الحمد لله لسا جايب صني جديدة بس في شوية استفسارات عن العربية ياريت حد يجاوبني عليها
السلام عليكم روحمة الله وبركاته
أنا لسا جايب صني جديدة من أسبوعين وما شاء الله هي عربية زي الفل لكن في عندي شوية استفسارات عاوز أعرفها وحاجات كدا صغيرة عاوز أسأل عنها :
أول حاجة :
إيه فايدة زرار ال overdrive اللي في الفتيس دا لأني قرأت في الكتالوج عنه كتير بس ما فهمتش منه حاجة ولما جربت أقفله وافتحه عالطريق ما لاحظتش فرق مذكور فياريت حد يعرفني فايدته العملية يعني حد جربه يعني وإيه ميزته وامتى أستخدمه وامتى لأ
تاني حاجة :
مش عارف ليه حاسس أن الأبواب بتاعة العربية مش بتقفل بنعومة كل الأبواب لازم تقفلها كذا مرة عشان ترضى تتقفل ودي أكتر حاجة بصراحة مضايقاني في العربية .
تالت حاجة :
أنا سمعت أن تسارع النيسان من الصفر عالي جدا بس لما جيت أجربها مقارنة باللانسر عربية والدي بحس أن سحب اللانسر أعلى بكتير وأن الصني لما بدوس الدواسة بتاعة البنزين ما بحسش بسحب سريع إلا لما أكون على سرعة عالية مثلا فوق ال80 وأدوس الدواسة للآخر ساعتها بس بحس بالفرق الشديد وبتسحب جامد جدا ما شاء الله أما وأنا على سرعات هادية وأحب أزود العربية ما بتسحبش مني .
رابع حاجة :
النقلات بتاعتها بحس بيها أوي مقارنة برده باللانسر في اللانسر كنت لما بزود سرعة ما بحسش بأي نقلة والنقلات بتنقل من غير أي إحساس بيها أما هنا لازم صوت العربية تعلى للآخر وال RBM يوصل ل 4 عشان تنقل ماعرفش دي ميزة ولا عيب .
خامس حاجة :
هل ممكن أركب سينيور خلفي للعربية وأسعاره كام وهل بيركب في الضمان وبيركبوه بكام وإيه أفضل أنواعه ؟
ونفس السؤال بالنسبة لوحدات الرفع لأن في واحد قالي أن الضمان ما بيرضاش يركبهالك ولو ركبتها بتخرج العربية من الضمان .
بس بصراحة على الرغم من الملاحظات دي إلا أني بستريح نفسيا كل ما أسوق العربية دي وبحس أنها سلسلة جدا في المشي ثابتة أوي وبحس أني راكب عربية نضيف بجد ....
ومنتظر ردودكم وجزاااااكم الله خيرا مقدما
اللون الاحمر مخصص للمداخلات الادارية لذا تم تغيير اللون
رجاء مراجعة قواعد المنتدى
4:41pm 7/6/2010
مشرف القسم 9ب