انا سجلت نمره العربيه على الموبايل و نمرت حضرتك
و ربنا يكرم انشاء الله
عرض للطباعة
انا سجلت نمره العربيه على الموبايل و نمرت حضرتك
و ربنا يكرم انشاء الله
والله الواحد زعلان قوي
ربنا ياخدهم قولوا امين
باذن الله تلاقية
السلام عليكم
انت فعلا كلامك و كلام ابوك صح
و اول حاجة جت في دماغي لما حصل معاية الموضوع بتاع النصاب دة ان الواحد فعلا لازم يمشي بكل حياته بتعاليم الدين حتي زي مقلت لو كان قريب و لاة صاحب لازم التعاملات المالية تكون بورق و علشان كدة انا كتبت في الموضوع علشان مفيش حد يتحط في نفس الموضوع اللي انا و قعت فيه و اتذكر قول سيدنا عمر بن الخطاب حين قال
ان الله اعزنا بهذا الدين فوالله لو ابتغينا العزة في غير هذا الدين لاذلنا الله
وقولت احكي قصتي من منطلق و ذكر فان الذكرى تنفع المؤمنين
مع الشكر لكل الاعضاء
السلام عليكم اعضاء المنتدى
انا وصلتني معلومة من احد الاعضاء في المنتدى و ارسل لي ملف في بيانات عن النصاب و عنوان في المعادي ساكن فية
و انا نزلت روحت العنوان امبارح (شارع 250 المعادي رقم 11 شقة 1 ) لما وصلت اصحاب البيت اكدو لي ان كان في شخص بنفس الاسم و الشكل ساكن بس عزل من مدة كبيرة مع الاسف
المرة دية فلت
انا بشكر كل الاعضاء اللي حاول يساعدوني
ربنا يوفقك يا محمد, ما ضاع حق ورائه مطالب
إلي مشرف المنتدي..... لماذا تم حذف البيانات.....؟ دي بيانات حرامي...!!!!!
طيب انت شفت رقم التليفون اللى كتبتهولك واتاكدت هو بتاعه ولا لأ لأنه بنفس الاسم
الموضوع دة فكرنى بموقف حصل من سنة تقريبا او اكتر مع واحد صاحبى ساكن فى العبور
فى يوم صاحبى نازل الشغل وهو مش معاة عربية فا بيمشى حتة علشان يلاقى حاجة يركبها
وهو ماشى لقى عربية اعتقد كانت باسات او كورولا مش فاكر بالظبط وواحد ميعرفوش بيعرض علية انة يركب يوصلة
فى الاول صاحبى اتحرج منة ومع اصرار الراجل ركب
وبدأ يعرفة بنفسة عميد فى الحرس الجمهورى او القوات الخاصة مش فاكر ومراتة وولادة قاعدين فى اسكندرية وهو بس اللى هنا بحكم شغلة وهو شاف صاحبى كذا مرة بحكم انة ساكن فى عمارة جنبة
وقعد يشكر فية انة باين على اخلاق وفى حالة
وقعد يحكيلة عن حياتة ( دة كلة فى السكة فى الطرييق للمطار ) وانة رياضى وبيحب الرياضة وكان بالفعل لابس ترنج ومعلق البدلة الميرى ورا
وبالفعل وصلة المطار ومشى
صاحبى كان بيحكى الكلام دة كلة وهو مستغرب ومش فاهم حاجة ,الغريب انة بالرغم من فارق السن الكبير بس كان بيحاول يتعرف علية ويعمل معاة صداقة
بس من يومها ومسمعتش اى حاجة تانية عن الراجل دة بس من كلامك والوصف افتكرت القصة وخصوصا مع التشابة الكبير فى بعض التفاصيل فا احتمال كبير يطلع نفس الشخص
ربنا يعوض عليك
انا من اكتوبر ابعت بياناته على ايميل:sherifscouthouse@yahoo.com و انا حنشرها لكل معارفي يمكن حد يلاقيه
ربنا يصبرك و يعوضك وان شاء الله يقع و تاخد حقق
ربنا يعوض عليك ... وان شاء الله تقدر تلاقيه
السلام عليكم
اعتقد انه نفس الشخص لان هو دة نفس الكلام اللي قالهولي
انه عقدي في الحرس الجمهوري و انه من اسكندرية و عندة ولد و بنت بس هم و مراته في اسكندرية و انه جية مصر علشان هيحصل لة ترقية و فعلا شهر 7 اللي الشرطة بيحصل ترقيات فية ترقيات للظباط بقي عميد و علق نجمه تالته و كان بيقولي نفس الكلام انا عاوز اساعدك علشان انت شاب محترم و علي اخلاق و كان رياضي و سنة في بداية ال 50 و رياضي و طويل و يبات علية انه ابن ناس
يا ريت صاحبك توريلوه الصورة و يتاكد اذا كان هو و لاة لاء لانه لما كان عندي في العمارة كان بيسالني كتير عن اني اعرف اية في العبور و اية رائي في المدينة دية في اخر كم يوم قبل ميختفي
يا ريت تقولي صاحبك قابل الراجل دة فين و هل لسة بيشوفة و لاة لاء و هو المفروض ان العربية تكون كورلاة سودا
ارجو تقولي كان بيشوفة فين في انهي مكان في الغبور و يشوف الصورة بتاعته انا رافعها و ترد علي في اسرع وقت ممكن مع الشكر
انا منتظر ردك او مكالمتك
0128088644
نصاب محترف ما شاء الله
معلش انا اسف مقدما بس اللى حصلك نتيجة مباشرة لمحاولة الحصول على حاجة مش من حقك
عربيات الشرطة فعلا مش عليها جمارك يس دا للشرطة مش ان ظابط يبيعها من الباطن لمواطن عادى
حسبي الله ونعم الوكيل وربنا يعوضك خير ياباشا.........
