استفسار بخصوص صيانة العفشة
السلام عليكم ورحمة الله وبركاته
انا رحت امبارح لواحد بتاع عفشة علشان اربط عليها
وقالى انى هحتاج أغير الاتى :
1- طقم جلب .
2- عدد 2 بيض مقص .
وكان ليا سوالين هنا :
1- يا ترى اسعارهم ايه وافضل ماركة ومنين ؟
2- دول لما يتغيروا ويبقى جداد اية الى هيفرق معايا فى العربية او بمعنى ادق هحس باية اتحسن وانا ماشي ؟
وكان ليا سوال تانى بعيد عن العفشة :
مع الاخذ فى الأعتبار انى لسة جديد فى السواقه حوالى شهر بس سواقة والعربية بقالها معايا برده حوالى 50 يوم كده
* لما باجى اجيب غيار فى العربية فالطبيعي انى بشيل رجلى من على البنزين واضغط دبرايج واجيب الغيار فى اللحظة ده بسمع صوت وانا برفع رجلى من على البنزين صوت زي خبطة معلقه كده على حاجة معدن وهى بتكون خبطه واحدة .
* ولما بجيب الغيار وليكن التالت بشيل رجلى من الدبرياج وانزل رجلى على النيزن بسمع نفس الصوت وانا بشيل رجلى من على الدبرياج .
* واوقات بسمع الصوت ده أثناء ما بجيب الغيار اول ما عصاية الفتيس تروح للغيار الى انا عايزة اوقات اسمع الصوت ده ؟
* أوقات وانا على سرعات عالية 100 او 120 وانا بغير مش بسمع الصوت ده خالص ؟
يا ترى اية الموضوع ده ممكن يكون من اية لحسن الموضوع ده قالقنى جدا جدا ........
وانا متشكر جدا ليكم يا شباب على تعبكم معايا ،،،