الموضوع: باسات2010 وبطئ الأنطلاق

المشاركة الأصلية كتبت بواسطة nszs05

السلام عليكم

انا سعيد جدا واتشرف بالمشاركة الاولى لي في هذا المنتدى الرائع والقيم

الموضوع بدون اطاله

بتاريخ 2\5\2010 استلمت سيارتي الجديده من الوكيل بدولة الكويت

وهي

tsi 1.8

وناقل الحركة

dsg

بالاسبوع الاول الامور تسير بشكل طبيعي 100%

لاكن بعد الاسبوع بدأت لدي مشكلة في التسارع من الوقوف واقصد عند التوقف على منعطف او دخول دوار

او الانطلاق من أشارة المرور اعاني من مشكلة البطئ في الانطلاق وخلال اليومين السابقين بدأت المشكلة

بالازدياد ومع ظهور مشكلة بالنقل من d1 إلى d2 سواء بالاطلاق او العكس في حالة التوقف من d2 إلى d1

حتى ان الشخص الجالس بجانبي يشعر بهذه الحركة الغير طبيعية

مع ظهور مشكلة اخري في حالة الرجوع للخلف تحدث رعشة بالمحرك وبشكل متقطع وكأن المحرك سيتوقف


أما من ناحية بدأ تشغيل ودوران المحرك فهي طبيعية مع استقرار مؤشر rpm ولا توجد أي تنبيهات او علامات

تظهر ....


فهل يوجد من لديه نفس المشكلة بحيث يشعر بوجود بطئ او عدم تسارع طبيعي او ثقل بالانطلاق ؟


علما أن
1- المسافة المقطوعة 1620كم فقط !!!
2-الوكيل بالكويت يكفل السيارة 3 سنوات بدون تحديد المسافة مع دفع مبلغ 150 دينار للحصول على كفالة أضافية مدة سنتان بدون مسافة والسيارة مكفولة كهربائيا وميكانيكيا.
3- غدا يوم الاثنين 31\5\2010 لدي موعد مع الوكيل لفحص السيارة بجهاز الوكالة


فما النصيحة ؟


شاكرا لكم

اهلا بيك معانا
انا عندى سؤال عند النقل من d1الى d2 او العكس هل البانل الخاص بنقلات الفتيس بتنور و تطفى blinking

انا راى طالما انك رايح التوكيل ,تطلب الكشف على الفتيس , انا مش عارف التوكيل اخباره ايه لكن كرر الطلب
و أذا العربيه (السياره) عملتها وبقت مؤدبه فى التوكيل و شغاله زى الفل أطلب الكشف ايضا , ولو الكشف سلبى و العطل زى ما هو صور بكاميرا و روح للتوكيل على طول

بعد المشاكل الي بدات تظهر الحمد الله اني جبت ال 2009 خصوصا اني جايب خليجي

أخي العزيز بالنسبة للرعشة او الهزة الخفيفة في بداية الطلعة أو في بداية الرجوع للخلف هي طبيعية فقط في حالة انك بتكون بتضغط أقل من المطلوب على دواسة البنزين وده لأن dsg أصلا مبني على أساس انو جير مانيوال فا الرعشة دي بالظبط هتحسها لو انت بتعمل نفس الموضوع في عربية مانيوال عادية جدا وضغط بنزين خفيف جداً أو مش كافي هتحس برعشة كأن العربية هتطفي.
الي بقولهولك ده موجود في كل عربيات فولكس بالجير الجديد بما فيها الطوارق فا متقلقش من الموضوع وعلاجه انك تضغط بنزين كافي للإنطلاق بس ومتقلقش مافيش مشكلة ومش هيلاقو في التوكيل بعد الفحص مشكلة لأن عندي تجارب مشابه لبتاعتك عايشتها بنفسي ومتقلقش.
هبسطلك الموضوع في الأوتوماتيك العادي العربية او ما تجيب الدي بتتحرك من غير ما تدوس بنزين مش كده ؟ لا الجير الجديد بتاع فولكس زي المانويال اول ما تجيب دي العربية مش هتمشي إلا لما تدوس بنزين وطبعا انت متعود على الأوتوماتيك العادي فا بتدوس بنزين خفيف جداً وده الي بيعمل الرعشة.
انا عارف انك بتدوس خفيف لان العربية جديدة وعايز تحافظ عليها ومش عايز تقرص جامد,, بس متقلقش حتى لو ضغط ضغطة زيادة شوية الآر بي ام هينقل عند 2 ود مش كتير يعني.
عموما الجير بوكس الجديد بتاع فولكس لما بتجيب على الدي بيتبع نظام توفير استهلاك الوقود فا هتلاقي في بطء في الطلعة وكمان حتى في بطء في التسارع نوعاً ما.
لو عايز تسارع والعربية تطير منك هات الجير على الإس وشوف التسارع هيبقى عامل ازاي.
في حاجة مهمة جداً انت لينت العربية من 0 الى الف كيلو؟ ولينتها التليينة التانية من ألف الى الف و500 كيلو على سرعات عالية جداً وعدد لفات آر بي ام عالي؟
مهم انك تلين العربية بعد الف كيلو زي ما كاتالوج العربية بيقول انك توصل بالسيارة لأقصى سرعة ممكنة, وانك توصل لأقصى عدد لفات موتور بس طبعا ده لدقايق محدودة فقط وبعد كده ترجع تسوق عادي.
بالنسبة لموضوع النقل من دي 1 الى دي 2 والعكس انا بصراحة مش فاهم قصدك ياريت توضح اكتر عشان افيدك.
اتمنى اكون قدرت اوصلك اي معلومة مهمة
تحياتي

