ملاك ال 307 فقط عايز رايكوا

يا جماعه انا بشتري عربيه 307 موديل 2007 و ماشيه 56000 كم و صيانه التوكيل و فابريكه كلها و صاحبها عايز 85000 جم و هيسجلهالي علي حسابو ا و سئلت علي مصاريفها لقيتها 1257 جم فايه رايكوا و هل ال307 فعلا كويسه انا بشتري الهاي لاين منها و بحاول انزل مع صاحبها فيها شويه عايزكم تفيدوني و قولولي سعر رفع العربيه بكام و الكشف الشامل فين و انهي توكيل احسن للكشف علي العربيه
و العربيه عامله ايه معاكوا ؟؟ و عيوبها :I_angr1[1]: الي قابلتوها ايه؟؟
و قطع غيارها مناسبه :36_1_61[1]:ولا اغلي من الجديد كلو ؟
و اسف علي الاطاله:E_braces[1]: و تجديد الرخصه 3 سنين بكام :8954[1]:؟ و شكرا يا ملاك ال307 قريب هبقي تبعكم ان شاء الله:B4_007:

مفيش حد معاه 307 خالص هي فعلا مش منتشره زي باقي العربيات بس دي ميزه انك تركب حاجه مميزه و الحمد لله مستفدتش اي حاجه و هحاول اسئل واحد جاري معاه العربيه دي بس اما اشوفو وانا مستعجل

بص ... اللي أقدر اقولهولك كالاتى , لو العربية وكيل أنا لو مكانك مش هجيبها , إنما لو خليجي يبقى على بركة الله وتعملها صيانة عند امير وجوزيف في أبو داود الظاهري
و ده رأي الشخصي

انا مش عارف بصراحه هي خليجي ولا وكيل بس ايه الفرق و ليه الوكيل مالوا ؟

ملاك 307 منقرضين في المنتدي

العربية حلوة في المشي و الثبات لكن قطع الغيار غالية بس معمرة و استهلكها في البنزين عالي شوية

عربية الوكيل ميالة أكتر للمشاكل عشان البيه بيجيبلك عربيات فرز تاني (عربيات ماينفعش تتباع في فرنسا )
أما الخليجي لو جايبها من مستورد محترم (في واحد اسمه جابر عبد الشهيد في مصر الجديدة كان بيدي عليهم ضمان ) و ده أنا قلت لكذا واحد عليه و جابوا والحمدلله دعولي.
أما عن الفروق فـفي غالبية الوقت بتبقى بتاعت الوكيل أوبشن اقل يعني جنوط 15 بدل 16 والاستبن بيبقى عادي مش سبورت (في الخليجي المحترم سبورت) 2 ايرباج بدل 6 وهكذا . في فرق تاني واضح وهو ستيكر على ظَهر الوكيل بيبقى مكتوب عليه Peugeot Assistance و واحد تاني مكتوب عليه Peugeot Wagih Abaza.
أرجو ان اكون افادتك

سوقها نااايم على الآخر ...

انا هتاكد من موضوع خليجي ده بس هي جنوط 16 اصلي و الاستبن جنط برده 16

كنت من ملاكها و خليجي عربية قطع غيارها ناااااااار و لازم تيجي برقم الشاسية من فرنسا علي حسب كلام التوكيل الخليجي
بتسخن و فيها عيب تصنيع في الحرارة ثبات و أمان علي الطريق ملهوش حل و شنطتها غول تخزين و العربية بتاكل بنزين مقارنة ب 1600 الكوري و اليباني و نصيحة لوجه الله بلاش منها احسن لأن لو فتحت بقها موش هتعرف تسده

العربية كانت معايا قبل كده
العربية كتقفيل وثبات وامان صراحة مالوش حل كنا بنمشي على 180 والثبات بتاعها خرافي
بس العربية دي مش لمصر مش حتستحمل الشوارع والحفر والمطبات
عاوزة واحد سواقته هادية اوي ومهتم بالصيانات
قطع الغيار غالية
واستهلاك النزين عالي شوية بالنسبة ل 1600
اعطال كتييرة والتوكيل نفسه في اوقات مايعرفش يحلها
وانا اللي كانت معايا خليجي يعني احسن من وجيه اباظة بمراحل
فهيا كعربية حلوة اوي كسواقة وثبات وشكل
بس هنا في مصر مالهاش سوق خالص
انت صلي ركعتين استخارة وربنا يوفقك للخير

