الموضوع: رائحة الكمكمة لما تشغل التكييف

المشاركة الأصلية كتبت بواسطة heshamzaky

بص يا باشا انا حا اقولك على حل بس قبل ما تقول اى حاجة الحل دة ممكن جدا بنسبة 95 فى المية مش حا يناسب الحالة عندك لان العربية جديدة احسن اقولك تجربتى انا و انا بظبط التكيف عندى كنت طبعا بغير الثلاجة و قبل التركيب اخذت الجسم البلاستك الكامل الى الثلاجة راكبة جواة و غسلتة فى محطة البنزين نزل بلاوى و الراجل بتاع التكيف هو الى طلب كدة قولتلة ما تغسلة هنا عندك قالى يا باشا معلش فى محطة البنزين احسن و دفت 7 جنية فقط الراجل غسلة بالمية و الصابون كأنك بتغسل موتور رجع نوفى و بعد التركيب لا يوجد اى رائحة سوى ريحة التكيف بتاع الفابريكا وزى ما قلت لك الحالة هنا مختلفة لانى كنت بالفعل فاكك التابلوة و الصورة اهية

ألف شكر يافندم علي إهتمام حضرتك ولكن للأسف طبعا مش حينفع لأنه مش مجرد رواسب قديمة متحشرة في التلاجة ...هو تقريبا بكتريا نتيجة إلتصاق التراب في الهواء بجسم السربنتينة الداخلية بالتلاجة ونشاطها فترات عدم التشغيل وعلي فكرة الرائحة بدأت بعد إستعمال التكييف بحوالي شهر من الزيرو في كل العربيات اللي ركبتها

المشاركة الأصلية كتبت بواسطة أبو عبدالله

اخي الكريم
الحل من الآخر مع احترامي لكل الأراء
ولكن الحل اللي بيجيب من الأخر هو
علبة اسبراي ديتول المطهر بأي رائحة انت عاوزها
وتشغل التكييف وتقفل طبعا زجاج العربيه كله

وترش الأسبراي في المناطق التالية :

1- تحت الأرجل في الدواسات الأمامية لأن ده المكان اللي بيبقى فيه مكان فتحات اعادة تدوير الهواء داخل السيارة من تحت التابلوه

2- امام الزجاج الامامي للسيارة من الخارج من عند فتحات التهوية الخارجية للسيارة في الفيبره الأمامية للسيارة من الخارج او بينها وبين الزجاج الأمامي دي غالبا بتبقى فتحة تهوية التكييف

رش في المنطقتين دول وان شاء الله هتقعد فتره كبيره مش هتشم الرائحة دي
لأن دي بكتريا بتتكون في الجو الرطب وخصوصا التكييفات وبتبقى موجوده في كل اجزاء التكييف الداخليه يعني مش فلتر وبس

وانا مش عاوز منك غير دعواتك ان شاء الله

السلام عليكم

عاجز جدا عن شكر حضرتك علي ذوقك وأدعو الله أن يبارك لك ويكرمك في الدنيا والآخرة وأنا فكرت في الحل ده وتقريبا حانفذه بعد ما أقوم بإقتراح أ/ كريم منير إني أشغل السخن ربع ساعة الأول لقتل البكتريا بس اللي خوفني من موضوع الرش عامة صديق رش الفلتر بمعطر الجو فإتسد

دمتم إخواني بكل ود

يعنى الواحد بعد كدا قبل ما يخرج يروح اى مشوار يبقى يشغل التكييف قبلها ب نص ساعه ؟؟ وااشغل العربيه قبلها ب نص ساعه عشان الرائحه المكمكمه دى ؟؟

انتا ممكن تشغل التكييف لمده 3 دقائق وتكون فاتح الازاز بس مش للأخر يعنى وبعدين تقفله وتقفل التكييف وترش المعطر الجميل على التابلوه وفى اماكن التكييف وتشغل التكييف هتلاقيه زى الفل وريحه زى الفل