الموضوع مفتوح للنقاش ولعرض جميع الآراء بدون تفرقة مع الاحتفاظ بخالص المودة والمحبة بين الجميع
فمحدش يزعل من المختلفين معاه في الرأي
الموضوع مفتوح للنقاش ولعرض جميع الآراء بدون تفرقة مع الاحتفاظ بخالص المودة والمحبة بين الجميع
فمحدش يزعل من المختلفين معاه في الرأي
اولاً وقبل كل شئ انا لست مع "تحديد" النسل الذي يعني منعة او قطعة
نهائياً لانة يختلف في المعنى والمضمون مع "تنظيم" النسل الذي يتم
من خلال يتفق الزوجين على الوساءل التي يريا انها مناسبة لهم لتاجيل
او ايقاف الحمل لفترة ومنية معينة ويستطيعوا بعدها الانجاب "بامر الله طبعاً".
ثانيا فقدً قال رسولنا الكريم صلى الله عليه وسلم "كلكم راع وكلكم مسئول عن رعيته"
ففي مثل هذا الزمن "الغابر" يصعب على الكثير كسب قوت يومة لما يشاهدة
يومياً من ارتفاع جائر في الاسعار وعدم ضمن الوظيفة التي يعمل بها لعدم
تثبيتة بعملة بالاضافة لمصاريف الزواج والايجار او الاقساط و وو فاذا لم
يستطع الزوجان او الراع برعاية رعيتة والانفاق عليهم وتوفير حياة كريمة لهم
فلا ارى اي مانع من تنظيم النسل حتى لا يظلم ولا يظُلم ولا ضرر ولا ضرار.
أعزائى الأعزاء
نحن نفعل ما نشاء
ثم نبحث عن اثباتات لوضع الصبغة الدينية المناسبة
على ما اخترنا فعله ...
و يستمر الجدل الى ما لا نهاية ...
هناك مثالين
الاول
من يريد انجاب 50 عيل يتنططوا حواليه
هو حر
و لكنه سوف يفعل شيئاً ما لتجنب العيل ال 51
فى مرحلة ما سوف يوقف الانجاب بملئ ارادته
" طب ما كان من الاول "
الثانى
من يريد انجاب طفل او اثنان فهو حر ايضاً
و اعتقد ان المثال الثانى هو الاكثر حرية و مسؤلية ...
كلمة أخيرة بعد اذنكم
من قال ان هناك حد ادنى للرزق ؟؟
الرزق كما عرفه الشيخ الشعراوى هو " كل ما ينتفع به "
و قد يكون رزقى صفر و لا اجد قوت يومى
و اموت من الجوع
كما يموت الألاف كل يوم من الجوع !!
فى اماكن كثيرة من العالم
و هذا يحدث
منذ ان خلق الله الارض ...
وليه بدل ما نحاول نحدد النسل ليه مانحاولش نربي عيالنا صح
اعرف ناس كتير ما شاء الله نماذج يحتذي بها معاه 7 عيال ربنا يبارك فيهم فعلا قرة عين لابويهم
وناس تانيين عندهم 3 عيال بس ومش مفيدين بالمرة
يا جماعة ربنا عو القيوم القائم بنفسه القائم على غيره
حلينا بس نتوكل على الله ((حق توكله)) الاخذ بموقومات الرزق و الحرص على تربية الناشئة تربية صحيحة ساعتها ولادنا هيبقو قرة اعيننا
وبعد كده اللي ياخد بالحديث الشريف تناسلوا..... يبقى زي اللي فهم (لا تقربوا الصلاة)
الرسول يدعونا للتكاثر و التناسل نعم و لكن لا يريد غثاء كغثاء السيل يريد اشخاص نافعين لدينهم و لدنياهم ولو استطعنا تحقيق الاخيرة يبقى ان شئت تجيب 10 عيال هاتهم بس احرص على تربيتهم
و لا تنسوا ان الموارد البشرية هي الاولي في عناصر التقدم ولكن يبقى ان نوجه بالطريقة الصحيحة
لاتنسوا ان الصين و امريكا و اليابان و المانيا من اكثر دول العالم في عدد السكان ولكن توجيه الموارد البشرية في محله
