اهو الموضوع ده بالذات اكتر موضوعع بتسأل فيه لما يعرفوا اني دكتور.....
وعلاجه اغلبه زي ما حضرتك عملت كده ايحاء نفسي مش اكتر
عرض للطباعة
اهو تخصص العناية ده من التخصصات اللي مبحبهاش ابدا....مع انه سهل ومريح...ومفيهوش risk زي التخصصات التانية....
لكن فكرة ان الموت طول الوقت واقف عند راس العيان دي صعبة....ومهما حاولت تلف السرير عشان تبعد الموت عن راس المريض... في الغالب المحصلة واحدة....
على رأي مزاجانجي في فيلم الكيف.... "ودي مين ييحيها غير اللي خالقها"
بظبط والله زي محضرتك قلت
وخصوصا النايت شيفت
كنت ادخل ابص كا اقلهم انا شمة ريحة ملايكة ومن ضمنهم عزرائيل الليلة دي
وطول الليل تشتغل مع مرضي عارف انهم مش هيشوفوا ضوء الشمس الصبح
منتهي اليأس..مع انه تخصص مريح ومربح جدا جدا ججدا
لمستشفيات الخاصة كمان يبقي قاعد تلات اربع دكترة بيهوووا علي مريض واحد وياخدوا الشئ الفلاني فلشفت الواحد
حماتي : هاتلي دوا معاك م الاجزاخانة وانت جاي م الصلاة
انا : اسمه ايه يا خالتي ... اكتبيهولي او هاتي العلبة القديمة
حماتي : العلبة رميتها .... هوا اسمه زامبالين
انا : زامبالين ؟؟؟؟؟ فيه دوا اسمه زامبالين .... ده اكيد اسم بهارات بتتحط ع البامية
حماتي : انتا بس قوله الدوا بتاعي ... الزامبالين .... هو لونه فاتح كدة
انا : يا ستي طيب قوليلي اسمه صح .... يعني اروح للراجل يضحك عليا ... وبعدين انتي بتاخدي عوشروميت صنف دوا ... سكر وضغط وقلب وكبد و.....والاجزخانة فيها 4 دكاترة وبيتغيرو ورديات ....
حماتي : ما تبقاش بايخ بقى .... انت بس قول للدكتور .... اسمه زامبالين ... هو عارف
انا: طب بكام
حماتي : انا فاكرة بقى ؟؟؟
....
بعد الصلاة روحت للصيدلية وانا ف نص هدومي
لو سمحت يا دكتور .... الحاجة كانت عاوزة دوا اسمه مش فاكره بالظبط .... مش متأكد ... زامبالين او حاجة شبه كدة
الدكتور : ايون .... وراح جابلي الدواء في 10 ثواني من الرف ....... وانا مذبهل ... لدرجة كنت ح انسى اديله الفلوس
الدوا طلع اسمه كولوسبازمين ........ يعني زامبالين برضه
وروحت اديته لخالتي .....
خالتي : مش قولتلك اسمه زامبالين ؟؟؟؟ اهو ... هوا ده
المفروض الصيادلة يتعلمو فتح المندل بصراحة :44:
ههههههههههههههههههههههههه ههههههههههههه
زمبالين
كويس انها مقلتش زمبلك
كولوزبازمين بتاع الامعاء والقاولون العصبي
لحد فترة قريبة كان عندي مشكلة كبيرة جدا فاسماء الادوية خصوصا اللي ماما بتطلبها
وكل مروح صيدلية يعملوا حفلة كويميدية وتريقة عليه
كويس ان الصيدليه اللي حضرتك رحتها فاهمين اللي فيها:Ta_clap[1]::Ta_clap[1]:
لقد حجزت زكرتتين
الدكاترة طلعوا كتير قوى فى المنتدى
كنت عامل زمان موضوع لحصرهم (أكتر ما هم محصورين)
وآن أوان تنشيط الموضوع من تانى
(حصريا لأطباء المنتدى: http://www.nilemotors.net/Nile/15687-a.html )
وساعات بتبقى مش فاكرة الاسم خالص
تقوللي دوا الرجلين ...... اصل رجليا واجعاني
او الدوا اللي باحطه تحت لساني .... وانا اروح للصيدلية او اتصل بيهم واشرحلهم .... والغريب انهم بيعرفو بسهولة ...مع انهم بيتغيرو كتير وورديات واكتر من صيدلية .... يعني مش دكتور ثابت
يظهر ان خالتي هيا اللي بركة
بلمواصفات دي؟؟ مش لازم تعدي عليها كتير
بركة علي عينا وراسنا بس في طاقة احتمال بردوا :d
مريض اليوم:
المريض: يادكتور أنا عندى التهاب فى الجيوب والأنفية والتهاب فى اللوز نافخ لى الحنجرة ومقلل السمع وعامل لى صداع بقاله 3 شهور
أنا: يا حج إيه اللى تاعبك من غير تشخيص
المريض وهو يمسك رقبته: اللوز وانتفاخ فى الحنجرة وصداع
بعد الكشف لايوجد أى مشاكل لا فى اللوز ولا فى الجيوب ولا فى الحنجرة
قست الضغط كان عالى جدا وهو مبدئيا سبب الصداع (العرض الأساسى)
باختصار افحص كل شئ بنظام ولا تترك الدفة فى يد المريض
ضحكتني والله ياحاج أحمد
شوف دوووول كمان
.................................
