السلام عليكم ورحمة الله وبركاته

عربيتي مازدا 323 موديل 82. عامل عمرة من حوالي 6 شهور وصوت الموتور ماشاء الله هادي جدا. المهم سافرت بالعربية من القاهرة للسويس (125 كيلو رايح وزيهم راجع) الفتيس عندي 4 غيار ومتوسط السرعة كان 110. بعد ما رجعت القاهرة حسيت إن صوت الموتور علي شوية ده غير إن فيه صوت نعرة أو نحرة مش عارف الصراحة اسمها بس صوت غريب آخر أي غيار.
ملحوظة: بعد السفر للسويس يعتبر كأني عامل 3000 كيلو بعد آخر غيار زيت (زيت شل الجركن الأصفر).
ملحوظة تانية: في مرة جربت أجري بالعربية شوية وأحرق على الغيارات شوية بعدها لقيت نفس أعراض المشكلة السابقة ولكن اختفت بعدها بأسبوع أو أسبوعين تقريبا.