من احلي العربيات اللي ركبتها بس عيبها الخليجي بنزين 95 بص علي غطا التانكمن جوة علشان كدة الاداء ب92 بيكون اقل شوية
من الاخر عربية ماتتنسيش
اعادة البيع صعبة بس مش مستحيلة فلازم تكون واخدها بسعر كويس اوي واظن ان السعر اللي معروضة بية غالياظن بما لايقل عن 5000 دا اذا ماكنش 10000
وهأقولك علي طريقة ممتازة كنت باعملها
اطلع علي معارض اللي بتقبل البدل وفهمة انك عاوز عربية زيرو وعاوز تبيعلة البيجو وقولو المواصفات كاملة وقولة انت عاوز تعرف رينج التمن كام
سعتها هاشوف مدي الاقبال علي السيارة وتمنها هايبقي في حدود كام

طبعا قطع الغيار غالية
كما ذكر اخ قبل كدة الحرارة
اكشف عليها ادفع من 250-500 بس تبقي مرتاح ان العربية مافيهاش اي مشكلة

وشكرا

العربية بصراحة محترمة جدااا وثابتة وواسعة...أنا رأى انك تشوفالموضوع ده http://www.nilemotors.net/Nile/128989-307sw.html يمكن تستفيد منه وعلى الفكرة انا بتعامل مع ميكانيكى محترم أوى وفاهم كويس فالبيجو وكمان أعرف محل بيجيب قطع الغيار بأسعار كويسة جدااا..لو عايز تكشف على العربية ممكن تروح توكيا اباظة اللى فى أبو رواش هما عاملين حملة كشف مجانى حاليا بمناسبة الإفتتاح وهايديلك تقرير كامل عن العربية وإيه اللى محتاج يتغير فيها....ولا تنسى الإستخارة

يا جماعه شكرا جدا علي الافاده و الحمله المجانيه هيدوني تقرير شامل عن العربيه ؟ انا ان شاء الله هطلع علي هناك و انا بكشف و ربنا يسهل انا عنال اعصر في صاحبها ووصلت ل 83000 جم و العربيه فيها زينون في الفوجات و النور الواطي و العالي نور عادي بس العربيه لسي فيها كاوتش الفابريكه و اكيد لازم يتغير في ال60000 كم و سئلت علي البريللي 16 لقيتو من 750جم ل 850 جم ده غالي اوي صراحه بس كاوتش زي الفابريكه الي نازل معاها

أنا عندي واحدة 2007 عامله 56 ألف للبيع لو عاوز بس مانيوال على ماأعتقد المانيوال أحسن في الفرنساوي وهي خليجي

متشكر جدا يا باشا بس ممكن سؤال انت بتبيع ليه دي العربيه ماشاء الله تحفه بس انا بدور علي الهاي لاين الي فيها فتحه سقف و جنوط و سينسور و بلوتوث و حساس مطر و مثبت سرعه و ايرباج و الحاجات الدلع دي يعني اصل انا كنت راكب لانسر 99 فانت بما انك راكبها ايه رايك فيها و قطع غيارها انا سئلت عليها لقيتها معقوله و ارخص من لانسر بومه مثلا تيل الفرامل ب 380 و الانسر ب 400 و تخيل فلتر البنزين بتاع لانسر برده اغلي بس الفرق ان الفوانيس 307 اغلي الامامي لكن الخلفي ارخص و ده عشان الفانوس بتاع ال307 بيعلي و يوطي من جوه

اقتباس:

---

المشاركة الأصلية كتبت بواسطة saeed85

يا جماعه شكرا جدا علي الافاده و الحمله المجانيه هيدوني تقرير شامل عن العربيه ؟ انا ان شاء الله هطلع علي هناك و انا بكشف و ربنا يسهل انا عنال اعصر في صاحبها ووصلت ل 83000 جم و العربيه فيها زينون في الفوجات و النور الواطي و العالي نور عادي بس العربيه لسي فيها كاوتش الفابريكه و اكيد لازم يتغير في ال60000 كم و سئلت علي البريللي 16 لقيتو من 750جم ل 850 جم ده غالي اوي صراحه بس كاوتش زي الفابريكه الي نازل معاها

