الأفيو المفترى عليها

**أشرف العدوي** · 14-06-2010 10:48 PM

المشاركة الأصلية كتبت بواسطة basm

والله ماكنت اعرف انه اتلغى .. عموما علمونا فى اعدادي وثانوى ان المضارع يفيد الاستمرار ، وكلمة بيعلق معناها كده انه استمر كتير فى التعليق وده ماحصلش معايا .. لكن اللى حصل معايا مرة يتيمة قرصت على العربية وكانت الدنيا زحمة جدا فاضطريت اعمل غرز واسوق سواقة ميكروباصات فلقيت الار بى ام علق عند 1500 لفة وراسه والف جزمة ما ينزل .. المهم كملت مشوارى وبعدها رجعت للسواقة المعتادة .. الكلام ده على فكرة بقاله اكتر من 8 ،9 شهور وما حلصش معايا من ساعتها والحمد لله.
وعموما نصيحة لله حافظ على عربيتك تديك وتريحك .. افحتها هتقرفك .. وابعد تماما عن المدعو مهزوم .. وشكرا لك ولكل من شارك
عزيزى ابو اسر & ويوكو نصيحتكم وصلت لنا جميعا .. ولكن ارجوكم لا تحجروا علينا .. الله تعالى قال لرسوله الكريم "ص" : "لست عليهم بمسيطر" صدق الله العظيم

ثواني البس طربوش على دماغي و رأجع ( اصل انا سايب أعدادي و ثانوي بقالي فترة كبيرة )
طيب و هو حضرتك عايز تحجر علينا ليه مش فاهم
يعني هو حلو ليك و وحش لينا مثلاً
انا اي حد عايز يجيب الأفيو دي لازم أحذره منها و ما ينفعش اسكت
لان الساكت عن الحق شيطان أخرس
انا معايا العربية و بقول عليها وحشة و زبالة و الكلام ده ممكن يأثر على سعرها لما أجي ابيعها
بس الحق أحق ان يتبع ما ينفعش اقعد اشكر فيها و هي فعلاً زبالة و نصباية من منصور

تقبل تحياتي

**yoko** · 14-06-2010 11:54 PM

المشاركة الأصلية كتبت بواسطة basm

اولا دى اية قرآنية "سورة الغاشية" مش حديث نبوى.

بص على مشاركاتك هتلاقيها كلها شتيمة فيها.. يا سيدى انت كانت معاك افيو وبعتها وربنا فتح عليك بالفيات لينيا .. وبسبب انتشارها ونجاحها فى مصر سمعت انها اتوقف استيرادها!!
سيبنا احنا بأه لعربياتنا الى زى ما بتقولوا عليها "زبالة".. وشكرا

١- معلش مكنتش مركز وأنا بكتب
٢- اللينيا متوقفتش وهتنزل شهر ١ الجاي!!!
ويا ريت العربيه الي بتتريق عليها دي تشوف رأي كل الناس فيها إيه ويا ريت تجبلي واحد بيقول وحشه وعلى فكرة أنا برده من أول الناس الي ذكرت بعض العيوب الي في اللينيا يعني عمري ما كنت متحيز!!!
ويا ريت تجبلي أي مشاركة ليا فيها خروج عن الأدب العام

(لإني متربي كويس قوي) والحمد لله الناس كلها عارفةة كده جوه وبرة المنتدى

**أشرف العدوي** · 15-06-2010 12:10 AM

زي ما قولت
في اول مشاركة ليا في الموضوع
صاحب الموضوع رمى القنبلة و جري
و لا اقنع الناس ان الأفيو كويسة
و لا عمل تقرير أداء عنها
و الناس اكاد أجزم ان اقتناعها زاد انها سيئة

**yoko** · 15-06-2010 12:10 AM

المشاركة الأصلية كتبت بواسطة basm

يا سيدى ربنا يملاهالك بركة .. انت بتقول انك مش متحيز وهذا رأيك ، ولكنى اكاد اجزم انك متحيز ضد الافيو وربما هذا حقك نظرا للمشاكل الجمة التى تعرضت لها فى سيارتك القديمة

ما احنا كنا ماشيين كويس ايه بأه معنى كلمة (لإني متربي كويس قوي) .. ومين اللى خرج عن الادب العام؟؟؟؟؟؟؟؟؟؟؟؟؟؟
ياريت يا استاذ يا متربى كويس قوى تبقى تركز قبل ماتكتب لأن كلامك فيه ايحاء سيئ.

١- أمين يا رب وأنا مش متحيز ضد الأفيو وأكبر دليل كل الي سألوني على موديل ٢٠٠٦ قلتلهم جبوها وإنتوا مغمضين!!!
٢- حضرت الي بتقول إني بشتم والحمد لله عمري ما طلعت عن الأخلاق في أي مشاركة ليا!!!

**mmtronic** · 15-06-2010 01:41 PM

المشاركة الأصلية كتبت بواسطة basm

وقلت انه واضح انها عربية حظوظ، وكمان قلت الافضل ان نبحث عن حلول للمشاكل التى تظهر للسادة الزملاء فى المنتدى

و تفتكر يا استاذ باسم ان مبداءان العربية دى حظوظ الى انت قولت علية دة مبداء محترم تحترم بية عربية بتقول عليها كويسة و مفيهاش مشاكل - يا استاذ باسم مفيش حاجة اسمها حظوظ - فى حاجة اسمها جودة اداء و سمعة كويسة للعربية و دة للاسف لم تحققة الافيو بقيادة الكابتن منصور و اعوانة و المنتدى خير برهان و راجع الموضيع القديمة عن الافيو

و لك ان تتخيل هذا الكم من المشاكل لم يتم التوصل لحلول ليها خلال 3 سنين من انتاج العربية - 3 سنيين - اية دة هية عويصة للدرجادى مش عارفييم يحلو مشاكلها - لا حل مشكلة التزييق و لا حل مشكلة الفرامل و الطنابير و لا حل مشكلة ال ار بى ام و لا حل مشكلة الاصوات الى بتتطلع من الخلف ولا ولا ولا
يا راجل دا احنا كنا طلعنا القمر و نزلنا اسهل بقى

**abofaris** · 15-06-2010 02:34 PM

المشاركة الأصلية كتبت بواسطة أبـو آســـــر

زي ما قولت
في اول مشاركة ليا في الموضوع
صاحب الموضوع رمى القنبلة و جري
و لا اقنع الناس ان الأفيو كويسة
و لا عمل تقرير أداء عنها
و الناس اكاد أجزم ان اقتناعها زاد انها سيئة

احب اعرف حضرتك ان فيه ناس كتير غيرى مرتاحين مع العربية ودى مش مشكلتنا ان حظنا كويس على اساس ان العربية دى حظوظ. وياسيدى اللى مش مرتاح للعربية يبقى خيرها فى غيرها. على فكرة انا مليش فى القنابل رشاشات بس. بالتوفيق للجميع.

-

-

-

الموضوع: الأفيو المفترى عليها

LinkBack

أدوات الموضوع

عرض

-

-

-

-

المواضيع المتشابهه

واحد غبي اشترى جزمة جديدة خاف عليها تتوسخ قام لبس الشراب عليها من بره ...!!!

ضعف صاج الأفيو

لا تظلموا الأفيو

سحب الأفيو

الكلمات الدلالية لهذا الموضوع

المفضلات

المفضلات

ضوابط المشاركة