حباية الصداع الي نصها أبيض ونصها أصفر(باي الكوفان)
فاثي(نوفا سي)
مرهم امبيسللين (تيراميسين للعين)
سبزست(سبازمورست أقراص)
الحبوب بتاع الصداع يادكتور(مع الضغط على كلمة صداع)...فياجرا وخلافه
حبوب المصمصة(برادورال أقراص)
الحبوب الخضرا بتاعت التعنية(ستربتوكين أقراص)
شريط الظغط أبو 10.5 جنيه(كابوزايد أقراص)
حبوب منع الحمل أم 10 جنيه(ميكرولوت)..وأم 15 جنيه(جينيرا)
تكسيل(توبلكسيل)
اللبوس بتاع الإسهال(تحاول تقنع الناس إن مفيش لبوس للإسهال ..مايقتنعوش)
ويقولك..أنا بجيبه على طول من الصيدلية التانية
القطرة بتاعت اللحام(بينوكس نقط)
..
..
...........................
كل اللى بنتكلم عنه هنا يضحك فعلا بس فى الحقيقة محزن
معنى كلامنا إن طرق التعامل مع المشاكل الصحية فيه خلل بشع على مستوى المريض والطبيب والصيدلى
يعنى المنظومة كلها
وضع صعب جدا
فيه ظاهرة بدأت تنتشر
تلاقي الصيدلية متعاقدة مع دكتور بشري شاب ييجي يقعد في الاجزخانة ساعتين او 3
ولما حد ييجي عاوز دوا الدكتور يشوف الاعراض اللي عندة بسرعة ع الواقف ويكتبله الدواء
كدة مبيعات الصيدلية بتزيد وزباينها بيتضاعفو ... ومبيعات انواع ادوية معينة بتزيد والدكتور بيستفيد ماديا والصيدلية كذلك
حد شافها قبل كدة
يظهر ان الزمبالين ده ح يبقى ظاهرة .... زي البنطلونات الساقطة :ma:
بس انا شايف ان موضوع اطباء الصيدليات ده مش وحش
احنا 90 % من الناس بتشتري الدواء م الصيدلية بدون رأي طبيب اساسا
يبقى وجود الطبيب ده افضل من عدمه .... وبعدين ده مش بياخد أجر م المريض ... أجره من الصيدلية علشان وجوده بيسمع وبيزود الزباين والمبيعات
على فكرة انا زوجتي هيا اللي بتكشف ع العيال وتجيبلهم الدواء ... الا في حالات معينة بتروح للدكتور .... وساعات كمان بتكشف على الجيران ..... بتطهر معلقة وتكشف على الزور وزي الفل والنتيجة مبهرة
ولما بتروح للدكتور بيكتب نفس العلاج .......
وانا لما باتعب هيا اللي بتعالجني في معظم الاحوال
زوجتي خريجة تاريخ ...... نننننننننننننننننننيييييي يييييييييييييييهههههههههه هههههههههههههه:36_6_3[1]:
على رأي كريم
ههههههههههههههههههههههههه ه
انا قاعد اضحك بصوت عالي وانا لوحدي ...... لما ح يقولو عليا مجنو ..... مجنون يعني
....
