-
مش عارف العربية مالها
لو سمحتم يا جماعة سؤال صغير
انا عندي أوبل فكترا 1600 موديل 97 بعد ما حطيط بنزين من موبيل اللي على كورنيش المعصرة وانا في طريقي الى حلوان حسيت ان العربية مش مظبوته بمعنى ان في رعشة غريبة في العربية وهي واقفة دايرة يعني مش ماشي بيها وبلاحظ الرجة ده في الدركسيون بوضوح والموتور زي مايكون بيزيد ويقل حاجات بسيطة. يا ترى ممكن يكون البنزين مغشوش
انا حصلي حاجة امبارح برده وده اللي محيرني. انا كنت بغسل العربية في مغسلة. فالعامل بتاع المغسلة بعد ما خلص وهو بينزل العربية على المجرى بتاعة المغسلة. الحرف بتاع المجرى خبط في الشكمان. فلقيت بعدها الشكمان بدأ يخبط فيسم العربية اول ما دوس بنزين بس انا روحت عند بتاع شكمانات وقالي ان علبة الشكمان الخلفية اتكبست لجوة من الخبطة فالمهم سخنها ورجعها تاني وقالي ان ديه حاجة بسيطة ومافيهاش اي ضرر على العربية
انا روحت مركز مقار انهاردة وكنت بعمل صيانة ال 10000 كيلو وسألت على الرجعشة ده بس المهندس قالي ان ديه من قواعد الموتور السفلية. هو فعلاً انا عندي جلب القواعد مِبٍَوشة شوية من فترة طويلة والعربية عادية جداً فهل ممكن تحصل فجأة ولا بتزيد شوية بشوية.
انا اسف على الاطالة بس انا نفسي حط يفهمني ايه اللي بيحصل وشكراً مقدماً على مساعدتكم.
-
ايه يا جماعة محدش عنده تفسير للموضوع ده انا خبرتي ضعيفة في العربيات فأتمنى اني استفيد من خبرتكم.
-
احتمال فعلا تكون قواعد ماتور
وجرب برضو تنضف فلتر البنزين وفلتر الهواء واعتقد عربيتك كاربراتير ( نضفه بالبخاخ بتاع stp )
-
الف شكر على ردك يا استاذ احمد. انا عربيتي حقن وليس كاربراتير. والموضوع ده حصل فجأة مش عارف إذا كان من البنزين ولا من الخبطة اللي خدها الشكمان والعربية خرجة من المغسلة. بس انا ظبط الشكمان. وهل قواعد الموتور تخلي الرعشة ده تظهر فجأة كدة. بس في حاجة يا استاذ احمد مخلياني شاكك في البنزين ان الموتور مش منتظم في الحرق بيزيد وينقص حاجات بسيطة والعربية زي ما يكون بتسقف.
عموماً انا هاعمل زي ما قلتلي وربنا يسهل
بارك الله فيك يا استاذ احمد
-
حصلت معى وظنيت أنه من البنزين وطلع من البوجيهات
-
احتمال كبير جدا يكون البنزين فيه مية او وساخة
لو العربية بتسقف معاك يبقى البنزين فيه ميه، لو مش بتسقف يبقى البنزين فيه وساخة بس
خلص التفويلة دى وفول من بنزينة نضيفة وحط عليه علبة منظف رشاشات بس ابقى اكشف على ان فلتر البنزين سالك
-
متشكر اوي يا اخ سبعاوي. انا كنت بتمنى ان اسمع رد منك من اللي بقراه في مشاركاتك. اللي حضرتك بتقوله هو بالظبط اللي انا شاكك فيه لأن انا زي ما وضحت في الأول اني عملت امبارح صيانة ال 10000 والعربية اتكشف عليها بالكامل وتمام الحمد لله مفيش غير موضوع قواعد الموتور السفلية وده من زمان ومش عامل مشكلة خالص غير بس لما اجي ابطل العربية الاقي فيها رجة بسيطة.
متشكر جداً وسعيد بمعرفتك يا استاذ سبعاوي
-
الرجة بعد التبطيل كهربة العربية مقدمة عايزة ظبط الكهرباء
-
صيانة ال10000 ؟؟!!!!!!!!!!!!!
10000 كيلو في 11 سنة؟؟!!!!!!!!!!!!!!!!!!!!!!!
10000 كيلو وجلب كراسي الموتور مبوشة؟؟!!!!!!!
ولا قصدك صيانة ال100000 كيلو؟؟؟
-
ممكن يكون حساس الهواء هو اللى عايز يتنظف
Content Relevant URLs by
vBSEO 3.6.0 PL2