طيب التسقيف ده بيحصل امتى لما تيجى تدى الغيار ولا طول لما انتا ماشى
عرض للطباعة
طيب التسقيف ده بيحصل امتى لما تيجى تدى الغيار ولا طول لما انتا ماشى
يا ريت لما تعرف السبب تقولنا
إن شاء الله بس ادعيلي ان السبب يكون من البنزين مش من حاجة تانية
ان شاء الله يكون من البنزين
هو انت هتغير الفلتر مع التفويلة الجديدة
إن شاء الله هاغير الفلتر وهاضيف منظف رشاشات
آسف على التأخير يا شباب ، بس المدعوقة الأنفلونزه هى السبب
التسقيف هو صوت الدقات المتتابعة اللى بيطلع من الموتور لما تكون مدى غيار بدرى عن ميعاده وتكبس على العربية ويشبه كثيرا صوت زلطتين بيخبطوا فى بعض بشكل متتالى ( زى ما يكون الموتور بيقول "ساكا ساكا ساكا ساكا ....)
الصوت دة بيحصل لأكتر من سبب، لكن لو ظهر فجأه كدة بعد تفويلة بنزين (لسة حاصلة معايا فى الريجاتا امبارح) يبقى البنزين ده فيه ميه، وعادة يكون الإهمال-لا الغش-هو السبب فى وجود الماء فى البنزين لأن الخزانات الأرضية مع الوقت تتسرب لها المياه وبيكون حظك وحش لو خدت تفويلة من قاع التانك الأرضى
وطبعا تفويلة قاع التانك دى بتحوى اضافة الى الماء على شوائب صلبة ممكن تسد الرشاشات، لذلك انا دايما بنصح ان التغييرات المزعجة من هذا النوع اللى تحصل بعد تفويلة بنزين ، ماخدش بصددها اى اجراء إلا بعد ما التفويلة تخلص وامون من مكان تانى نضيف واحاول اسعتمل منظف رشاشات، لأن ممكن ادخل نفسى فى مصاريف كتير بدون داعى
بالنسبة لقواعد الموتور ، علشان نعرف فيها مشكلة وللا لأ، فى الأول لا داعى برضه لاتخاذ اى اجراء معاها لحد ما التفويلة تخلص ونملا تانى علشان نعزل السبب ده، لو الرجرجة استمرت نقرط شوية على القواعد، لو التقريط جاب نتيجة وهديت الرجرجة يبقى بنعرف ان القواعد عمرها قرب يخلص
طيب انا عربيتى كربراتير مش انجيكشن
انا هستنى لما التفويلة تخلص بس لحد امتى لحد ربع التانك ولا لحد لما اللمبة تنور
واغير الفلتر ولا لأ وهل فى اضافة احطها؟؟؟؟؟؟؟؟
الف حمدالله على سلامتك يا استاذ سبعاوي
انا بجد ببقى مستني مشاركتك بفارغ الصبر
انا اول مرة اسمع عن موضوع التقريط على القواعد ده ازاي بيتعمل الموضوع ده لأنهم في التوكيل ماجابوش سيرة خالص عليه. كل اللي قالوهولي ان القواعد مبوشة شوية وهاتحتاج تغير ودي حاجة انا عارفها من ساعة ماشتريت العربية بس مش مسببالي اي مشاكل حالياً
شكراً جزيلاً على مشاركتك وانا هاحاول اخبرك بكل ما هو مستجد في الموضوع ده
البنزين طلع مغشوش يا رجالةالبنزينة اللي انا فولت منها تابعة لموبيل يعني لو ظبطنا شكوة لشركة موبيل في مصر ممكن يحاولو يشوفو حل. حرام نفضل ساكتين كدة دا الواحد بقاله اكتر من 10 ايام في حرقة دم
انا للاسف ملحقتش اخلص التفويلة قبل ما اسافر ولكن اخويا خلصها وبعد كدة حط بنزين نضيف طبعاً من وطنية (اضمن بنزين في مصر) وحط كمان منظف رشاشات وبعد كام كيلو كدة فوجأ ان العربية رجعة زي الفل زي ما كانت واحسن هو لسة إن شاء الله هايغير فلتر البنزين بس الحمد لله تأكدنا ان المشكلة طلعت من البنزين
يا ترى هانفضل ساكتين على البنزينات اللي بيغشو دول. انا اعتقد ان المفروض نعمل حاجة اكتر من اننا نقاطعهم.
متشكر جداً يا ابو السباع على مساعدتك وجزاك الله خيراً