صوت نعرة أو نحرة في آخر أي غيار

**eng_ahmedryad** · 30-05-2010 01:23 AM

المشاركة الأصلية كتبت بواسطة thedeveloper87

جزاك الله خيرا

جزانا وإياكم

**khaled_sabry** · 31-05-2010 03:04 PM

قولنا عملت ايه بعد تغيير الزيت
لأنى عندى موضوع زى بتاعك تقريبا

بس مع بعض الاختلافات
انا معايا عربيه كرولا 1978 ( بس بسافر بيها كتير - بس مش بعدى 100 فى المعتاد)
المهم مره سافرت بيها الاسكندريه (حدود 300 من البيت للبيت ) وكنت لوحدى فقولت اتجنن على العربيه و اشوف اخرها و جبت بيها rpm 4500 تقريبا ووصلت لسرعه 140 معظم السكه رايح جاى
و بعد كده لاحظت صوت النعره اللى بتقول عليها دى فى اخر الغيار (تحديدا عند 2500 لفه و بتبطل بعدها )
بعد بحث طويل لاقيت المسمار اللى ماسك العمه من تحت على جنب طلع مبرى و بيفوت كأنه مش مربوط(العمه عندى معدن) و بالتالى بيسبب الرنين ده غيرت المسمار الصوت خف شويه بس لم يختفى
بعد كده لما غيرت الزيت (بحط زيت موبيل الازرق او الابيض ) لاقيت صوت النعره دى بقى انعم شويه و الموتور حسيته انه بقى انعم ..... بس الكلام ده فضل لمده اسبوع تقريبا و بعد كده رجعت ريمه لعادتها اللئيمه
فعاوز اعرف هل المشكله ان المكنه ابتدت تخف و الزيت بيحكم الشنابر و لا اغير لفيسكو ده (انا بحط موبيل طول عمرى )
ملحوظه : مافيش اى عرض من اعراض المكنه الخفيفه عندى بإستثناء ان المكنه معرقه كتير حولين خرطوم الفايظ ... لكن مابتشوفى بخار منها

**thedeveloper87** · 04-06-2010 09:24 PM

المشاركة الأصلية كتبت بواسطة khaled_sabry

بعد بحث طويل لاقيت المسمار اللى ماسك العمه من تحت على جنب طلع مبرى و بيفوت كأنه مش مربوط(العمه عندى معدن) و بالتالى بيسبب الرنين ده غيرت المسمار الصوت خف شويه بس لم يختفى

يعني حضرتك جبت مشكلتي بالظبط. أنا فتحت الكبوت اكتشفت برضه إن مسمار من مسامير العمة مش متثبت كويس ومفوت وعلشان كده كانت بتعمل الصوت ده. بعد كده غيرت المسمار و بجرب الصوت ماختفاش تماما، بعد كده تابعت الصوت لقيته جاي من داخل العمة. طلع فلتر الهواء مش متثبت كويس جوة العمة.

أنا حطيت زيت فيسكو 2000 النهاردة والحمدلله مبدأيا صوت الموتور هدي بس مش هادي زي الأول.
بعد ماعملت عمرة للموتور ولينت 1000 كيلو وظبطت تاكيهات وغيرت زيت وفلتر بعدها بحوالي 100 أو 200 كيلو صوت الموتور تقريبا اختفى (هادي عن الطبيعي) ، بعد السفر الصوت علي عن الطبيعي شوية ، بعد غيار الزيت الصوت رجع للطبيعي بس مش زي بعد التليين. قلت يمكن التاكيهات عايزة تتظبط ، رحت للميكانيكي قال لي مش محتاجة ظبط تاكيهات!!

أروح أظبط تاكيهات عند حد تاني ولا أعمل ايه؟

**khaled_sabry** · 06-06-2010 09:18 AM

المشاركة الأصلية كتبت بواسطة thedeveloper87

يعني حضرتك جبت مشكلتي بالظبط. أنا فتحت الكبوت اكتشفت برضه إن مسمار من مسامير العمة مش متثبت كويس ومفوت وعلشان كده كانت بتعمل الصوت ده. بعد كده غيرت المسمار و بجرب الصوت ماختفاش تماما، بعد كده تابعت الصوت لقيته جاي من داخل العمة. طلع فلتر الهواء مش متثبت كويس جوة العمة.

أنا حطيت زيت فيسكو 2000 النهاردة والحمدلله مبدأيا صوت الموتور هدي بس مش هادي زي الأول.
بعد ماعملت عمرة للموتور ولينت 1000 كيلو وظبطت تاكيهات وغيرت زيت وفلتر بعدها بحوالي 100 أو 200 كيلو صوت الموتور تقريبا اختفى (هادي عن الطبيعي) ، بعد السفر الصوت علي عن الطبيعي شوية ، بعد غيار الزيت الصوت رجع للطبيعي بس مش زي بعد التليين. قلت يمكن التاكيهات عايزة تتظبط ، رحت للميكانيكي قال لي مش محتاجة ظبط تاكيهات!!

أروح أظبط تاكيهات عند حد تاني ولا أعمل ايه؟

هو انتا عملت عمره تانى ؟؟؟؟ ولا انتا بتحكيلنا عن الصوت كان ايه نظامه بعد العمره (تاريخ يعنى )
على العموم انا دلوقتى تعايشت مع الصوت خاصه انه بيطلع عندى عند 2500 rpm و شده الصوت ثابته ولو زودت او قللت عن عدد اللفات ده الصوت بيختفى
و بالتالى فى اعتقادى ان فيه حاجه عندى مش مربوطه كويس و بالتالى بتعمل رنين عند اللفات ده بالزات
و موضوع تغيير الزيت بخلى اهتزاز المكنه يقل (فى اعتقادى) او بيقلل الذبذبه اللى المكنه بتتهز بيها فى السرعات العاليه (خاصه ان المكن بتتاعنا قدييييييييييم ) و بالتالى بتختلف سرعه الرنين ده