نحن نحتاج لتنمية الموارد البشرية و توجيهها اكثر من احتياجنا للحد منها
وقبل اي شئ نحتاج لتقوى الله
معلش يا جماعة البعض قال ان تحديد النسل حرام وتنظيم النسل جائز انا مش فاهم ايه الفرق بين تنظيم النسل وتحديد النسل وهل معنى تنظيم النسل هو طالما هناك قدرة على الانجاب وهناك اتفاق بين الزوجين يمكنهم انجاب عشرين طفل مثلا مع ان امكانياتهم ودخلهم الشهرى لا يتجاوز 500 جنيه
انا شخصيا ضد تحديد النسل ولكن مع تنظيمه وترتيب افضل مستوى يعيش فيه ابنائى وانا ايضا
لان لى هدف بالحياة هو صنع اسرة ناجحة وتربية ابناء يستطيعون ان يفيدوا ديني ويفيدوا وطني وعروبتي
ان استطعت ان افعل ذلك باكثر عدد من الاود سافعل وان لم استطع فاقل فاقل
المهم ان يكون هناك هدف ونية مسبقة
مش اخلف وارمي في الشارع وهو يربى
لا الشارع هايربي ولا العيال هايتربوا
انا شايف فى ردود كتير مع عدم التحديد ( او التنظيم ) وان كان الاتنين واحد يعنى ... بس انا عاوز اعرف انتو بتتكلو ازاى يا جماعة ؟؟؟؟؟؟؟؟؟؟؟؟؟؟ انا قعدت اقرا الموضوع كذا مرة لانى قولت لنفسى اكيد انا قريت غلط والناس قصدها مش كدة ؟؟؟؟؟
يعنى اتنين متجوزين خلفو اتنين او ثلاث اولاد .. وحمدو ربهم على النعمة وقررو انهم مايخلفوش تانى لانهم مش حيعرفو يصرفو عليهم .... اية المشكلة فى كدة ... بالعكس دة القرار الصح ... وده الى المفروض كل واحد يعمله بغض النظر عن المسمى تحديد ..او تنظيم .. ( لان الاتنين واحد اساسا )
وبعدين يا جماعة بلاش كل حاجة .. بتكلم فيها بنعرات دينية .. ونتكلم بأسم الدين لان معظمنا ان مكانش كلنا بيجتهد .....
حرجع تانى لنفس النقطة ... وحقارن ماينفعش تقارن اسره مكونة من اربع افراد ... بأسرة مكونة من 9 افراد مثلا ؟؟؟ يعنى سبع اولاد ؟؟؟ محتاجين كام سرير ينامو علية ؟؟؟ محتاجيم اكل قد اية كل يوم ياكلوه ؟؟؟ محتاجين كام اودة نوم ولا حنحطهم ( بنات وولاد ) فى اوض واحدة ؟
حتى حتجبلوهم عربية تقديهم منين ؟؟؟
اكيد الرزق بيجى من عند ربنا ...وطلاما البنى ادم بينوى الخير ربنا بيوفقة بس...........
ماينفعش نقول على اتنين بيخلفو عيال زى الارانب كل 9 شهور انهم ماشين على كلام ربنا .. الناس الى بتحدد النسل على ولدين بس او تلاتة انهم مش ماشين على الدين .!!!!!!!!!!!!!!!
احنا كبشر ربنا ميزنا عن باقى المخلوقات بالعقل ... عقلنا لو استخدمناه بالحد الادنى من الذكاء البشرى ... حنعرف نعيش مرتاحين ومبسوطين جدا جدا جدا .
وانا مع تحديد النسل ب طفلين او ثلاث اطفال حتى لو كان معايا 100 مليار جنية ... يعنى بردة مش علاشان معايا فلوس كتير اروح اتجوز اربعة .... واخلف اربع عيال كل 9 شهور
أتفق معاك يا كريم فى إن تحديد النسل أو تنظيمه يتم على قدرة الفرد على تربية اولاده تربية صالحة و ليس على الرزق لإن الإنسان ليس هو من يرزق أولاده بل رب العالمين هو الذى يكتب الرزق للبشر قبل أن يولودا
لذا فهى تتوقف على قدرة الفرد فى تربية طفل أو إثنين او أكثر