شيفروليه لانوس

**tarek_wahba** · 31-05-2010 12:37 AM

إخواني الاعزاء
السلام عليكم و رحمة الله و بركاته
كنت عايز أهل الخبرة و الثقة
هل هناك فرق في الاداء و السيارة ككل بين دايو لانوس و شيفروليه لانوس؟ و خاصة الاداء لمن جرب الاثنين
و شكرا لحضراتكم مقدما

**rororo** · 31-05-2010 01:44 AM

مفيش اي فرق غير العلامة فقط اما الاداء واحد للاثنين لكن ممكن تسمع فتاوي كتير ناس هتقولك شيفرولية احسن وناس تانية تقولك لا تفقيل دايو احسن

**toni** · 31-05-2010 10:20 AM

مفيش اي فرق بس مثلاً متجيش تقارن عربية مو 2010 بواحده 1999

**wael_dosoky** · 31-05-2010 10:45 AM

شوف يا اخي انا كان معايا عربية لانوس موديل 99 بتاعة الشغل ولما ربنا كرمني وجيت اشتري عربية جبت شيفورليه لانوس 2010
ما فيش فرق خالص بين الأثنين سوي ان الانوس 99 كنت بأحس انها اثبت علي الطريق اكتر

**ahmedhilmy** · 31-05-2010 10:46 AM

الحقيقة اني شايف نسبة كبيرة جدا من الناس مش بتشكر في الشيفروليه بداية من اصحاب التاكسيات و نهاية بالميكانيكية و الكل بيجمع علي ان التقفيل سئ و اغلب الخامات و قطع الغيار المستخدمة صيني انا مش عارف الكلام ده صح و لا غلط خاصة اني مركبتش اي عربية او جربتها منهم يا ريت الاعضاء اللي معاهم العربية يقولوا رايهم خاصة اني في حد معانا هنا غير عربيته الدايو لواحدة شيفروليه فايه رايهم ي فرق فعلا؟

**waelgaber** · 31-05-2010 11:56 AM

السلام عليكم انا لسه جايب العربيه وقبل ما اجيبها سالت كتير وسالت اصحاب التاكسى وكان الفتاوى كتير ناس تقول العربيه زى الفل وناس تقول العربيه وحشه طبعا ده طبع المصرين بس انا عن نفسى استخرت ربنا وجبتها وبصراحه زى الفل توكل على الله

**khaled4nour** · 31-05-2010 08:35 PM

انا لسه مشتريها من شهر ونصف بص شفت الويل من التوكيل وتعامله السيء
السيارة غير مظبوطة بالمره يا جماعه
نصيحتى لكل واحد ناوى يشتريها
اشترى اى حاجة غيرها
انا غيرت لغاية دلوقتى ربع العربية لعيوب بالصناعه
ومش رأى لوحدى
ده راى الناس كلها
السيارة سيئة للغاية تقفيل وامكانيات
اما التوكيل مااااااااافيا عصااااااااابه
دى نصيحتى واللهم قد بلغت اللهم فأشهد

**aly_hosny** · 31-05-2010 08:58 PM

انا معايا شيفروليه لانوس 2009 وصاحبي معاه 2008 دايو
الفرق ال لاحظته فعلا ان الطاره عنده اخف والكابوت عندي اتقل
غير كدا انا سوقت الاتنين و زي بعض بالظبط
وهو الكاسيت بتاعو شرايط وانا mp3
دا غير طبعا الشبكة وال الطاسات