---

هما فالتوكيل هايدولك تقرير كامل عن الحاجات اللى عايزة تتغير فيها وهايجيلك المهندس لو فى حاجة عايزة تتغير ويقولك على سعرها ولو عايز تغيرها ماشى لو لأ مفيش مشكلة...وخصوصا الفلاتر و البوجيهات والتيل والحاجات دى...ولو محتاج أى حاجة أنا فالخدمة لو أقدر أساعد...ربنا يوفقك وتخلص وتعجبك العربية....تحياتى :wink:

يا باشا شكرا جدااا و هئولك اخر الاخبار ان شاء الله

انا هرفعها ان شاء الله السبت في هيليوبلس مصر الجديده مع انه اغلي واحد بس عشان الواحد يطمن متعرفش حد هناك عشا يتوصوا بينا و يتابعوا الموضوع

لا والله ياباشا أصل انا من سكان الجيزة وماعرفش حاجة فالحتت البعيدة دى...عموما ربنا يوفقك وتتطلع العربية نضيفة...وابقى طمنا

أنا شايف إن العربيه غاليه ب 83000 جنيه والله أعلم

و بعدين إيه أخبار الفتيس الستبترونيك من حيث المشاكل و كده

مش عارف اعمل ايه ؟ موبايل الراجل صاحب العربيه مقفول من يوم الخميس و انا رتبت نفسي اني ارفع العربيه انهارضه و الراجل فص ملح و داب و موبايله مقفول و انا جالي احباط من كتر مبجرب اتصل كل 5 دقايق و زهقت والله و حتي الاعلان الي حاطه علي النت اختفي

اقتباس:

---

المشاركة الأصلية كتبت بواسطة honda_318i

أنا عندي واحدة 2007 عامله 56 ألف للبيع لو عاوز بس مانيوال على ماأعتقد المانيوال أحسن في الفرنساوي وهي خليجي

---

بعد اذن صاحب الموضوع


مطلوب كام ؟

و دهان المصنع ولا لا؟؟

و ستيشن ولا هاتشباك ؟؟

و اللون ايه ؟؟

اقتباس:

---

المشاركة الأصلية كتبت بواسطة saeed85

مش عارف اعمل ايه ؟ موبايل الراجل صاحب العربيه مقفول من يوم الخميس و انا رتبت نفسي اني ارفع العربيه انهارضه و الراجل فص ملح و داب و موبايله مقفول و انا جالي احباط من كتر مبجرب اتصل كل 5 دقايق و زهقت والله و حتي الاعلان الي حاطه علي النت اختفي

---

معلش يا باشا هو الراجل ده اسمه إيه؟؟

أصل أنا حصل معايا نفس الموضوع بالضبط وانا بشترى وطلع الراجل نصاب والعربية عاملة حادثة وملعوب فى عدادها

يا نهار انت بتتكلم بجد اسمه احمد المصري !! بس كان معاه رخصت العربيه و شفتها بس مش عارف ليه اختفي كده و موبايلوا مقفول عالطول والله برده اصحابي بيقولولي ممكن يكون نصاب بس الحمد لله علي كل شيئ

ربنا يبدلك خيرا منها إن شاء الله

مفيش حد قدامه عربيه كويسه و صاحبها بيعمل الصيانه في التوكيل بس تكون الهاي لاين

متشوفلك جولف 5 هتبقى في حدود 90000 لو 2005 و أحسن من البيجو 307 دشليون مره

و برضه لو ربنا وفقك لحنه ليون يبقى كويس أوي برضه

اديني بدور و ربنا يسهل والاقي حاجه كويسه و نضيفه سواء جولف 5 بس المهم الكيلوات الي عاملاها او 307 الاتنين بصراحه فيهم كل الي عايزه بس انا اخري 85000 مقدرش علي 90000

الأخ العزيز .... نصيحة لوجه الله ابعد عن العربية دي خالص ....

