على الرغم من ان كتير مننا ذاكرته بتخونه كتير وخاصة في تذكر الأسماء (ومن خوفي من الحكاية دي كنت عملت موضوع هنا من فترة واطمنت اني مش لوحدي وان فيه كتير زيي) انما احيانا تفاجئنا الذاكرة بتذكر تفاصيل قديمة جدا مش ممكن تتصور انك تفتكرها

النهارده فجأة لقتني بافتكر اعلان تلفزيون قديم جدا .. اسمعوا :

(((سوسو وتوتو بياكلوا حلاوة وشكولاته وبقلاوة .. ودي حاجة تسوس اسنانهم وباباهم زعلان علشانهم

ياكلوا حلاوة ياكلوا جاتوه .. ياكلوا كل اللي يحبوه

والتسويس والتسويس ؟؟!!

انا معجون مخصوص علشانكم .. انا معجون يحفظ اسنانكم ..

اسمك ايه

معجون المعاجين .. ارتف بالفلورين .. معجون الاسنان بتحبه الملايين ..

معجون الاسنان ارتف بالفلورين .. الفلورين .. معجون اسنان بتحبه الملايين .. الملايين)))

يا نهار ابيض

ياكلوا حلاوة ياكلوا جاتوه .. ياكلوا كل اللي يحبوه

سعيد صالح استخدم الجملة دي في مسرحية العيال كبرت او مدرسة المشاغبين مش فاكر يعني الاعلان ده من السبعينات وبما اني من مواليد نكسة 67 يعني كان عندي 6 - 7 سنين وفاكر الاعلان بالحرف

سبحان الله الذاكرة دي غريبة جدا ... حد فاكر تفاصيل اعلان قديــــــــــــم جدااااا