الموضوع: مهندس الفحص بيفحص ايه؟

انا رحت النهارده اطابق البصمة في مرور النزهه علشان نقل الملكية هما ماطالبوش العربية بس لقيت فيه مصيبة اكبر وهيا ان فيه رقم واقع من نمرة الموتور بمعنب ان الموتور مثبوت علي الرخصة والتوكيل 806659 لكن البصمة الفعلية الي اخدوها هيا 8066459 طبعا اتصدمت هاعمل ايه وانا سجلت عقد في الشهر القاري بالرقم الي في الرخصة المهم دخلت لمدير الوحدة مش هحكيلكم اد ايه في قمة النشاط والاخلاق والادب هو المقدم خالد عمارة شرحت الموقف في لحظة بعت لموظف من عنده يروح يجيب ملف العربية من مرور مصر الجديدة الي كانت العربية تبعة الاول
المهم مااطولش عليكم الموظف جاب الملف لقينا كل الفحوص السابقة للعربية فيها الرقم صح ماعدا الرخصة والتوكيل طيب والحل يافندم؟ قالي ولا تزعلي نفسك وراح بنفسه للموظف وقاله طلع لها شهادتين بيانات واحده للشهر العقاري وواحده للمرور وفيهم تعديل رقم الموتور
طيب هتقولي ايه المشكلة دلوقتي اقولك:
لو انا رحت للشهر العقاري هل هيوافق يعدل العقد طبقا لشهادة البيانات مع ان الرقم في التوكيل ناقص الرقم الي سقط؟ ولا هيقولوا ليا لازم تغيري التوكيل؟ محتاجه الرد بسرعه
اه لو كنت اعرف مشاكل المرور دي كنت فضلت ماشية علي رجلية زي بقية خلق الله

مش عارف افيدك فى دى بالظبت بس هل حضرتك لقيتى الرقم مدقوق على قايم العربية و لا لآ لو مش موجود أطلبى من المرور يدق النمرة كاملة من واقع الاوراق السليمة لتفادى هذة الشكلة فى كل فحص كل 3 سنوات

المشاركة الأصلية كتبت بواسطة heshamzaky

مش عارف افيدك فى دى بالظبت بس هل حضرتك لقيتى الرقم مدقوق على قايم العربية و لا لآ لو مش موجود أطلبى من المرور يدق النمرة كاملة من واقع الاوراق السليمة لتفادى هذة الشكلة فى كل فحص كل 3 سنوات

الرقم مدقوق علي القايم وواضح جدا وموجود في كل ورق الفحوص السابقة الا رخصة القيادة الظاهر سقط من الي بيكتب الرخصة بس علي العموم انا هاجرب الصبح اروح اسجل في شهر عقاري تاني وان ماانفعشي هاضطر لمشوار خامس للقاهرة لصاحبة العربية
تعباك معايا يااتش معلش

تحت امرك فى اى وقت كل الى اعرفة حا أقولة

المشاركة الأصلية كتبت بواسطة zedan26

ممكن افهم النقطه دي يا استاذ هشام؟

وهل هي لكل انواع العربيات ولا ايه؟؟

واشمعنا 3 سنين

وكمان اشمعنا 7 ايام مع ان شهادة المخالفات مدتها شهر

يا باشا دة الكلام الى الباشوات فى المرور معلقين ورقة بكدة و صبعا الورقة عايز علشان تقرأها ان نظر الواحد يكون زى الصقر 6 على 6 بس هما مش كاتبين 3 سنين الاستاذ الى بيبص على المخالفات هو الى حا يقولك كنوع من أنواع المفاجات السارة لما تقولة لية أجيب شهادة مخالفات بالنمر القديمة حا يقولك هو النظام الجديد كدة و دة لمدة 3 سنوات و الغرض من الموضوع هو ملاحقتك باى مخالفة على السيارة فى حالة تأخر وصول المخالفة الى المرور يعنى نفترض مثلا حضرتك حا تبيع العربية بتاعتك و طلعت شهادة مخالفات انة ليس عليها مخالفات بس حضرتك كنت فى أسوان مثلا و عملت مخالفة طبعا مستحيل ان المخالفة تظهر تانى يوم على الكمبيوتر و بعت العربية و كلم تمام التمام فا المرور عاوز تمن المخالفة تفتكر حا يخدها من مين ؟؟؟؟ و على فكرة مكتوب ورقة فى المرور ان شهادة المخالفات تكون جديدة لم يمر عليها أسبوع و الكلام دة عام بغض النظر عن نوع و ماركة السيارة. اخر نصيحة عن تجربة لو أشتريت عربية من حد أحتقظ بصورة من شهادة المخالفات معك و تانى يوم شيل النمر الى موجودة على العربية و حط نمر جديدة بأسمك علشان لو جة و قال لك العربية عليها مخالفات ساعت لما تيجى تجدد أسال عن تواريخ المخالفات لو من تاريخ شرائك للعربية فهى تخصك و أدفع و لو التواريخ قديمة تعمل معارضة و ترفق بية صورة شهادة المخالفات الى انت مصورها و تثبت تاريخ شرائك للسيارة أى انها لم تكن فى حوزتك وقت أرتكاب المخالفة فا بالتاى لا تخصك مش عارف اذا كنت قدرت أوصل المعلومة و لا لآ

شكرا ياهشام علي كل المعلومات دي والحمد لله نقلت ملكية وترخيص العربية لمرور المنصورة وعرفت كمان موضوع المخالفات القديمة دي لمدة 3 سنين ومش هاقولك علي العذاب والطوابير لمدة يوم كامل في مرور المنصورة من 7 صباحا الي 3 ظهرا خرجت بعدها وانا بفكر ابيع العربية وارتاح

المشاركة الأصلية كتبت بواسطة enayat

شكرا ياهشام علي كل المعلومات دي والحمد لله نقلت ملكية وترخيص العربية لمرور المنصورة وعرفت كمان موضوع المخالفات القديمة دي لمدة 3 سنين ومش هاقولك علي العذاب والطوابير لمدة يوم كامل في مرور المنصورة من 7 صباحا الي 3 ظهرا خرجت بعدها وانا بفكر ابيع العربية وارتاح

ألف مبروك و اهى علقة و تفوت و الحمد لله انكى تأكدتى من صحة المعلومة