انا عندى الهاي لاين اللي انت بتدور عليها وبحاول ابيعها ومش عارف ..
بس طبعآ مقدرش اعرضها فى المنتدى لحد من الأعضاء لأنها عاملة حادثة ...
الحادثة كانت بسيطه جدآ لو مع أي عربية تانيه كانت متكلفتش 5000 جنية ...
العجلة الاماميه انفجرت فى طريق سفر بس الحمدلله كنت ماشى علي سرعة 70 كم لأني كنت بولع سيجارة ساعتها ..
ولفت العربية فى نص الطريق حول نفسها ودخلت من ناحية الرفرف اليمين فى السور الأسمنتي اللي فاصل بين الطريقين ..
وطبعآ الايرباج السته فتحوا ونزلت من العربيه وعينك ماتشوف اللا النور ...
الاكصدام والشبكة والرفرف والفوج لايتس والردياتير كله راح فى الوبا ....
المهم حماتها علي ونش ورحت علي التوكيل الرئيسي اللى فى غمرة ...

تعرف المقايسة كانت بكام ؟؟؟؟

انا كنت شاريها من وجيه اباظه ب 168000

المقايسه كانت 173000 !!!!!!!
والله اكتر من تمن العربيه زيرو موديل السنه ...
المهم اتصلحت بقطع غيار استعمال فى الحرفيين ب 29000
ومن ساعتها طبعآ الحاله عدم ...

فلو عاجباك قوي كده يبقى نصيحة خليك فى الخليجى لأن التوكيل بيبيع فرز تاني ... وهى زيرو ماشية 800 كم كان المبير بتاع الحرارة بيوصل للأحمر ورحت التوكيل قاللي ده عيب فى الترموستات وغيره ...

شوية علي 3000 كم الفتيس باظ وصلحوه بعد ما طلعوا روحي ...

وبالتوفيق ان شاء الله

الى الاخ الفاضل صاحب الموضوع
اخوك ايمن انا من منتدى هوندا
انا شفت موضوعك هنا بالصدفه وقولت اقوللك على حاجه لوجه الله حبيب قلبى ابعد عن بيجو والتوكيل
توكيل بيجو من اقذر واحط توكيلات العربيات فى مصر وفيه كميه فساد وسوء اداره وانعدام ضمير لاتحتمل والله الكلام ده من ناس جوه التوكيل ومن تجربه لواحد صاحبى ومعايا فى الشغل طلعو عينه وصل الامر انه بأه يشتمهم فى التليفون وهما ولا سألين ولا فارق معاهم حاجه
البيجو ماركه محترمه بس برده اقوللك على ملاحظات ناس معايا فى الشغل على 307 بالذات العربيه مشاكلها كتير وفيه مشاكل واضحه اوى فى السوفت وير بتاعها وللاسف الناس مغلوبه على امرها فى عربيه تمنها اكتر من 150 الف ومتعايشه مه العيوب دى والمصيبه ان التوكيل مبيعرفش يحلها وبرده اعرف بنت باعت العربيه للانها تعبيت من مصاريف الصيانه ومشاكلها بتقولى انا باخد مرتبى اصرفه عليها
نصيحه ابعد عن العربيه دى

العربية جبارة ما شاء الله!!! قوة و ثبات و راحة و جودة مثل الألمانى!!! مشاكلها قليلة جدا بس لما حلولها كلها فى الحرفيين و ممكن اساعدك فى مثكانيكية هناك كويسين

السوفت واير سلييييم مفهوش اى حاجة انا مجارب 3 عربيات 307

انا الي عرفتو ان موديل 2007 مكنش فيه عيوب و كنت انبارح رايح اخلص في واحده علي موصلت للراجل صاحبها في مصر الجديده قالي واحد خلاص خدها و طلع يرفعها في التوكيل كانت سوداء هاي لاين و عامله 50 الف كم فابريكه كلها كان طالب 85000 و خلصها 83000 اليي خدها و طلع يرفعها قبل موصل :(

انا معايا واحدة فابريكة للبيع على 86000 الف جنيه لونها باذنجانى تحفة عاملة 66000 هاى لاين فتيس اتوماتيك استبترونيك بها كل الكماليات
تليفونى 0103400639

انا معايا واحدة فابريكة للبيع2007 على 86000 الف جنيه لونها باذنجانى تحفة عاملة 66000 هاى لاين فتيس اتوماتيك استبترونيك بها كل الكماليات
تليفونى 0103400639

نقدر نشوف العربيه فين ؟ و هل هي راشه حاجه بره ؟ و بتعمل صيانتها فين ؟