طلب مساعدة لشراء معشوقتي جينا
سلام عليكم يا أحلي منتدي ....
انا متابع المنتدي من شهور و معجب جدا بيكوا و انتوا سبب رئيسي في عشقي للجين تو...
بجد مع احترامي لاعضاء المنتديات الأخري مفيش حد زي البروتوناوية في تقييمهم و مساعدتهم و شرحهم الدقيق لابس المشاكل حتي يتم حلها.
يا جماعة انا بحب الجين تو و نفسي اشتريها بس متخوف من كذا حاجة:
1-أولا انا قعدت في العربية و انا بتفرج عليها حسيت انها ضيقة قوي و ان الدركسيون منخفض جدا مع ان طولي 178 سم ووزني 110 كجم. و حاسس عاشان اعرف اسوقها لازم ارجع الكرسي لاقصي حد و بكده هالغي الكرسي اللي ورا السواق.
2-صوت العربية سمعت انه عالي,
3-الناس بتقول ان العربية دي كويسة طول مافيهاش مشاكل ولو حصل مشكلة عوضك علي الله.
4- سعر قطع الغيار عالي وغير متوافر في المحلات (انا مقيم في الاسكندرية)
5-انا نفسي اجرب العربية قبل ما اشتريها لو حد عارف حد بيأجر جين تو في اسكندرية يقولي.
6-أنا الشيطان بيوزني علي النترا.(أنا متزوج و عايز عربية عائلية واسعة نوعا ما).
أنا أسف علي الاطالة بس عشمان في البروتوناوية الجامدين انهم يردوا علي في النقط دي اللي هي موقفة الناس تشتري الجينا.
بالنسبة لموضوع اعادة البيع ما يفرقش معايا