الموضوع: تشترى نيو سيراتو زيرو ولا تحتفظ بلانسر بومة

المشاركة الأصلية كتبت بواسطة yahiahelaly

شكرا لاسلوبك المحترم معايا بجد:b4_388: اولا
عارف ان كل العربيات الاوتماتيك والانجيكشين كونترولات وقرف بس قرف عن قرف يفرق يعني مثلا كوترول الانترا بحوالي 3000 بلنسبه لحواتر الفتيس اقدر اقول ان فئه كبيره من ورش التفيس الاوتماتيك حفظاه وان يكن التعديل الي حصل والي اتة ذكرته مخوفني مش اكتر وكلمه اخيره بجد لرغم اني معجب (وتفرق كتير معجب عن مقتنع ) بلسيراتوا بس بجد حاسس نها كمان 10 سنين ولا حاجه هتتعب جدااااااااااااااااااااااا ااااااااااااااا مثلا لغايه الوقتي الاكسيل شغااااااااااااله والبوني مهريه تاكسي اول عربيه هيونداي انت متخيل يمكن يكون سبب كده الانتشار مش عارف بس بص لموديلات كيا الي موجوده سيفيا وشوما وسبكترا وقطع غيارهم اووووووووووووووف

يا باشا شكراً على ايه احنا بنتناقش مش اكتر
موضوع الكنترولات ده مش مشكله ابداً لانه نادر جداً ان يحصل فيه عطل غير بسبب عيب صناعه ودا قليل جداً في ظل معايير الجوده اللي بتفرضها الشركات او بسبب عيب شائع في العربيه ودا مش في السيراتو الحمد لله
بالنسبه لفتيس البومه انا حافظه صم وممكن اقول لحضرتك وانا متأكد ان مفيش ورشه في مصر تعرف تصلح عطل ميكانيكي في فتيس اللانسر الـcvt انما لو كنترول وكده بيتصلح لكن لو السير بتاعه اتقطع مفيش حل غير التغيير وطبعاً الحمد لله مسمعناش عن مشاكل منه لان طالما بتغيرله زيته مش هيحصله حاجه والناس مشيت كيلومترات كتير بالعربيه ومحدش اشتكى
انما الستيب ترونيك هو هو فتيس اللانسر 1300 والـ1500 والبروتون واجا والبروتون جين2 وده اللي الميكانيكيه حافظينه لانه اوتوماتيك طبيعي مش cvt

بالنسبه للبوني والاكسيل والالانترا 97 والسوناتا القديمه ودول عربيات محترمه جداً وعايشه لسبب واحد بس لانها ببساطه ميتسوبيشي بمواتير ميتسوبيشي بفتيسها بعفشتها بكل حاجه
وكان في اتفاقيه موقعه بين ميتسوبيشي وهيونداي ان اول ما الموديل ينتهي انتاجه في ميتسوبيشي يدو كل التصميمات وانواع الخامات لهيونداي وينتجوها في كوريا باشراف ميتسوبيشي باسم هيونداي
وبالنسبه للسيراتو اطمن لان قطع غيارها هترخص جامد لانها انتشرت وكمان الالانترا الجديده نازله بنفس الموتور

لو اللانسر مش مزعلاها فى حاجه مفيش داعى للتغيير

لو كدا كدا هاتغير , السيراتو احسن من اللانسر فى اغلب النقاط ان مكانش كلها

يعني حضرتك شايف انها تبيع اللانسر بـ70 الف وتزود عليهم 50 الف علشان تجيب سيراتو عفشتها انشف وخامات الانتيريور افقر وبتجري اكتر وفيها usb ؟؟ جايز
كل واحد عنده وجهة نظر ووجهة نظري ان لو هتغير تغير لحاجه تحس فيها بفرق كبير للاحسن خصوصاً ان 40-50 الف مش مبلغ قليل