اي حد فى مكانه كان حيدحك عليه برضه
لأن المظهربالاضافه الى انه جاره و كمان بيتكلم فى الدين و عامله فيها شيخ
مهنه النصب اصلا قائمه على انه يديله ثقه فى النصاب
صدقنى اى حد كان حيدحك عليه زيه بالظبط ...لأن كمان الواحد مش مدى خوانه
ومافيش اى بادره شك فى الموضوع
لو كده أبعتلى البيانات على الخاص أخى
صوره البطاقه
و رقم السياره
ورقم تلفونك المحمول
وانا موجود فى منطقه المعادى ولو لمحته هبلغك على طول
وربنا يعوض عليك
وجزاك الله خير على التحذير
ربنا يعوض علينا المشكلة موش انك اتنصب عليك وبس المشكلة ان واحد راكب عربية وماشى بيها فى شوارع مصر المحروسة وعلية قواضى كتير وموش عارفيين يقبضوا علية دية المصيبة مين يجيب حق الناس
ومين يحمى اللى ليسة ماتنصبش عليهم من النصاب دة رجاء من الناس اللى بتدعى لمحمد يعوض علية ربنا
يدعو لينا كلنا ربنا يعوض علينا فى البلد اللى ملوش وسطة فيها ما يعرفش ياخد حقة
ربنا يعوض عليك يا زعيم
السلام عليكم
يبقي هو فعلا لانه هرب من العمارة عندي شهر اخر شهر 9/2009
و هو بيسكون دايما في المدن الجديدة و كاان اخر كم يوم بيسالني انا اعرف اية في العبور
برجاء الاتصال بي او وصف العنوان اللي كان ساكن فية و التاكد هو لسة موجود فية و لاة مشي
انا رقمي 0128088644
معلش انا عارف اني هتعبك معاية و يا ريت صديقك يكلمني او يقابلنمي لو قدر و انا هجيله في اي مكان لان كدة ممكن نكون قربنا حتي لو وصلنا لصاحب الشقة اللي كان ماجرها ممكن نعرف هو فين دلوقتي برجاء السرعة
مع الشكر
المكان بالظبط فى عمارات شركةمصر الجديدة للاسكان والتعمير فى الحى التامن فى العبور
بس رقم العمارة للأسف حتى صاحبى لما سألتة ميعرفوش هو قالى انة شافة حوالى 3 او 4 مرات بالصدفة والراجل دة ماشى بالعربية وصاحبى رايح الشغل
بس الموضوع متطورش معاة لأكتر من كدة كمان بيقول انة بقالة فترة طويلة جدا مختفى يعنى الكام مرة اللى اتقابلوا فيها كان فى بداية الحوار واختفى بعدها من فترة
فا كدة واضح انة نقل من المنطقة
أخي الكريم:
أدعوا لك الله أن يرد عليك مالك في الدنيا....وإن لم يحدث هذا في الدنيا -وهو أمر وارد- فإن الله سوف يرد إليك حقك يوم لا تملك نفس لنفس شيئا و لا يوجد درهم ولا دينار..تخيل إنك تكون محتاج لحسنة و تلاقي الآف الحسنات مكان فلوسك اللي راحت في الدنيا...أو تكون محتاج أي حد يشيل عنك الخطايا و تلاقي الراجل اللي نصب عليك راح شايل الليلة عنك..
مش عايزك تقول إن اللي إيده في الميه مش زي اللي إيده في النار
الكلام ده أنا بصبر بيه نفسي برضه لأن واحد صديقي نصب عليا في مبلغ محترم و لأنه صديقي لم أطلب منه أي أوراق
حسبنا الله ونعم الوكيل
ربنا معاك ويعوضك
السلام عليكم اعضاء المنتدى
اللي يعرف وسطة جامدة يا رجالة في العبور ياريت يتصل بي
انا تقريبا وصلت للنصاب بس بيقولولي في القسم انه هيطلع بعد 48 ساعة من النيابة غلشان الحكم غيابي اللي يعرف اتصرف ازاي يا رجالة او يعرف وسطة يتقولي علشان لو هرب تاني مش هعرف اجيبة
مع الشكر موبيلي 0128088644
ربنا معاك ..