الموضوع: طلب مساعدة لشراء معشوقتي جينا

المشاركة الأصلية كتبت بواسطة Turbo_Diesel

سلام عليكم يا أحلي منتدي ....

انا متابع المنتدي من شهور و معجب جدا بيكوا و انتوا سبب رئيسي في عشقي للجين تو...

بجد مع احترامي لاعضاء المنتديات الأخري مفيش حد زي البروتوناوية في تقييمهم و مساعدتهم و شرحهم الدقيق لابس المشاكل حتي يتم حلها.


يا جماعة انا بحب الجين تو و نفسي اشتريها بس متخوف من كذا حاجة:

1-أولا انا قعدت في العربية و انا بتفرج عليها حسيت انها ضيقة قوي و ان الدركسيون منخفض جدا مع ان طولي 178 سم ووزني 110 كجم. و حاسس عاشان اعرف اسوقها لازم ارجع الكرسي لاقصي حد و بكده هالغي الكرسي اللي ورا السواق.
انا طولى 184 ص عادى جدا ولا مأثرة معايا
ممكن يكون الكرسى كان مرفوع اوى فانتا حسيت كدة خد بالك ان القعدة فيها تحكم ارتفاع مش ورا و قدام بس

2-صوت العربية سمعت انه عالي,

عالى رياضى و ليس عالى مزعج

3-الناس بتقول ان العربية دي كويسة طول مافيهاش مشاكل ولو حصل مشكلة عوضك علي الله.
ممممممممم زيها زى اى عربية عادى جدا مشاكلها محلولة

4- سعر قطع الغيار عالي وغير متوافر في المحلات (انا مقيم في الاسكندرية)
هوا عالى شوية بس جوا التوكيل بس و فى برة قطع غيارها بس فى اسكندرية معرفش

5-انا نفسي اجرب العربية قبل ما اشتريها لو حد عارف حد بيأجر جين تو في اسكندرية يقولي.
معرفش بصراحة مظنش انها بتتاجر اصلا

6-أنا الشيطان بيوزني علي النترا.(أنا متزوج و عايز عربية عائلية واسعة نوعا ما).
كدة ممكن تجيب جين تو لى عيلتك مش كبيرة طفل او اتنين يعنى او ممكن تجيب بيرسونا و تريح نفسك واسعة جدا

أنا أسف علي الاطالة بس عشمان في البروتوناوية الجامدين انهم يردوا علي في النقط دي اللي هي موقفة الناس تشتري الجينا.


بالنسبة لموضوع اعادة البيع ما يفرقش معايا