك لن تستطيع ادانته لانه مسنود من رأس الدولة هو والمغربى ، وادق دليل على ذلك ما اصدره من الغاء لاتفاق البيع الاهبل الذى تم بين بالم هيلز المملوكة لمنصور والمغربى بدلا من فتح تحقيق قد يطيح بالمغربى خارج العزبة.
وبعدين ايه اللى مضايقك من ان فيه ناس عربياتها مافيهاش مشاكل.. يا سيدى حذر من تريد بأى شكل ولكن لا تحجر على ارائنا

[quote=أبـو آســـــر
الأستاذ باسم أختار بدون مشاكل
مع انه قال ان الار بي ام بيعلق معاه و انه بطل يقرص بالعربية علشان ما يعلقش تاني
مش عارف هو مش معتبر ده عيب و لا ايه
لمعلومات حضرتك ده عيب في بوابة الـ tps[/quote]

يا بيه اقر كلامى صح مش على مزاجك .. انا مقلتش الاربى ام بيعلق معايا انا قلت انى لما قرصت على العربية لقيته علق فبطلت اقرص على العربية.
والحمد لله ما علقش معايا بعد كده

المشاركة الأصلية كتبت بواسطة basm

مين اللى قال ان مفيش غيرى بيشكر فى العربيه ؟؟!! واضح انك بتقرا اللى على مزاجك بس، لان فيه كتير غيرى قالوا انها بدون مشاكل تقريبا .. كما انه واضح انك تهاجم وخلاص لان الموضوع اللى انت عامله بتاع الاستطلاع 50% ممن شاركوا وقالوا ان بها مشاكل كانت مشكلتهم تزييق بالعفشة ودى حلها بسيط "اما تربيط او جلب مقص او ميزان" ودى حاجة معرض انها تحصل لاى عربية والعيب ده عيب توكيل وطبعا للاسف اعتبر ان مفيش توكيل ده نصاب.. وافضل حل للتعامل معه البعد عنه وعن صياناته وبابا غنوجه وسلاطاته، لانك لن تستطيع ادانته لانه مسنود من رأس الدولة هو والمغربى ، وادق دليل على ذلك ما اصدره من الغاء لاتفاق البيع الاهبل الذى تم بين بالم هيلز المملوكة لمنصور والمغربى بدلا من فتح تحقيق قد يطيح بالمغربى خارج العزبة.
وبعدين ايه اللى مضايقك من ان فيه ناس عربياتها مافيهاش مشاكل.. يا سيدى حذر من تريد بأى شكل ولكن لا تحجر على ارائنا

حضرتك انا وضحت ان نسبه كبيره جدا بتشتكى ..
يبقى عربيتك
دى حاله فرديه ...

المشاركة الأصلية كتبت بواسطة أبـو آســـــر

أسلوبك في الكلام عجيب شوية ( اصل كلمة بيه اتلغت من فترة )
بس ما علينا
ممكن حضرتك تشرحلنا العبارة دي بالتفصيل اصل انا لما روحت هناك لقيت نفسي رجعت بسرعة هناك بردو

( انا مقلتش الاربى ام بيعلق معايا انا قلت انى لما قرصت على العربية لقيته علق فبطلت اقرص على العربية. )
ياريت شرح تفصيلي بعد أذنك

والله ماكنت اعرف انه اتلغى .. عموما علمونا فى اعدادي وثانوى ان المضارع يفيد الاستمرار ، وكلمة بيعلق معناها كده انه استمر كتير فى التعليق وده ماحصلش معايا .. لكن اللى حصل معايا مرة يتيمة قرصت على العربية وكانت الدنيا زحمة جدا فاضطريت اعمل غرز واسوق سواقة ميكروباصات فلقيت الار بى ام علق عند 1500 لفة وراسه والف جزمة ما ينزل .. المهم كملت مشوارى وبعدها رجعت للسواقة المعتادة .. الكلام ده على فكرة بقاله اكتر من 8 ،9 شهور وما حلصش معايا من ساعتها والحمد لله.
وعموما نصيحة لله حافظ على عربيتك تديك وتريحك .. افحتها هتقرفك .. وابعد تماما عن المدعو مهزوم .. وشكرا لك ولكل من شارك
عزيزى ابو اسر & ويوكو نصيحتكم وصلت لنا جميعا .. ولكن ارجوكم لا تحجروا علينا .. الله تعالى قال لرسوله الكريم "ص" : "لست عليهم بمسيطر" صدق الله العظيم

المشاركة الأصلية كتبت بواسطة yoko

مش عارف إيه الي دخل الأيه في الموضوع بتعنا وبرده إحنا بنحذر الناس من إن هما يقعوا في فخ منصور (المشكلة الأكبر) ومن عيوب الأفيو (المشكلة الأصغر)

1- لا يا باشا ليها دخل كبير لان ده اسمه تشبيه لموقف ، فما اردت قوله ان النبى لا يملك السيطرة على البشر ما بالك بالعامة؟
2- انا ايضا احذر الجميع من المدعو منصور

المشاركة الأصلية كتبت بواسطة yoko

وعلى فكرة تفسير الأية إن ربنا بيقول للرسول مهما حذرتهم من النار هيفضل بعض الناس راكب دماغة وبيعصوا وهيدخلوا النار!!! لكن ربنا مقلش للرسول خلاص سيبهم ومتنصحهمش!!!! (للعلم أنا دارس تفسير)
يعني الواحد يحذر الناس على قد ما يقدر لكن الي يركب دماغة هو حر!!! بس مش معنى كده إننا منحذرش الناس

1- وما علاقة النار بحتة عربية لا طلعت ولا نزلت؟
2- والله يا جماعة كل ما قلته واقوله وساقوله انصحوا كما تشاءون ولكن لا تسبوا سياراتنا ، وخصوصا اذا كان هناك من هو راض عن سيارته، وغير الراضى لنبحث له عن حل

المشاركة الأصلية كتبت بواسطة yoko

وشكرا على المناقشة المفيدة بس عمر ما حد هيغير رأي في الأفيو أو في منصور لإني شفت بعيني!!!

والله ولا انا هاغيره لان عندى افيو بقالها سنة ونصف ومش قارفانى خالص.. وشكرا لكل من شارك على هذه المناقشة المفيدة .. يكفى اننى علمت ان الافيو حظوظ والحمد لله على ما اعطى