انا أعتقد فعلا ان كلام delpo مظبوط وشكلك فعلاً مبتدوسش بنزين كفايه لان فعلا أى عربيه مانيوال لازم تحسسك أنها هتبطل لو مدوستش بنزين كفايه مع انك بتكون سايب دبرياج كتير وبم إن ال dsg نظامها فيه من نظام المانيوال بس طبعا مع الفرق بينهم ان دى بدبرياج ودى من غير , يبقى لازم إنك تدوس بنزين كفاية وحاول تجرب الحركة دى قبل ما تروح التوكيل عشان لو لسه متحلتش والمشكله مستمره تقولهم عليها .

وربنا يوفقك

المشاركة الأصلية كتبت بواسطة delpo

أخي العزيز بالنسبة للرعشة او الهزة الخفيفة في بداية الطلعة أو في بداية الرجوع للخلف هي طبيعية فقط في حالة انك بتكون بتضغط أقل من المطلوب على دواسة البنزين وده لأن dsg أصلا مبني على أساس انو جير مانيوال فا الرعشة دي بالظبط هتحسها لو انت بتعمل نفس الموضوع في عربية مانيوال عادية جدا وضغط بنزين خفيف جداً أو مش كافي هتحس برعشة كأن العربية هتطفي.
الي بقولهولك ده موجود في كل عربيات فولكس بالجير الجديد بما فيها الطوارق فا متقلقش من الموضوع وعلاجه انك تضغط بنزين كافي للإنطلاق بس ومتقلقش مافيش مشكلة ومش هيلاقو في التوكيل بعد الفحص مشكلة لأن عندي تجارب مشابه لبتاعتك عايشتها بنفسي ومتقلقش.
هبسطلك الموضوع في الأوتوماتيك العادي العربية او ما تجيب الدي بتتحرك من غير ما تدوس بنزين مش كده ؟ لا الجير الجديد بتاع فولكس زي المانويال اول ما تجيب دي العربية مش هتمشي إلا لما تدوس بنزين وطبعا انت متعود على الأوتوماتيك العادي فا بتدوس بنزين خفيف جداً وده الي بيعمل الرعشة.
انا عارف انك بتدوس خفيف لان العربية جديدة وعايز تحافظ عليها ومش عايز تقرص جامد,, بس متقلقش حتى لو ضغط ضغطة زيادة شوية الآر بي ام هينقل عند 2 ود مش كتير يعني.
عموما الجير بوكس الجديد بتاع فولكس لما بتجيب على الدي بيتبع نظام توفير استهلاك الوقود فا هتلاقي في بطء في الطلعة وكمان حتى في بطء في التسارع نوعاً ما.
لو عايز تسارع والعربية تطير منك هات الجير على الإس وشوف التسارع هيبقى عامل ازاي.
في حاجة مهمة جداً انت لينت العربية من 0 الى الف كيلو؟ ولينتها التليينة التانية من ألف الى الف و500 كيلو على سرعات عالية جداً وعدد لفات آر بي ام عالي؟
مهم انك تلين العربية بعد الف كيلو زي ما كاتالوج العربية بيقول انك توصل بالسيارة لأقصى سرعة ممكنة, وانك توصل لأقصى عدد لفات موتور بس طبعا ده لدقايق محدودة فقط وبعد كده ترجع تسوق عادي.
بالنسبة لموضوع النقل من دي 1 الى دي 2 والعكس انا بصراحة مش فاهم قصدك ياريت توضح اكتر عشان افيدك.
اتمنى اكون قدرت اوصلك اي معلومة مهمة
تحياتي

عذرا , لكن الكلام ده غير صحيح بالمره

الفتيس اوتوماتيك 100% , لكن بنفس سرعه النقل و توفير المانيوال وليس نظام الجير المانيوال , الواضح انك بتتكلم على الجير ال mmt و لم تجرب نهائى اى عربيه بفتيس dsg
العربيه بتتحرك وانت على d اول تشيل رجلك من على الفرامل ولمسه خفيفه كفيله بعمل تسارع عالى
نفس الكلام على ال ٌr وعلى التيبترونك

فى الطبيعى لا توجد اى رعشه او اصوات غريبه ,تنتج عن دوس بنزين او وضع نقل , لان العربيه بتحافظ على معدل ثابت لل rpm بغض النظر عن تصرف الراكب من رياده بنزين و خلافه
مثال : انا بركن العربيه فى جراج منزلى , بدخل بظهر العربيه على r, يوجد مطلع خقيف بقف عليه وبفتح الباب و ارجع ادور وارجع للخلف بدون ما دوس اى بنزين ,العربيه مع عزم المطلع ووزن العربيه بتزود البنزين علشان تحافظ على ال ٌrpm وده كافى لتحريك العربيه لو دوست بنزين خفيف التسارع هيبقى عالى وده مش مناسب لى فى الركن