اقتباس المشاركة الأصلية كتبت بواسطة aif مشاهدة المشاركة
حماتي : هاتلي دوا معاك م الاجزاخانة وانت جاي م الصلاة
انا : اسمه ايه يا خالتي ... اكتبيهولي او هاتي العلبة القديمة
حماتي : العلبة رميتها .... هوا اسمه زامبالين
انا : زامبالين ؟؟؟؟؟ فيه دوا اسمه زامبالين .... ده اكيد اسم بهارات بتتحط ع البامية
حماتي : انتا بس قوله الدوا بتاعي ... الزامبالين .... هو لونه فاتح كدة
انا : يا ستي طيب قوليلي اسمه صح .... يعني اروح للراجل يضحك عليا ... وبعدين انتي بتاخدي عوشروميت صنف دوا ... سكر وضغط وقلب وكبد و.....والاجزخانة فيها 4 دكاترة وبيتغيرو ورديات ....
حماتي : ما تبقاش بايخ بقى .... انت بس قول للدكتور .... اسمه زامبالين ... هو عارف
انا: طب بكام
حماتي : انا فاكرة بقى ؟؟؟
....
بعد الصلاة روحت للصيدلية وانا ف نص هدومي
لو سمحت يا دكتور .... الحاجة كانت عاوزة دوا اسمه مش فاكره بالظبط .... مش متأكد ... زامبالين او حاجة شبه كدة
الدكتور : ايون .... وراح جابلي الدواء في 10 ثواني من الرف ....... وانا مذبهل ... لدرجة كنت ح انسى اديله الفلوس
الدوا طلع اسمه كولوسبازمين ........ يعني زامبالين برضه
وروحت اديته لخالتي .....
خالتي : مش قولتلك اسمه زامبالين ؟؟؟؟ اهو ... هوا ده
المفروض الصيادلة يتعلمو فتح المندل بصراحة


مش قااااادر

انا باخد زمبالين برضه