ايون انا الحاج احمد ابراهيم اللي في القصة الشهيرة ... وانا فعلا عضو قديم في المنتدي من سنتين ونص تقريبا
شوفتي بقى بيشهروا بيا ازاي
وشنوري استغل التوقيع بتاعي اسوأ استغلال في اعماله الشريرة
فعلا والله يادكتور
هم يضحك وهم يبكي
أنا تجاربي السيئة مع الأطباء لا تنتهي
وفيه دعوة دائما أمي تقولها :"ربنا يكفينا شر الدكاترة"
وأنا من زمان عندي أعتقاد بأن مهنتين فسادهم يؤدي إلى إنهيار المجتمع : الطبيب والمحامي
لكن ده مايفيش وجود شرف للمهنة موجود عند بعض الأطباء
وفعلا المهنة دي إما باب للجنة أو أبواب للنار
أعانكم الله جميعاً لما يحب ويرضى
لا يافندم
دا مجرد ستار
دا جايز ولا يطلع دكتور من أساسه
أو بالكتير امتياز (مع احترامى للامتياز) وبيحرق نفسه علشان كام جنيه
يسمع منهم واحد دبلوم زى مايسمع صيدلى زى ما يسمع طبيب غير مؤهل
وهل هتوجد حجرة كشف وللا على الناشف؟
فيه طب وعلاج يدار بالأعراض فقط؟
دى مجرد سقطة جديدة فى مسلسل السقوط للهاوية
هو بعينه
شفتى عمل إيه فى كمال وجاى يقوللنا هنا إيه؟
الموضوع خراااافى يا دكاتره ,, ربنا يصبركم على الناس الغلابه دول بيكونو مش فاهمين و المشكله لو جالك فى وقت بتكون انت خلصان فيه بقى و مش طايق مناقشات خايبه
بس فعلا حاجه تحزن ...
اشكر بشده الدكتور احمد على فكره الموضوع اللى طلعت بلاوى من الناس هههههه .. دول معبيين و ساكتين يا دكتره
ملاقيش حاجه للصداع بتاع الضوافر .. قبل ما تقول انا عارف ان ده من اللوز !
جرس المحمول يرن الساعة 1.30 صباحا
أنا: الو..مين؟
عبدالناصر: ايوة يا دكتور ... انا عبدالناصر
أنا: عبدالناصر مين؟
عبدالناصر: أنا عبدالناصر اللي عندي قطع في الرباط الصليبي.. و حضرتك قلتلي اني محتاج عملية.
أنا (باهتمام): ايوة يا عبدالناصر،، خير يا حبيبي:3mla:
عبدالناصر: انا عملت العملية فعلا عند الدكتور فلان في القاهرة
أنا:..........:fdsa:..........طيب خير ايه المطلوب
عبدالناصر: انا بس رجلي بتوجعني دلوقتي (1.30 صباحا) ممكن تقوللي على حاجة مسكنة اخدها
أنا (في سري): :I_angr1[1]:@##$#@$$$###@$#@%$@%%%%%$#%$#@%$
أنا: روح الصيدلية خللي الصيدلي يديك اي حقنة مسكن
عبدالناصر(بتباتة يحسدعليها): يعني اقوله يديني ايه
أنا: أي حاجة.....مع السلامة...
المحمول يرن، المرة دي الصبح و أنا في شغل
(ع): الو يا دكتور أنا (ع) اللي حضرتك عملتلي عملية شرايح في ذراعي من 8 شهور
أنا: ايوة يا (ع) خير فيه ايه
(ع):انا واحدة زميلتي خبطتني في ذراعي و بيوجعني قوي...(ثم بانهيار) مش حاسة بيه...مش حاسة بيه:stink[1]:
أنا: طيب الف سلامة. تيجي لي المستشفي نعمل لك اشعة و نطمئن
(ع): ليه هو فيه ايه
أنا: ما اعرفش ادينا هنشوف
(ع) (و بانهيار اشد):لا هو انا لسة دراعي هينفتح تاني. .......لسة سنة هتضيع من عمري:mad2::dontudear::unhappy:
أنا: :dzey:خلاص يا (ع):khd:ما تجيش و لا حاجة. خديلك اي حاجة مسكنة و ابقي عدي علي بعد الإمتحانات
و الحكايات كتير
د.عيد
الأولاني ده تنح بشكل غير عادي
والتانية ليها حق بصراحة....هي لسه في الضمان:makeup:
احنا البشر الوحيدين الغير مسموح لهم باغلاق الموبايل او حتى نعمله صامت....
انا مرة واحد بيقولي هو انت بتنام امته حاولت اكلمك في كذا ميعاد مختلف ودايما ترد عليا :B4_444:.....
طب اقوله ايه دا بس