الموضوع: اخيرا جبت اللوجى النبيتى

مبرووووك عليك لوجي

اولا : مبروك اللوجان النبيتى واكيد انت اهلاوى عشان كده اخترت اللون ده

ثانيا : الغطاء والحجات الصغيره دى هاتها من التوفيقية مش هيكلفوك كتير

ثالثا : الترخيص انا لسه مرخص من اقل من اسبوعين مرخص 3 سنوات وده اللى دفعته بالتفصيل :-


1- اكراميه سايس الجراج عشان اركن5ج
2- ورق سياره جديده 3 سنوات 46ج
3- اكراميه للعسكرى اللى امام الفحص 2ج
4- اكراميه لموظف الفحص 5ج
5- تامين اجبارى 211ج
6- المثلث وشنطه الاسعافات 72ج
7- الطفايه 121ج
8- ضريبه 3 سنوات 778ج + 2ج مرجعوش طبعا
9- اكراميه للموظف اللى عمل الملف 5ج
10- ملف فاضى 1 ج
11- اكراميه للى ركب النمر 7ج
الاجمالى 1255ج

المشاركة الأصلية كتبت بواسطة arch_msaid

ألف ألف مبروك على اللوجى النبيتى بصرة أنا كمان عندى النبيتى:)
1. إنزل ميدان التوفيقية فى وسط البلد وهات كل مستلزمات السيارة بإسعار كويسة غطا ودواسات وكل حاجة هتلاقيها هو الغطا الوتر بروف عامله 120 جنيه ومقاسه large.
2.الحاجات الخاصة بالترخيص هاقلك انا رخصت سنة واحدة عشان حظر البنك أنا دافع 750 جنيه كله عى بعضه إنتا هتلاقى الضريبة عمله 363 جنبه. والطفاية أظن 120 جنيه وتمن الملف ولو فى حد جاى معاك من المعرض هتظبطه وهاتزبط كل واحد هاتقابله فى المرور فانتا تعمل حسابك على مبلغ ده مش هيزيد إن شاء الله ممكن يقل لو إنتا كنت فاضى وتنحت عليهم...بس للأسف عشان تعد فى الظل وينادوا على إسمك من وسط 100 واقفين فى الشمس لازم تظبط حاجة تحزن والله.....
فى حاجة مهمة جدا جدا إتأكد إن ورقة المبايعة من شركة رينو مكتوب فيها رقم الموتور لإنهم هايرجعوك عشانها وهاتطر تنزل المقطم عشان يكتبوهالك وده بالظبط هو الحصلى....
وربنا يوفقك إن شاء الله

ربنا يباركلك على المعلومات الجميله
بس كنت عايز اعرف المرور بيفتح الساعه كام

المرور بيفتح الساعه 8 الصبح تقريبا يعنى لو تروح على 8 ونص الصبح يبقى زى الفل عشان تخلص بدرى بدرى

شكرا يا Galilioz على المعلومات المهمه ده

المشاركة الأصلية كتبت بواسطة Moh_Ibrahim

شكرا يا Galilioz على المعلومات المهمه ده

ياباشا لا شكر على واجب احنا هنا عشان نساعد بعض يااخى
المهم متنساش تقول لينا تقيمك على السياره فى اقرب وقت ممكن